agriculture news in marathi, state cabinet expansion on today, mumbai, maharashtra | Agrowon

राज्य मंत्रिमंडळाचा आज विस्तार

टीम अॅग्रोवन
रविवार, 16 जून 2019

 मुंबई : होणार होणार म्हणून गेले काही दिवस चर्चेत असलेला राज्य मंत्रिमंडळाचा बहुप्रतिक्षित विस्तार अखेर आज (ता. १६) होणार आहे. या मंत्रिमंडळ विस्तारात भाजपकडून ५-६ तर शिवसेनेकडून २ मंत्री शपथ घेण्याची शक्यता आहे. मुख्यमंत्री देवेंद्र फडणवीस शनिवारी निती आयोगाच्या बैठकीसाठी दिल्लीला होते. या वेळी त्यांनी राज्य मंत्रिमंडळाचा विस्तार होणार असल्याचे जाहीर केले. शपथविधी सोहळ्याची तयारी राजभवनावर सुरू आहे. 

 मुंबई : होणार होणार म्हणून गेले काही दिवस चर्चेत असलेला राज्य मंत्रिमंडळाचा बहुप्रतिक्षित विस्तार अखेर आज (ता. १६) होणार आहे. या मंत्रिमंडळ विस्तारात भाजपकडून ५-६ तर शिवसेनेकडून २ मंत्री शपथ घेण्याची शक्यता आहे. मुख्यमंत्री देवेंद्र फडणवीस शनिवारी निती आयोगाच्या बैठकीसाठी दिल्लीला होते. या वेळी त्यांनी राज्य मंत्रिमंडळाचा विस्तार होणार असल्याचे जाहीर केले. शपथविधी सोहळ्याची तयारी राजभवनावर सुरू आहे. 

येत्या सोमवारपासून (ता. १७) विधिमंडळाचे पावसाळी अधिवेशन सुरू होत आहे. त्यापूर्वी मंत्रिमंडळाचा विस्तार होईल, असे मुख्यमंत्र्यांनी जाहीर केले होते. मंत्रिमंडळ विस्तारात काँग्रेसला सोडचिठ्ठी दिलेले राधाकृष्ण विखे पाटील यांना मंत्रिपद देण्यास भाजपमधील निष्ठावंतांचा विरोध असल्याची चर्चा आहे. मात्र, विखे पाटील व मुंबई भाजपचे अध्यक्ष आशिष शेलार यांचे मंत्रिपद निश्चित असल्याचे समजते. भाजपच्या कोट्यातून आमदार अनिल बोंडे व संजय कुटे यांच्यापैकी एक तर शिवाजीराव नाईक व अतुल सावे यांच्यापैकी एक अशा दोघांना संधी मिळू शकते. तसेच रामदास आठवले यांच्या रिपाइंला एक मंत्रिपद मिळू शकेल, असा अंदाज आहे. आरपीआयतर्फे अविनाश महातेकर यांच्या नावाची चर्चा आहे. 

शिवसेनेतही मंत्रिपदासाठी रस्सीखेच सुरू झाली आहे. एकनाथ शिंदे यांना उपमुख्यमंत्रिपद हवे आहे. आदित्य ठाकरे यांच्या वाढदिवसाचे निमित्त करून शिंदे यांनी काही आमदारांसह मातोश्रीवर शक्तिप्रदर्शन केले होते. शिंदे यांना उपमुख्यमंत्रिपद देण्यास रामदास कदम, सुभाष देसाई व दिवाकर रावते यांचा विरोध असल्याची चर्चा आहे. त्यामुळे शिवसेना उपमुख्यमंत्रिपदाचा आग्रह धरण्याची शक्यता कमी आहे.

शिवसेनेच्या कोट्यातील एक मंत्रिपद रिक्त असून राष्ट्रवादीतून शिवसेनेत आलेले जयदत्त क्षीरसागर यांना ते मिळू शकते, अशी चर्चा आहे. दोन मंत्रिपदे मिळावीत, असा शिवसेनेचा आग्रह आहे. याच पार्श्वभूमीवर शुक्रवारी रात्री देवेंद्र फडणवीस यांनी उद्धव ठाकरे यांची भेट घेऊन मंत्रिमंडळ विस्ताराबाबत चर्चा केल्याचे सांगण्यात येते.
 


इतर ताज्या घडामोडी
पोषण आहारात ‘महानंद’ टेट्रापॅक दुधाचा...मुंबई : महानंद दूध आणि दुग्धजन्य पदार्थांचा...
बुलडाण्यात जिल्हाधिकारी चंद्रा यांनी...बुलडाणा  ः कृषी विभागामार्फत जिल्ह्यात...
आंबा, काजू क्लस्टरसाठी रत्नागिरी,...रत्नागिरी : विविध देशांमधील आंबा, काजूची निर्यात...
बदलत्या हवामानाचा गव्हाला फटकाअमळनेर, जि. जळगाव  : तालुक्‍यात गहू पिकाची...
भंडारा जिल्ह्यात धान विक्रीचे १११...भंडारा  ः शासनाने हमीभावात बोनसच्या...
लाल कंधारी, देवणी गोवंश संवर्धनासाठी...परभणी  ः मराठवाडा विभागातील लाल कंधारी आणि...
गोंदिया जिल्ह्यात भरडाईच्या...गोंदिया  ः भरडाईसाठी धानाची उचल होण्याची गती...
आटपाडी तालुक्यात बंद साखर कारखान्यांचा...खरसुंडी, जि. सांगली : टेंभू योजनेच्या खात्रीशीर...
सेवा हमी कायदा नागरिकांपर्यंत पोचवून...नाशिक  : सेवा हा प्रत्येक नागरिकाचा अधिकार...
ओबीसींची स्वतंत्र जनगणना व्हावीमुंबई  ः ओबीसींची स्वतंत्र जनगणना व्हावी ही...
नांदेड जिल्ह्यात उन्हाळी भुईमुगाची...नांदेड : यंदा उन्हाळी हंगामात जिल्ह्यात गुरुवार (...
केंद्राच्या योजनांची अंमलबजावणी करा :...हिंगोली : ‘‘केंद्र शासन पुरस्कृत योजनांचा लाभ...
पुणे जिल्ह्यात एक लाख ४० हजार...पुणे ः महात्मा जोतिराव फुले शेतकरी कर्जमुक्‍ती...
कांदा व्यापारातील सरकारी हस्तक्षेप...नगर  : ‘‘केंद्रीय अन्न व नागरी...
नगर जिल्ह्यात जनावरांचा उपचार चार...नगर ः नगर जिल्ह्यातील पशुवैद्यकीय रुग्णालयात आता...
अकोला कृषी विदयापीठाने नियम डावलून...नागपूर : अकोला येथील डॉ. पंजाबराव देशमुख कृषी...
रेशन दुकानातून अंडी, चिकन देण्याला...पुणे ः मांसाहारातूनच विषाणूजन्य रोगांचा फैलाव होत...
अफार्मतर्फे ‘ग्रामीण विकासात स्वयंसेवी...पुणे  : अॅक्शन फॉर अॅग्रीकल्चर रिन्युअल इन...
सोलापूर जिल्हा दूध संघाची ‘नोटीस रद्द...सोलापूर  : जिल्हा सहकारी दूध उत्पादक व...
कृषी उद्योजकांच्या अनुभवांनी भारावले...बोंडले, जि. सोलापूर : उद्योजक होताना आलेल्या...