सक्तीची वीजबिल वसुली त्वरित थांबवा, सोलापूर जिल्ह्यात रास्ता-रोको

वीजबिलासाठी शेतकऱ्यांच्या कृषी पंपाचे वीज कनेक्शन कट करणे, ट्रान्स्फार्मर बंद करणे, संपूर्ण गावात एकच तास वीज देणे, हे सर्व प्रकार त्वरित थांबवा अन्यथा शेतकऱ्यांच्या रोषाला सामोरे जावे लागेल
सक्तीची वीजबिल वसुली त्वरित थांबवा, सोलापूर जिल्ह्यात रास्ता-रोको Stop the collection of compulsory electricity bill immediately, road-block in Solapur district
सक्तीची वीजबिल वसुली त्वरित थांबवा, सोलापूर जिल्ह्यात रास्ता-रोको Stop the collection of compulsory electricity bill immediately, road-block in Solapur district

सोलापूर : वीजबिलासाठी शेतकऱ्यांच्या कृषी पंपाचे वीज कनेक्शन कट करणे, ट्रान्स्फार्मर बंद करणे, संपूर्ण गावात एकच तास वीज देणे, हे सर्व प्रकार त्वरित थांबवा अन्यथा शेतकऱ्यांच्या रोषाला सामोरे जावे लागेल, असा इशारा देत स्वाभिमानी शेतकरी संघटनेने शुक्रवारी (ता. १९) जिल्ह्यातील प्रमुख नऊ महामार्गावर रास्ता-रोको आंदोलन करत लक्ष वेधले. 

जिल्हाध्यक्ष महमूद पटेल, युवा अध्यक्ष विजय रणदिवे, सरचिटणीस उमाशंकर पाटील, पप्पू पाटील, तानाजी बागल यांच्या नेतृत्वाखाली ही आंदोलने जिल्ह्यात झाली. शेतकऱ्यांना राज्य सरकारने कृषी संजीवनी योजना आणून वीज बिलात ३३ टक्के सवलत व बिले भरण्यासाठी मार्च २०२२ पर्यंतची मुदत दिलेली आहे. तरीही महावितरणकडून शेतीपंपांची व घरगुती वीज तोडणी सुरू आहे.लॉकडाउनच्या काळात सर्वाचे व्यवसाय उद्योग रोजगार बंद होते.

लॅाकडाउननंतर महावितरणकडून अव्वाच्या सव्वा दराने घरगुती वीजबिल आल्यामुळेच सर्व सामान्यांना वीजबिल भरणे शक्य नव्हते. त्यामुळे किमान तीन महिन्यांचे घरगुती वीजबिल माफ करावे, तसेच शेतकऱ्यांची वीज जोडणी तोडण्याची मोहीम त्वरित थांबवा, अशी मागणी जिल्हाध्यक्ष पटेल यांनी केली.  प्रमुख मागण्या  शेतीपंपाचा वीजपुरवठा सुरळीत करा  लॅाकडाउन काळातील घरगुती वीजबिल माफ करा  थकीत एफआरपी त्वरित जमा करा 

या ठिकाणी झाली आंदोलने 

  • बार्शी-सोलापुर रोडवर शिवाजी चौक, वैराग 
  • माढा-वैराग रोडवर शिवाजी चौक, माढा 
  • मोहोळ-कुरुल रोडवर, एमएसईबी समोर मोहोळ 
  • पंढरपूर-कराड रोडवर- उपरी 
  • पंढरपूर-पुणे रोडवर खडूस 
  • टेंभुर्णी-नगर रोडवर कुंभेज फाटा 
  • मोहोळ-विजापूर रोडवर मंद्रूप 
  • सोलापूर रोडवर डोणगाव 
  • अक्कलकोट-सोलापुर रोडवर एमएसईबीसमोर अक्कलकोट 
  • Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

    ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

    Related Stories

    No stories found.
    Agrowon
    agrowon.esakal.com