शेतकऱ्यांची कर्जवसुली दहा वर्षे थांबवा

शेतकऱ्यांची कर्जवसुली दहा वर्षांपर्यंत थांबवावी. त्या काळातील व्याज सरकारने वित्तीय संस्थांना द्यावे. दहा वर्षांनंतर शेतकरी मुद्दलाची कर्जफेड करतील.
शेतकऱ्यांची कर्जवसुली दहा वर्षे थांबवा Stop farmers' debt collection for ten years
शेतकऱ्यांची कर्जवसुली दहा वर्षे थांबवा Stop farmers' debt collection for ten years

सांगली : शेतकऱ्यांची कर्जवसुली दहा वर्षांपर्यंत थांबवावी. त्या काळातील व्याज सरकारने वित्तीय संस्थांना द्यावे. दहा वर्षांनंतर शेतकरी मुद्दलाची कर्जफेड करतील. वीजबिल वसूल न करता ५० टक्के माफी द्यावी व उर्वरित ५० टक्के हप्त्याने वसूल करावेत, असा ठराव रविवारी (ता.१०) शरद जोशी प्रणीत शेतकरी संघटनेच्या परिषदेत करण्यात आला. शेतकरी संघटनेच्या वतीने ऊस, दूध, सोयाबीन, कर्ज व वीजबिलाबाबत टिळक स्मारक मंदिरात शेतकरी परिषद घेण्यात आली. सहकार आघाडीचे राज्य प्रमुख संजय कोले, सातारा जिल्हा प्रमुख बाळासो चव्हाण, सांगली जिल्हा प्रमुख नवनाथ पोळ तसेच राजेंद्र मोहिते, रामचंद्र कणसे, श्रीकांत शिंदे, शरद गद्रे, शीतल राजोबा आदींची प्रमुख उपस्थिती होती.  कोले म्हणाले, ‘‘उसाला एफआरपीपेक्षा जास्त भाव मिळाला पाहिजे. एकरकमी उचल मागणे हा आंदोलनाचा विषय नव्हे. उसाला गुजरातप्रमाणे एफआरपीपेक्षा जास्त दर मिळावा. कर्जबाजारी राज्य सरकार व शेतकरी अशी अवस्था झाली आहे. शेतकऱ्यांची कर्ज दहा वर्षे वसूल करण्याचे थांबवावे. त्या काळातील व्याज सरकारने वित्तीय संस्थांना द्यावे. दहा वर्षांनंतर शेतकरी मुद्दलाची कर्जफेड करतील. वीज बिलात ५० टक्के माफी द्यावी व उर्वरित ५० टक्के हप्त्याने वसूल करावेत. गाईच्या दुधाचा प्रति लिटर उत्पादन खर्च ४२ रुपये इतका आहे. २७ रुपये खरेदी दरामुळे शेतकऱ्यांचा तोटा होत असल्यामुळे अनेकांनी गुरे सांभाळण्याचे बंद केले आहे. त्यामुळे साडेतीन फॅटच्या दुधाला ४५ रुपये प्रति लिटर इतका दर मिळाला पाहिजे. सोयाबीन साठवण्यासाठी गावोगावी कृषी खाते व ग्रामपंचायतीच्या नियोजनाखाली सरकारी अनुदानित गोदामे बांधण्यात यावीत. त्यामुळे गोदाम पावतीवर शेतकऱ्यांना बँकांतून कर्ज उचल करता येईल.’’  या वेळी बाळासो चव्हाण, नवनाथ पोळ, राजेंद्र मोहिते, रामचंद्र कणसे, श्रीकांत शिंदे, शरद गद्रे यांची भाषणे झाली. परिषदेत विविध ठराव करण्यात आले. शितल राजोबा यांनी प्रास्ताविक केले. शेतकऱ्यांनी विविध प्रश्‍नांवर मते मांडली. मोहन परमने, शंकर कापसे, सिद्धाप्पा दानवाडे, अशोक पाटील, अनिल पाटील, किशोर मगदूम, सचिन गवळी, ऋषभ पाटील, सुभाष मद्वाण्णा, वसंत भिसे, रावसो दळवी, धनपाल गळतगे आदी उपस्थित होते.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com