agriculture news in marathi, state government can propose Sugar export subsidy | Agrowon

साखर निर्यात अनुदानासाठी हालचाली
टीम अॅग्रोवन
शनिवार, 21 एप्रिल 2018

पुणे : साखरेचे भाव कोसळल्यामुळे अडचणीत आलेल्या साखर कारखान्यांना निर्यात अनुदान देण्याबाबत केंद्राकडून अद्याप घोषणा झालेली नाही. त्यामुळे राज्य शासनाची निर्यात अनुदान देण्याबाबत चाचपणी सुरू आहे. यामुळे राज्याच्या तिजोरीवर किमान ६१० कोटी रुपयांचा बोजा पडू शकतो, अशी माहिती उच्चपदस्थ सूत्रांनी दिली. 

पुणे : साखरेचे भाव कोसळल्यामुळे अडचणीत आलेल्या साखर कारखान्यांना निर्यात अनुदान देण्याबाबत केंद्राकडून अद्याप घोषणा झालेली नाही. त्यामुळे राज्य शासनाची निर्यात अनुदान देण्याबाबत चाचपणी सुरू आहे. यामुळे राज्याच्या तिजोरीवर किमान ६१० कोटी रुपयांचा बोजा पडू शकतो, अशी माहिती उच्चपदस्थ सूत्रांनी दिली. 

साखरेच्या भावात सतत चढउतार होत आहेत. काही आठवड्यांपूर्वी प्रतिक्विंटल ३३०० रुपयांनी विकली जाणारी साखर आता २७०० ते २६०० रुपये दराने व्यापारी मागत आहेत. यामुळे साखर कारखान्यांचे आर्थिक गणित विस्कळित झाले आहे. त्यामुळे साखरेच्या दरानुसार एफआरपी ठरविण्यासाठी सरकार दरबारी पाठपुरावा करण्याचे प्रयत्न कारखान्यांनी सुरू केले आहेत. 

शेतकऱ्यांना एफआरपीने उसाचे पेमेंट देण्याचा कायदा आहे. कायद्याचे पालन करण्यासाठी कारखान्यांनी तयार केलेल्या साखरेला योग्य दर हवे आहेत. ‘साखरेचे बाजार कोसळल्यामुळे कारखान्यांकडे एफआरपी देण्यासाठी पैसा राहिलेला नाही. शिल्लक साखर आता तातडीने निर्यात करून पैसे न मिळवल्यास कारखान्यांना शेतकऱ्यांना एफआरपी देता येणार नाही. याशिवाय पुढील हंगामात बंपर ऊस उत्पादनाचा अंदाज असल्यामुळे आतापासूनच साखर निर्यातीला सुरवात करावी लागेल,’ अशी माहिती सहकार विभागाच्या सूत्रांनी दिली. 

राज्यातील १९५ साखर कारखान्यांना केंद्र सरकारने निर्यातीसाठी मान्यता दिली आहे. यामुळे सध्याच्या स्टॉकमधील ६ लाख २१ हजार टन साखर निर्यात करता येईल. प्रतिटन किमान दहा हजार रुपये निर्यात अनुदान गृहीत धरल्यास किमान ६२१ कोटी रुपयांची तरतूद राज्य शासनाला करावी लागणार आहे. 

“केंद्र शासनाने राज्यातील साखर कारखान्यांना केवळ निर्यातीसाठी मान्यता दिली आहे. कारखान्यांना केवळ मान्यताच नव्हे तर निर्यात अनुदानदेखील हवे आहे. आंतरराष्ट्रीय बाजारात साखरेचे बाजार कमी आहेत. यामुळे उत्पादन खर्च व निर्यातीची किंमत यातील मधला फरक साखर कारखान्यांना न मिळाल्यास कारखान्यांना तोटा होईल. त्यामुळे सर्व कारखाने सध्या अनुदानाची वाट पहात आहेत,” असे सूत्रांचे म्हणणे आहे. 
निर्यातीसाठी काेटा ठरवून देणाऱ्या केंद्र सरकारला निर्यात अनुदान जाहीर करण्यात जागतिक व्यापार संघटनेतील काही तरतुदींचा अडसर असल्याचे केंद्रातील अधिकाऱ्यांचे म्हणणे आहे, असे सहकार विभागातून सांगण्यात आले. त्यामुळे केंद्राऐवजी राज्याने साखर निर्यातीला अनुदान देण्याचा पर्याय चर्चेला आला आहे. राज्य शासनदेखील या अनुदानाला ‘निर्यात अनुदान’ न म्हणता अन्य मार्गाने निधी देण्याची शक्यता आहे. 

राज्यातील साखर कारखान्यांकडे आधीचा १६ लाख टनाचा स्टॉक होता. त्यात पुन्हा चालू हंगामातील १०७ लाख टन साखर तयार होईल. यातून एकूण ७५ लाख टन साखरेची विक्री अपेक्षित आहे. त्यामुळे किमान ४५ ते ५० लाख टन साखर राज्यात अतिरिक्त राहू शकते. 

ओपनिंग स्टॉक कमी न ठेवल्यास संकट 
“अतिरिक्त साखर देशाबाहेर न गेल्यास पुढील हंगामात सुरवातीचा साठा (ओपनिंग स्टॉक) ५० लाख टन राहू शकतो. पुढील हंगामातदेखील विक्रमी साखर उत्पादन होणार असल्यामुळे ओपनिंग स्टॉक कमी राखण्यासाठी राज्य शासनाला आतापासून पावले टाकावी लागतील. तसे न झाल्यास पुढील हंगामात कमी गाळप होऊन राज्यात शिल्लक उसाचे संकट तयार होऊ शकते. त्यामुळे राज्य शासन साखर निर्यात अनुदान देण्यासाठी चाचपणी करीत आहे, असे सूत्रांनी स्पष्ट केले.

इतर अॅग्रो विशेष
सरकारला एवढी कसली घाई?विविध मंत्रालयांसाठी अर्थसंकल्पात केल्या जाणाऱ्या...
एक पाऊल पोषणक्रांतीच्या दिशेनेशे तकऱ्यांचे कष्ट, शास्त्रज्ञांचे प्रयत्न आणि...
आधुनिक तंत्रासह काटेकोर धोरणाने अमेरिकन...पुणेः विविध जागतिक संस्थांनी एकत्र येऊन आफ्रिकी,...
मक्याच्या तुटवड्यामुळे अंडी आणि चिकन...पुणे : दक्षिण भारतासह महाराष्ट्र व मध्य प्रदेशात...
लष्करी अळीमुळे राज्यभरातील शेतकरी त्रस्तपुणेः गेल्या वर्षी भीषण दुष्काळाचा सामना करणाऱ्या...
लष्करी अळी नियंत्रणाचे जागतिक प्रयत्नपुणे : स्पोडोप्टेरा फ्रुगीपर्डा म्हणजेच...
मक्यावरील अमेरिकन लष्करी अळीचे आव्हान...पुणे ः गेल्या हंगामातील दुष्काळाच्या चटक्यानंतर...
राज्यात सर्वदूर पावसाचा अंदाजपुणे : मॉन्सून पुन्हा सक्रिय झाल्याने राज्यात...
शेतकरी कंपन्या स्थापन करण्यासाठी करारपुणे ः नाबार्डच्या कंपनी विकास फंडातून...
कर्नाटकात गुऱ्हाळघरातून थेट व्यापार...सांगली ः कर्नाटकमध्ये हमाली आणि अडत कमी असल्याने...
पीकविम्याचे ३२५ कोटी कंपन्यांना वितरितमुंबई ः गेल्यावर्षीच्या खरिपातील पीकविमा योजनेचा...
ग्रामविकासावर खर्च झालेल्या निधीची...मुंबई: आपल्या ग्रामपंचायतीला गावातील...
दुष्काळातही कडवंचीत शेतीतून ७२ कोटींचे...जालना : ‘महाराष्ट्राचे इस्राईल’ म्हणून नावलौकिक...
राज्यात सहामाहित तेराशे शेतकऱ्यांची...मुंबई ः सततची दुष्काळी स्थिती, नैसर्गिक संकटे,...
कोकण, मध्य महाराष्ट्र, मराठवाड्यात...पुणे : मॉन्सून पुन्हा सक्रीय झाल्याने...
परीक्षा शुल्क परतीचा खर्च सात लाख रुपयेयवतमाळ ः परीक्षा रद्द झाल्यानंतर उमेदवारांचे पैसे...
दुबार पेरणीसाठी सरकारची तयारीः डाॅ....पुणे: पावसाचा काही प्रमाणात खंड पडला आहे....
डोणगावात होणार खजूर लागवडअकोला ः पारंपरिक पिकांना पर्याय शोधण्यासाठी...
रक्तक्षय दूर करण्यासाठी लोहयुक्त तांदूळनाशिक : दैनंदिन आहारातून अत्यल्प प्रमाणात लोह...
असंमत बियाणे लागवडीला बोंडअळी कारणीभूत...नवी दिल्ली : देशात २०१८ मध्ये गुलाबी...