Agriculture news in Marathi Stop giving petrol and diesel to farmers | Page 2 ||| Agrowon

बुलडाण्यात शेतकऱ्यांना पेट्रोल, डिझेल देणे बंद

टीम अॅग्रोवन
बुधवार, 12 मे 2021

शेतीच्या कामासाठी वापरल्या जाणाऱ्या वाहनांना पेट्रोल, डिझेल देण्याची मुभा नसल्याने शेतकरी संघटना, स्वाभिमानी शेतकरी संघटनेने जिल्हा प्रशासनाच्या नियोजनावर टीका केली आहे.

बुलडाणा ः कोरोना संसर्गाची साखळी मोडून काढण्यासाठी जिल्ह्यात २० मे पर्यंत कडक निर्बंध लावण्यात आल्याचा फटका थेट शेतकऱ्यांना बसू लागला. शेतीच्या कामासाठी वापरल्या जाणाऱ्या वाहनांना पेट्रोल, डिझेल देण्याची मुभा नसल्याने शेतकरी संघटना, स्वाभिमानी शेतकरी संघटनेने जिल्हा प्रशासनाच्या नियोजनावर टीका केली आहे. ‘आम्ही आवश्‍यक नाही आहोत काय,’ असा प्रश्‍नच जिल्हा प्रशासनाला केला आहे.

याबाबत शेतकरी संघटनेचे जिल्हाध्यक्ष रमेश बानाईत यांनी म्हटले की, जिल्ह्यात १० दिवस कडक निर्बंध लावण्यात आले आहेत. याबाबत आदेश काढताना १६ क्रमांकावर पेट्रोल, डिझेल कोणाला मिळेल याविषयी सविस्तर माहिती दिली आहे. यामध्ये शेतकऱ्याला वगळण्यात आले. हे निर्बंध २० मे पर्यंत लागू राहणार आहेत. म्हणजेच पावसाळ्याच्या तोंडावर सदर कडक लॉकडाउन जाहीर केले आहे. ते जनतेच्या जीवांसाठी महत्त्वाचे म्हटले तर शेतकरी हा सुद्धा या समाजव्यवस्थेचा घटक आहे, हे शासन विसरले, असे म्हणण्याची वेळ आली आहे. हा प्रकार अन्याय करणार आहे. याबाबत पालकमंत्री, जिल्हाधिकारी, खासदार, आमदारांनी तातडीने लक्ष देण्याची आवश्‍यकता आहे. शेतीच्या मशागतीसाठी डिझेल व पेट्रोल नेहमीप्रमाणे उपलब्ध करण्यासाठी तातडीने शुद्धिपत्रक काढावे, अशी मागणी बानाईत यांनी प्रशासनाकडे केली.

‘स्वाभिमानी’ची ही मागणी
शेतकऱ्यांना खरीप हंगामाकरिता शेतीच्या मशागतीसाठी लागण्याऱ्या यंत्रांना पेट्रोल, डिझेल मिळावे, अशी मागणी स्वाभिमानी शेतकरी संघटनेचे विदर्भ अध्यक्ष प्रशांत डिक्कर यांनी जिल्हाधिकाऱ्यांकडे केली आहे. जिल्हा प्रशासनाने या सामग्रीला पेट्रोल व डिझेल भरायला सूट दिलेली नाही. याबाबत तातडीने सुधारित अध्यादेश काढावा, अशी मागणी डिक्कर यांनी जिल्हाधिकाऱ्यांना पाठविलेल्या निवेदनात केली आहे.

पेट्रोल, डिझेलबाबत दुपारी निघाले आदेश
कडक संचारबंदी आदेशात शेतकऱ्यांना डिझेल, पेट्रोल मिळणे बंद झाल्याने जिल्ह्यात सर्वत्र टीका सुरू झाली होती. जगाचा पोशिंदा महत्त्वाचा नाही का, असे प्रश्‍न विचारणे सुरू झाले. जळगाव जामोदचे आमदार डॉ. संजय कुटे यांनी दखल घेत उपविभागीय अधिकाऱ्यांसोबत चर्चा केली. इतर ठिकाणीही लोकप्रतिनिधी पुढे यायला सुरू झाली होती. त्यामुळे प्रशासनाने जागे होत मंगळवारी (ता. ११) दुपारनंतर सुधारित आदेश काढले. यात शेतीसाठी वापरल्या जाणाऱ्या यंत्रांना डिझेल मिळेल, असे म्हटले आहे.

 


इतर बातम्या
औरंगाबाद :सोयाबीनची सरासरीच्या दीडपट...औरंगाबाद : सोयाबीनची सरासरी क्षेत्राच्या दीडपट...
जळगाव जिल्ह्यात ५७ टक्के पाऊसजळगाव : जिल्ह्यात आतापर्यंत ५७ टक्के पाऊस झाला...
शनिवारपर्यंत सुरू राहणार मका, ज्वारीची...औरंगाबाद : राज्यात रब्बीतील मका व ज्वारी खरेदीला...
परभणी जिल्ह्यात पीकविमा तक्रारींचा...परभणी ः पंतप्रधान पीकविमा योजनेअंतर्गंत टोल फ्री...
नाशिक जिल्ह्यात धरणसाठा ४६ टक्क्यांवरनाशिक : गत सप्ताहात जिल्ह्यातील धरणांच्या पाणलोट...
सोलापूर ःविमा कंपनी शेतकऱ्यांपर्यंत...सोलापूर ः सोलापूर जिल्ह्यात पीकविम्यासाठी भारती...
अकोला ः नैसर्गिक आपत्तीनंतर पीकविमा...अकोला ः पीकविमा हा आपत्तीच्या काळात शेतकऱ्यांना...
मराठवाड्यात एक लाख हेक्टरवर पीकनुकसानऔरंगाबाद : मराठवाड्यातील आठपैकी सहा जिल्ह्यांत...
मंगळवेढ्यात सूर्यफूल पीकविम्यातून वगळलेमंगळवेढा, जि. सोलापूर ः मंगळवेढा तालुक्यात...
कोल्हापूर : पीकविम्याच्या ऑनलाइन...कोल्हापूर : विमा योजनेत सहभागाबाबतीत राज्यात...
नाशिक : पीकविम्याबाबत तक्रारींचा पाढानाशिक : पीकविमा कंपन्यांची असक्षम यंत्रणा......
सिंधुदुर्गात कार्यालय; पण शेतकऱ्यांना...सिंधुदुर्गनगरी : विमा कंपनीचे सिंधुदुर्गनगरी येथे...
रत्नागिरी : पूरबाधित शेतकऱ्यांची...रत्नागिरी : जिल्ह्यातील नदी किनारी भागात पुरामुळे...
नांदेडमध्ये विमा कंपनीचे जिल्ह्याच्या...नांदेड : पंतप्रधान पीकविमा योजनेत जिल्ह्यासाठी...
पावसाची उसंत, सावरण्याची धडपड सुरु पुणे : पावसासाठी पोषक वातावरण नसल्याने पावसाचा...
नगर : विमा कार्यालय, हेल्पलाइन नंबरची... नगर : नुकसानीची शेतकऱ्यांना भरपाई मिळावी,...
कोल्हापूर : पूर फुटाने वाढला, इंचाने...कोल्हापूर : जिल्ह्यातील पूरस्थिती हळूहळू कमी होत...
विमा कंपन्यांचा राज्यभर सावळागोंधळ पुणे ः पंतप्रधान पीकविमा योजनेतील खासगी विमा...
कोकणात मुसळधारेची शक्यता पुणे : कोकणसह संपूर्ण राज्यात पावसाचा जोर कमी...
राजकीय नेत्यांनी पूरग्रस्त भागांचे दौरे...मुंबई : राजकीय नेत्यांनी पूरग्रस्त भागाचे दौरे...