नाशिक : शेतकऱ्यांना युरिया मिळताना अडचणी येत आहेत. साठा येतो, मग जातो कुठे, असा प्रश् उपस्थित करून येवला तालुका प्रहार शेतकरी संघटनेच्या पदाधिकाऱ्यांनी सोमवारी (ता.२७) उपविभागीय अधिकाऱ्यांना निवेदन दिले होते. तसेच पंचायत समिती कार्यालयासमोर उपोषण सुरू केले होते. मात्र पंचायत समितीने लेखी आश्वासन दिल्यानंतर गुरुवार (ता.३०) उपोषण मागे घेण्यात आले.
पंचायत समितीचे गटविकास अधिकारी उमेश देशमुख यांनी जिल्हा परिषदेचे कृषी अधिकारी यांच्याकडे जिल्ह्यासाठी संरक्षित असलेल्या युरिया साठ्यातून १०० टन युरिया व लगतच्या कालावधीत जिल्ह्यासाठी प्राप्त होणाऱ्या रॅकमधून ई-पॉस धारकांना खत द्यावे, अशी मागणी पत्राद्वारे केली. यासह प्रहार संघटनेच्या कार्यकर्त्यांना लेखी देण्यात आले. त्यानंतर उपोषण मागे घेण्यात आले.
ग्रामीण तालुका पोलिस ठाण्याचे निरीक्षक अनिल भवारी, येवला शहर पोलिस ठाण्याचे निरीक्षक संदीप कोळी, पंचायत समिती सभापती प्रवीण गायकवाड, कृषी अधिकारी प्रशांत वास्ते, तालुका कृषी अधिकारी कारभारी नवले, विस्तार अधिकारी अन्सार शेख उपस्थित होते.
पत्रानुसार, येत्या २ ते ३ दिवसांत तालुक्यास २०० टन युरिया आणण्याची मागणी केली. हा खत साठा प्राप्त झाल्यानंतर विक्री करताना कुठल्याही प्रकारचे लिंकिंग किंवा इतर खते घेण्यासाठी सक्ती करण्यात येऊ नये, यासाठी सूचना देण्यात आल्या आहेत. असा प्रकार आढळून आल्यास संबंधित विक्रेत्यांवर कारवाई करण्यात येईल, असे आश्वासन देण्यात आले आहे. हरिभाऊ महाजन, किरण चरमळ, वसंतराव झांबरे, रामभाऊ नाईकवाडे, भागवत भड, संतोष रंधे यांसह एकूण १७ कार्यकर्ते उपोषणात सहभागी होते.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.