agriculture news in Marathi stop exploitation of cotton producers Maharashtra | Agrowon

कापूस उत्पादकांचे शोषण थांबवा: विजय जावंधिया

टीम अॅग्रोवन
शुक्रवार, 23 ऑक्टोबर 2020

देशात कापसाचे दर कमी होत असतानाच त्यापासून तयार होणारे कापडाचे दर मात्र वाढते आहेत.

नागपूर: देशात कापसाचे दर कमी होत असतानाच त्यापासून तयार होणारे कापडाचे दर मात्र वाढते आहेत. ही दरी कमी करून कापूस उत्पादकांच्या हिताकडे लक्ष देत त्यांचे शोषण थांबविण्याची मागणी ज्येष्ठ शेतकरी नेते विजय जावंधिया यांनी केली आहे. 

पंतप्रधान नरेंद्र मोदी यांना लिहिलेल्या पत्रातून कापूस उत्पादकांचे विविध स्तरावर होणाऱ्या शोषणाकडे त्यांनी लक्ष वेधले आहे. विजय जावंधिया यांच्या पत्रानुसार, हिमाचल प्रदेशातील सोलंग येथे शनिवारी पंतप्रधान नरेंद्र मोदी यांनी आपल्या भाषणात मध्यस्थांची साखळी कमी होत शेतकऱ्यांना आपला शेतमाल थेट विकता यावा याकरिता तीन नवे विधेयक पारित केल्याचे सांगितले होते.

हिमाचलमध्ये उत्पादित सफरचंद ४० ते ५० रुपये किलोने शेतकऱ्यांकडून खरेदी करून दिल्लीच्या बाजारात शंभर ते दीडशे रुपये किलोने विकल्या जाते. यातील शंभर रुपयांचा कोणताच हिशोब शेतकऱ्यांना मिळत नाही. पंतप्रधान मोदी यांच्या भाषणातील हाच धागा पकडत श्री. जावंधिया यांनी काही प्रश्न उपस्थित केले आहेत. 

सफरचंद उत्पादकांप्रमाणेच कापूस उत्पादकांचे देखील मध्यस्थांच्या साखळीत शोषण होते. त्यामुळे त्यांची देखील यातून मुक्तता करावी, अशी मागणी पत्रातून करण्यात आली आहे. २०११- १२ मध्ये कापसाच्या भावात तेजी आली होती. ६०००० ते ६५००० रुपये प्रति खंडीपर्यंत रुईचे भाव पोचले होते. याची दखल घेत तत्कालीन मनमोहन सिंग सरकारने कापसाची निर्यात बंद केली. यावेळी केंद्र सरकारने हा निर्णय मागे घ्यावा आणि गुजरातमधून १० लाख कापूस गाठी निर्यात करण्याची परवानगी मिळावी, अशी मागणी गुजरातचे तत्कालीन मुख्यमंत्री म्हणून मोदी यांनी केली होती.

रुईच्या प्रति खंडी दरात ६५ हजार रुपयांपर्यंत वाढ झाल्याने वस्त्रोद्योग क्षेत्रातील व्यावसायिकांनी कापड दरातही त्यावेळी वाढ केली. ४० रुपयांच्या बनियानचे दर शंभर रुपये करण्यात आले. मात्र, गेल्या अनेक वर्षांपासून प्रति खंडी रुई दर ४० हजार रुपयांच्या आसपास आहेत. आज तर रुई खंडीचे दर ३६ ते ३९ हजार रुपयांवर पोहोचले आहेत. अशावेळी कापडाचे दर कमी होणे अपेक्षित असताना वस्त्र उद्योग व्यावसायिकांना याचा सोईस्कर विसर पडला आहे.

कापूस उद्योग क्षेत्रात देखील या माध्यमातून नफेखोरी होत असल्याचे सिद्ध होते. मात्र, याचा कोणताही फायदा कापूस उत्पादकांना होत नाही. हे एक प्रकारचे शोषणच आहे. अशा वेळी नव्याने पारित करण्यात आलेल्या तीन विधेयकांचा उपयोग करीत कापूस उत्पादकांचे शोषण थांबविण्यासाठी आपल्या माध्यमातून पुढाकार घेण्यात यावा, अशी मागणी विजय जावंधिया यांनी केली आहे. 


इतर ताज्या घडामोडी
परभणी जिल्ह्यात शेतकऱ्यांच्या खात्यांवर...परभणी : अतिवृष्टिग्रस्त पिकांसाठी मंगळवार (...
नगर जिल्ह्यात रब्बीच्या पेरणीला वेग...नगर ः रब्बीची पेरणी सुरु होऊन एक महिन्याचा...
`जायकवाडी’तून रब्बीसाठी सुटले आवर्तनपरभणी : मराठवाड्यातील सर्वात मोठा सिंचन प्रकल्प...
तेल्हारा तालुक्यात मका, ज्वारीच्या...अकोला : जिल्ह्यात मका, ज्वारी पिकांचे सर्वाधिक...
मराठवाडा विभागातील ऊस गाळप हंगामाला गतीऔरंगाबाद : मराठवाड्यातील औरंगाबाद येथील प्रादेशिक...
धान उत्पादक गडचिरोलीत ज्वारीचे क्षेत्र...गडचिरोली : धान उत्पादक अशी ओळख असलेल्या...
खानदेशात लाल कांद्याची आवक रखडलीजळगाव : खानदेशातील प्रमुख बाजारांमध्ये कांद्याचे...
धुळे जिल्ह्यातील अतिवृष्टिबाधित...शिंदखेडा, जि.धुळे : धुळे जिल्ह्यात जून ते...
देशव्यापी संपात २५ कोटी कर्मचारी सहभागीनवी दिल्ली : सरकारच्या आर्थिक धोरणाविरोधात...
भंडारा जिल्ह्यात धान खरेदी...भंडारा : हमीभाव केंद्राच्या मर्यादित संख्येमुळे...
सांगलीत हमाल पंचायतीतर्फे जोरदार...सांगली : कामगार आणि शेतकरी विरोधी कायदे त्वरित...
पांढरकवडा येथे कापसाला ५ हजार ८२७...चंद्रपूर : बाजार समिती कार्यक्षेत्रातील...
पंतप्रधान पीकविमा योजना शेतकऱ्यांसाठी...नांदेड : शेतीपिकांच्या नुकसानीपश्‍चात भरपाई...
अवघे जग कोरोनामुक्त होऊ दे : अजित पवारपंढरपूर, जि. सोलापूर : कोरोना विषाणूवरील लस लवकर...
संत श्री नामदेव महाराज जन्मोत्सव सोहळा...हिंगोली ः श्रीक्षेत्र नरसी नामदेव येथे संत...
ठिबक सिंचनातून खतांचा कार्यक्षम वापरठिबक सिंचन संचाची आखणी आणि उभारणी, जमिनीचे भौतिक...
राज्यात पेरू ३०० ते ३५०० रुपयेजळगावात २५०० ते ३५०० रुपये दर जळगाव : ः...
पेरलेला कांदा काढणीला येवला, जि. नाशिक : यंदा वातावरणामुळे रोपे सडली....
महाबीज’ कर्मचाऱ्यांच्या संपामुळे बियाणे...अकोला ः महाराष्ट्र राज्य बियाणे महामंडळाच्या (...
माजी मुख्यमंत्री यशवंतराव चव्हाण यांना...कऱ्हाड, जि. सातारा ः आधुनिक महाराष्ट्राचे...