Agriculture news in marathi State-wide campaign for agricultural pump bill amendment: Pratap Hogade | Page 2 ||| Agrowon

कृषिपंपाच्या बिल दुरुस्तीसाठी राज्यव्यापी अभियान : प्रताप होगाडे 

टीम अॅग्रोवन
रविवार, 21 फेब्रुवारी 2021

शेतकऱ्यांना चुकीच्या पद्धतीने बोगस वीजबिले पाठविण्यात आली आहेत. बिल दुरुस्तीसंदर्भात शेतकऱ्यांना जागृत करण्यासाठी जिल्हानिहाय अभियान राबविण्यात येत असल्याची माहिती प्रताप होगाडे यांनी दिली. 

नागपूर ः शेतकऱ्यांना चुकीच्या पद्धतीने बोगस वीजबिले पाठविण्यात आली आहेत. बिल दुरुस्तीसंदर्भात शेतकऱ्यांना जागृत करण्यासाठी राज्यभरात जिल्हानिहाय अभियान राबविण्यात येत असल्याची माहिती जनता दल (से)चे प्रदेश प्रधान महासचिव प्रताप होगाडे यांनी पत्रकार परिषदेत दिली. 

मीटर नसलेल्या शेतकऱ्यांना पंपाच्या वास्तविक क्षमतेपेक्षा अधिक अश्‍वशक्तीचे सरासरी बिल पाठविले जाते. तर मीटर असणाऱ्या शेतकऱ्यांना दुप्पट बिल पाठविण्यात येत आहे. २०११-१२ पासून हीच पद्धती सुरू आहे. यामुळे वीजबिलांची दुरुस्ती करून घेण्यासंदर्भात व्यापक अभियान राबविले जात आहे.

राज्य सरकारने कृषिपंप वीजबिल सवलत योजना जाहीर केली आहे. योजना राबवीत असतानाच चुकीच्या सर्व बिलांची दुरुस्ती करून द्यावी यादृष्टीने प्रयत्न करण्यात येत आहेत. त्यासाठी महावितरणकडे ऑनलाइन तक्रार करण्याचा शेतकऱ्यांकडे आग्रह धरला जात आहे. 

सरकारने सप्टेंबर २०२० पर्यंतचे थकीत बिल फ्रिज केले आहे. यामुळे शेतकऱ्यांनी बिल भरले नाही तरी वीज कनेक्शन महावितरणला कापता येऊ शकत नाही. यामुळे कृषी ग्राहकांनी जागरूक राहणे आवश्यक असल्याचे त्यांनी सांगितले. जनता दल (से)तर्फे आज आमदार निवास येथील कार्यकर्ता संमेलन करण्यात आले.

त्यात शहरातील झोपडपट्टीधारकांना मालकी हक्काचे पट्टे तत्काळ मिळावे, कोरोना काळातील वीजबिल माफ करावे, वाढत्या महागाईला आवर घालण्यात यावा, नागपूर मनपातील भ्रष्टाचाराची चौकशी करण्यात यावी, ६० वर्षांवरील शेतकरी व असंघटित क्षेत्रातील मजुरांना दरमहा ५ हजार रुपये पेंशन द्यावे आदी विषयांवर लवकरच आंदोलन उभारण्याचा निर्णय या संमेलनात घेण्यात आल्याची माहिती त्यांनी दिली.

पत्रकार परिषदेला शहराध्यक्ष रमेश शर्मा, प्रदेश महासचिव डॉ. विलास सुरकर, अविनाश निमकर, महिला आघाडी अध्यक्ष सिरता मानकर, मुन्ना शेख उपस्थित होते. 


इतर अॅग्रो विशेष
राज्यात अद्याप वीस लाख टन ऊस शिल्लक कोल्हापूर : राज्यातील ऊस उत्पादक पट्यातील साखर...
बाजार समित्या बंद ठेवू नका पुणे ः कोरोना टाळेबंदीत शेतीमाल वितरण सुरळीत...
राज्यात चिकन, अंड्यांच्या दरात सुधारणा नगर ः कोरोना व्हायरस संसर्गाच्या पार्श्‍वभूमीवर...
साखर वाहतुकीसाठी क्विंटलला १०० रुपये...कोल्हापूर : पूर्वेकडील राज्यांनी वाहतूक खर्चात...
कमाल तापमान वाढण्यास सुरुवात पुणे : राज्याच्या अनेक भागांत आकाश कोरडे झाले आहे...
पीक बदलातून शेती झाली किफायतशीरनांदोस (ता.मालवण,जि.सिंधुदुर्ग) गावातील...
देशात यंदा सर्वसाधारण पाऊस;...पुणे : देशभरात यंदा मॉन्सूनचा सर्वसाधारण पाऊस...
चैत्री यात्राही यंदा प्रतिकात्मक...सोलापूर ः कोरोनाच्या वाढत्या संसर्गाच्या पार्श्‍...
अवजारे उद्योगावर मंदीचे ढग पुणेः राज्यात पाच अब्ज रुपयांची उलाढाल करणाऱ्या...
फळे, भाजीपाला थेट पणन परवान्याला ६...पुणे ः कोरोना टाळेबंदीत शेतीमालाचे नुकसान होऊ नये...
देशाची साखर उत्पादनात उच्चांकी झेप कोल्हापूर ः साखर उत्पादनात देशाची घोडदौड ३०० लाख...
क्यूआर कोड रोखणार हापूसमधील भेसळ रत्नागिरी ः बाजारपेठेमध्ये ‘हापूस’ची कर्नाटक...
जालन्यात वर्षभरात ४२९ टन रेशीम कोष...जालना : येथे प्रायोगिक तत्त्वावर सुरू करण्यात...
राज्यात उन्हाचा चटका वाढणार पुणे : आठवडाभर पूर्वमोसमी पावसाने धुमाकूळ...
भाजीपाला विकण्याचे शेतकऱ्यांपुढे आव्हान...कोल्हापूर : ‘ब्रेक द चेन’च्या नवीन...
आठवडी बाजारांचे नेटवर्क उभारत यशस्वी...पुणे येथील नरेंद्र पवार व चार मित्रांनी एकत्र...
धान्य प्रक्रियेतून ‘संत तेजस्वी’ ची...शेतकरी गटापासून वाटचाल करीत देऊळगावमाळी (जि....
कोविडला नैसर्गिक आपत्ती घोषित करा ः...मुंबई ः राज्यातल्या ऑक्सिजन तुटवड्याच्या पार्श्‍...
उन्हाळी काकडीने उंचावले धामणखेलचे...बाजारपेठेची मागणी ओळखून धामणखेल (ता. जुन्नर. जि....
कडवंचीचे द्राक्ष आगार तोट्यात जालना : जिल्ह्यातील द्राक्षाचे आगार म्हणून ओळख...