अर्ली द्राक्षाच्या हंगामाची सांगता

नाशिक : अर्ली द्राक्ष हंगामासाठी बागलाण भाग प्रसिद्ध आहे. जून महिन्याच्या सुरुवातीस गोड्या छाटणीचे नियोजन करून द्राक्ष उत्पादक मेहनत घेत असतात. जूनपासून द्राक्षांची छाटणी करून द्राक्षबाग फुलविण्याचा प्रयोग या वर्षीही यशस्वी झाला. सुरुवातीस इतर द्राक्ष उत्पादन क्षेत्रातील माल काढणीस नसल्याने यंदा या भागातील द्राक्ष उत्पादकांच्या कष्टाचे चीज झाले. साधारणपणे सप्टेंबरमध्ये काढणीचा हंगाम सुरू होऊन तो आता संपला आहे. 

या भागात प्रामुख्याने तास-ई-गणेश, क्लोन २, थॉमसन, सोनाका या व्हाईट व्हरायटीचे वाण घेण्यात आले. यासह कलरमध्ये जंबो, रेड ग्लोब, क्रीमसन, शरद सीडलेस, नानासाहेब पर्पल या व्हरायटी घेण्यात आल्या. अर्ली द्राक्षाचे आगार म्हणून ओळखल्या जाणाऱ्या बागलाणमध्ये द्राक्ष हंगाम तेजीत राहिला. रशिया, दुबई, श्रीलंका या देशात मोठ्या प्रमाणावर द्राक्षाची निर्यात झाली. 

अडचणीतही उत्पादकांनी काटेकोर नियोजन करून उत्पादन घेतले. द्राक्षाला चांगला दर मिळाल्याने उत्पादकांमध्ये समाधान आहे. 

या भागातील द्राक्ष संपत असल्याने निफाड, दिंडोरी, चांदवड व नाशिक जिल्हातील द्राक्षाला मागणी वाढणार आहे. दरातही सुधारणा होईल. 

कमी पावसामुळे या भागात पाण्याची टंचाई जाणवू लागली असल्याने सिंचनाचे व्यापस्थापन सुरू आहे. बागांना मल्चिंग करण्याचेही काम सुरू आहे. यासाठी कडबा कुट्टी, गवत, चिपडाचा वापर करण्यात येत आहे.  बागलाण भागातील किकवारी खुर्द आणि बुद्रुक, अमरावतीपाडा, पारनेर, डोंगरेज, मुंगसे, द्याने, बिलपुरी, श्रीपुरवडे, दसाणे, पिंगळवाडे, वाजगाव, कोडबेल, टेंभे, तळवाडे, गोराणे, बिजोटे, भुयाणे, लखमापूर यांसह मालेगाव तालुक्यातील सातमाने, जळगाव, गाळणे, दाभाडी, आघार, देवळा तालुक्यातील वाजगाव, खर्डा, लोहणेर, भावडे, कणकापूर भागात छाटण्या सुरू आहेत. 

मिळालेले दर