Agriculture news in marathi The state still has a balance of 20 lakh tonnes of sugarcane | Agrowon

राज्यात अद्याप वीस लाख टन ऊस शिल्लक 

टीम अॅग्रोवन
रविवार, 18 एप्रिल 2021

राज्यातील ऊस उत्पादक पट्यातील साखर कारखाने गतीने बंद होत असले तरी राज्यातील शेवटचा कारखाना बंद होण्यास मे महिन्याची अखेरची तारीख उजाडेल, असा अंदाज आहे. राज्यात अद्यापही अंदाजे वीस लाख टन ऊसतोडणी अभावी शिवारात शिल्लक आहे. 

कोल्हापूर : राज्यातील ऊस उत्पादक पट्यातील साखर कारखाने गतीने बंद होत असले तरी राज्यातील शेवटचा कारखाना बंद होण्यास मे महिन्याची अखेरची तारीख उजाडेल, असा अंदाज आहे. राज्यात अद्यापही अंदाजे वीस लाख टन ऊसतोडणी अभावी शिवारात शिल्लक आहे. 

ऊसतोडणी मजूरांसह ऊसतोडणी यंत्राच्या अनुपलब्धतेमुळे अनेक जिल्ह्यांतील कारखान्यांना अद्यापही आपला गाळप हंगाम पूर्ण करता आलेला नाही. सध्याच्या गाळपावर नजर टाकल्यास सध्या सुरू असलेल्या कारखान्यापैकी नव्वद टक्के साखर कारखाने एप्रिल अखेर हंगाम पूर्ण करतील, अशी शक्‍यता साखर आयुक्तालयातील सूत्रांची आहे. एप्रिलच्या मध्यापर्यंत १९१ लाख टन उसाचे गाळप झाले आहे. राज्यातील सुमारे चौदा ते पंधरा कारखाने मे महिन्याच्या मध्य ते अखेरपर्यंत सुरू राहतील, असा अंदाज आहे. 

१५ एप्रिलअखेर आयुक्तालयाने प्रसिद्धीस दिलेल्या माहितीनुसार यंदा हंगाम सुरू केलेल्या १८८ साखर कारखान्यांपैकी १३६ साखर कारखान्यांनी हंगाम बंद केला आहे. गेल्या वर्षीच्या कोविडच्या पार्श्‍वभूमीवर यंदा मजूर कमी येतील, असा अंदाज ऊस पट्ट्यातील कारखान्यांनी बांधला होता. विशेष करून कोल्हापूर, सांगलीसह पुणे जिल्ह्यातील काही कारखान्यांनी ही शक्‍यता गृहीत धरून ऊस तोडणी यंत्रे खरेदीला प्राधान्य दिले. यामुळे हंगामाच्या अखेरच्या टप्प्यात उसाची तोडणी गतीने झाली. 

यंदा ऊस जास्त असून व कामगार कमी येऊन सुद्धा यंत्राने तोडणी गेल्या वर्षीपेक्षा जास्त झाल्याने जादा गाळप क्षमता असणाऱ्या कारखान्यांचा हंगाम देखील एप्रिलच्या पहिल्या सप्ताहात संपला. हंगामापूर्वीच्या अंदाजानुसार एप्रिलच्या मध्यानंतरही ऊसगाळप सुरू राहिल, असा अंदाज होता. परंतु तोडणी यंत्राच्या प्रभावी वापराने ऊसतोडणी लवकर आटोपली. या उलट मराठवाड्यासह पुणे, नगर जिल्ह्यातील काही कारखान्यांकडून अजूनही ऊसगाळप सुरू आहे. केवळ ऊसतोडणी कामगारांच्या साह्याने तोडणी होत असल्याने अनेक जिल्ह्यांतील तोडणी धीमी होत असल्याचे चित्र आहे. 

अशी आहे सद्यःस्थिती 
नगर जिल्ह्यात चौदा कारखाने अद्याप सुरू आहेत. या जिल्ह्यातील ऊस हंगाम २० मेला संपण्याची शक्‍यता आहे. औरंगाबाद जिल्ह्यातील ६ कारखाने अद्याप सुरू आहेत. या जिल्ह्यतील शेवटचा कारखाना ३० मेला आपला हंगाम संपविण्याची शक्‍यता आहे. जालन्यातील चार कारखाने ३१ मेला हंगाम संपवतील. परभणीतील पाच कारखाने एप्रिल अखेरला बंद होतील. पुणे जिल्ह्यात ५ कारखाने सुरू असून, जिल्ह्याचा हंगाम ३० मेला संपेल. बीडचे सात कारखाने अद्याप सुरू असून, एप्रिलच्या शेवटच्या आठवड्यात हंगाम संपण्याची शक्‍यता आहे. साताऱ्यातील ५ कारखान्यांचा हंगाम एप्रिल अखेर संपण्याचा अंदाज आहे. हे प्रमुख जिल्हे वगळता नाशिक, हिंगोली लातूर जिल्ह्यात एक दोन कारखाने सुरू असून, हे कारखाने एप्रिलच्या शेवटी आपला हंगाम समाप्त करतील, अशी शक्‍यता आयुक्तालयाने व्यक्त केली आहे.


इतर बातम्या
विदर्भात पावसाची शक्यता पुणे : मध्य महाराष्ट्र, मराठवाडा व कोकणच्या काही...
कृषी सेवा केंद्रचालक, कर्मचाऱ्यांना लस...पुणे ः राज्यातील सर्व कृषी सेवा केंद्रांचे...
सिंधुदुर्ग जिल्ह्यात शेकडो टन कलिंगडे...सिंधुदुर्गनगरी : कोरोना निर्बंधामुळे जिल्ह्यातील...
खानदेशात केळीची कमी दरात खरेदी जळगाव ः खानदेशात नवती केळी बागांची काढणी सुरू...
निर्यातीच्या केळीला १३०० रुपये दर जळगाव ः खानदेशातून आखातात किंवा परदेशात केळी...
शेतीशाळांची ‘एसओपी’ निश्‍चित पुणे ः शेतकऱ्यांना उपयुक्त ठरणाऱ्या शेतीशाळांसाठी...
भुईमूग खर्चालाही महागअकोला ः उन्हाळी हंगामात यंदा लागवड केलेल्या...
लातूर जिल्ह्यात पूर्वमोसमी पावसाचा कहर...निलंगा, जि. लातूर : निलंगा तालुक्यासह शिरूर...
खते, बियाणे, कीटकनाशके वेळेत देण्याचे...सोलापूर ः ‘‘जिल्ह्यात खरिपाचे क्षेत्र वाढत आहे....
रोपांचा, कलमांचा, बियाण्यांचा पुरवठा...जालना : ‘‘फळझाडांची यशस्वी लागवड करण्यासाठी...
खानदेशात पाणीसाठा ४३ टक्क्यांपर्यंतचजळगाव ः खानदेशात विविध प्रकल्पांमधील जलसाठा मिळून...
पावसाच्या तडाख्यात कांद्याचे अतोनात...नाशिक : जिल्ह्याच्या अनेक भागात पूर्वमोसमी...
सोलापुरात १५ मेपर्यंत कडक लॅाकडाउनसोलापूर ः कोरोनाच्या पार्श्वभूमीवर जिल्ह्यात...
खानदेशात अर्लीची केळी लागवड सुरूजळगाव ः खानदेशात मृग बहरातील अर्ली केळी लागवड...
नांदेड जिल्ह्यात दोन लाख ६२ हजार टन...नांदेड : आगामी खरीप हंगामात शेतकऱ्यांना रासायनिक...
कृषी शिक्षणाच्या नवीन  धोरणासाठी समिती...नगर : राज्यातील कृषी प्रवेशप्रक्रिया व कृषी...
मराठा आरक्षण निकालाच्या  विश्‍लेषणासाठी...मुंबई :  सामाजिक व शैक्षणिक मागास (एसईबीसी)...
दुष्काळी भागातून जमा झाली दोन कोटींची...सांगली : सांगली जिल्ह्यातील दुष्काळी भागातील...
वाढीव पाणीपुरवठा  योजनेसाठी निधी देणारसोलापूर : ‘‘सोलापूर शहराला पाणीपुरवठा करण्यासाठी...
सिंधुदुर्गमध्ये पावसाचा जोर; वाहतुकीचा...सिंधुदुर्गनगरी : जिल्ह्यात शुक्रवारी सायंकाळी...