शेतकऱ्यांच्या प्रश्नांबाबत राज्यस्तरीय निबंध स्पर्धा

पुणे : भारताला स्वातंत्र्य मिळून ७१ वर्षे झाली, तरी भारतातील शेतकरी आजही पारतंत्र्यात आहे. कायद्याच्या विळख्याने त्याला जखडून टाकले आहे. शेतकऱ्यांच्या विविध प्रश्‍नांवर विचारमंथन होण्यासाठी फोरम ऑफ इंटेलेक्चुअल्स आणि किसान पुत्र आंदोलनाच्या वतीने राज्यस्तरीय निबंध स्पर्धेचे आयोजन करण्यात आले आहे.  राज्यकर्त्यांनी डाॅ. बाबासाहेब आंबेडकरांच्या मूळ घटनेमध्ये वारंवार बदल करत शेतकऱ्यांच्या मूलभूत हक्कांची पायमल्ली केली. त्यांना अन्यायाविरुद्ध न्यायालयामध्ये दाद ही मागता येऊ नये, अशी व्यवस्था निर्माण केली. ‘शेतकरी विरोधी कायदे’ हेच शेतकऱ्यांना गुलाम बनवून शोषण करीत आहेत. १९ मार्च १९८६ ला साहेबराव करपे कुटुंबीयांच्या आत्महत्येपासून ते जानेवारी २०१८ मध्ये मंत्रालयात आत्महत्या करणारे धर्मा पाटीलपर्यंत महाराष्ट्रात सुमारे ७२ हजार तर देशात ३ लाखांच्यावर शेतकऱ्यांच्या आत्महत्या झालेल्या आहेत. शेतकरी आणि स्त्री हे दोघेही निर्मितीचे, सर्जनशीलतेचे प्रतीक सध्या संकटात आहेत.  नवविचारधारेच्या १६ ते ३५ वयोगटातील युवक व युवतींसाठी राज्यस्तरीय निबंध स्पर्धा आयोजित केली आहे. स्पर्धकांनी मराठी, हिंदी, इंग्रजी भाषेतील १५०० शब्दांपर्यंतचे निबंध ३० नोव्हेंबरपर्यंत पाठवायचे आहेत. पहिल्या तीन विजेत्यांना अनुक्रमे पाच, तीन, दोन हजार रुपये, तर पाच स्पर्धकांना पाचशे रुपयांचे उत्तेजनार्थ पारितोषिके आणि प्रमाणपत्र देण्यात येणार असल्याचे आयोजक फोरम ऑफ इंटेलेक्चुअल्सचे अध्यक्ष सतीश देशमुख आणि किसान पुत्र आंदोलनाचे प्रवर्तक अमर हबीब यांनी कळविले आहे.   स्पर्धकांनी त्यांचे लेख खालील संपर्कावर इमेल, व्हॉट्सअॅप, स्पीड पोस्ट किंवा प्रत्यक्ष हस्ते पाठवावेत.

सतीश देशमुख, बी. ई. (मॅकेनिकल) deshmukhsk२९@gmail.com मो. नं ९८८१४९५५१८ जी ६५, आदित्यनगर, गाडीतळ, हडपसर, पुणे - ४११०२८ निबंधाचे विषय