महाविकास आघाडी सरकारचे पालकमंत्री जाहीर

मुंबई : महाविकास आघाडी सरकारचे पालकमंत्री जाहीर झाले असून दिग्गज मंत्र्यांकडे त्यांच्याच जिल्ह्यांची जबाबदारी दिली आहे, बाकीच्या मंत्र्यांना मात्र अन्य जिल्ह्यांचे पालकमंत्री करण्यात आले आहे. महाविकास आघाडी सरकारमध्ये अजित पवार यांना उपमुख्यमंत्री केले असतानाच त्यांच्याकडे अतिशय महत्त्वाचे असलेल्या पुणे जिल्ह्याची जबाबदारी दिली आहे, तर वळसे पाटील यांना सोलापूरचे पालकमंत्री करण्यात आले आहे. अपेक्षेप्रमाणे छगन भुजबळ नाशिक, धनंजय मुंडे बीड तर जयंत पाटील यांना सांगलीची जबाबदारी दिली आहे.

काँग्रेसचे मंत्री अशोक चव्हाण यांना त्यांचा नांदेड, नितीन राऊत नागपूर, के.सी पाडवी नंदुरबार, अमित देशमुख लातूर, यशोमती ठाकूर अमरावती असे त्यांचेच जिल्हे दिले आहेत. शिवसेना मंत्री एकनाथ शिंदे यांना ठाण्यासह गडचिरोलीची जाबाबदारी दिली आहे. आदित्य ठाकरे मुंबई उपनगरचे पालकमंत्री असतील. सुभाष देसाई औरंगाबाद,  अनिल परब रत्नागिरी, दादा भुसे पालघर, गुलाबराव पाटील जळगाव जिल्ह्याचे पालकमंत्री असतील.

ज्या पक्षाचे जास्त आमदार त्या पक्षाकडे जिल्ह्याची जबाबदारी महाविकास आघाडीत ज्या पक्षाचे जिल्ह्यात जास्त आमदार त्या पक्षाकडे तेथील जबाबदारी दिली आहे, यानुसार कोल्हापूर बाळासाहेब थोरात, अहमदनगर हसन मुश्रीफ, नागपूर नितीन राऊत, ठाणे एकनाथ शिंदे, असे अनेक ठिकाणी पालकमंत्री नेमले आहेत.                                                                     पालकमंत्री पुढीलप्रमाणे...