परभणीत शेतकरी संघर्ष समितीचे रास्ता रोको 

परभणीक शेतकरी संघर्ष समितीचे रास्ता रोको
परभणीक शेतकरी संघर्ष समितीचे रास्ता रोको

परभणी ः जिल्ह्यात मॉन्सुनोत्तर पाऊस आणि अतिवृष्टीमुळे खरीप हंगामातील पिकांचे अतोनात नुकसान झाले. त्यामुळे शेतकऱ्यांना मदत देण्याच्या मागणीसाठी शेतकरी संघर्ष समितीतर्फे गुरुवारी (ता. १४) परभणी जिल्ह्यात विविध ठिकाणी रास्ता रोको आंदोलन करण्यात आले. 

जिल्ह्यात आॅक्टोबर-नोव्हेंबर महिन्यात सततचा पाऊस आणि अतिवृष्टीमुळे परभणी जिल्ह्यासह मराठवाड्यातील शेतकऱ्यांच्या सोयाबीन, कापूस, मका, ज्वारी, बाजरी आदी पिकांचे नुकसान झाले आहे. परभणी जिल्ह्यातील साडेचार लाख हेक्टरहून अधिक क्षेत्रावरील पिकांचे सार्वत्रिक नुकसान झाले आहे. त्यामुळे शेतकऱ्यांना तत्काळ नुकसानभरपाईच्या अनुषंगाने विविध मागण्यांसाठी जिल्ह्यातील पेडगाव, पाथरी, झिरोफाटा, झरी आदी ठिकाणी शेतकरी संघर्ष समितीतर्फे करण्यात आलेल्या रास्ता रोको आंदोलनामध्ये राजन क्षीरसागर, माणिक कदम, लक्ष्मण काळे, प्रसाद गोरे, माधुरी क्षीरसागर आदीसह शेतकरी सहभागी झाले होते. 

शेतकरी संघर्ष समितीच्या मागण्या ः 

  • पीकविमा योजनेतील खरीप पिकांचे, सोयाबीनचे पीककापणी प्रयोग तत्काळ रद्द करावेत. 
  • २५ टक्क्यांपेक्षा जास्त बाधित क्षेत्र असल्याने सरसकट संपूर्ण पीकविमा भरपाई सरसकट अदा करण्यासाठी जिल्हास्तरीय अधिसूचना तत्काळ जारी करावी. 
  • बेमोसमी पाऊस आणि अतिवृष्टीमुळे नुकसानग्रस्त शेतकऱ्यांना सोयाबीन, कापूस, तूर, बाजरी, ज्वारी, मका या पिकांची संपूर्ण विमा जोखीम रक्कम म्हणजेच सोयाबीनसाठी हेक्टरी ४३ हजार रुपये तत्काळ अदा करण्यात यावेत. 
  • पीकविमा न भरलेल्या शेतकऱ्यांना विमाधारकाप्रमाणेच शासकीय मदत अदा करावी. त्यासाठी केंद्र शासनाचे निकष रद्दबातल करून राज्य शासनाने स्वतंत्र आपत्ती कोशातून मदत द्यावी.   
  • Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

    ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

    Related Stories

    No stories found.
    Agrowon
    agrowon.esakal.com