नगर ः कर्जत, श्रीगोंदा तालुक्यात रविवारी (ता. १९) सायंकाळी जोरदार गारांसह वादळी पाऊस झाला. या पावसाचा पाचशे हेक्टरपेक्षा अधिक क्षेत्राला फटका बसला आहे. द्राक्ष, संत्रा, मोसबी फळबागांचे यामध्ये मोठे नुकसान झाले आहे. कृषी विभागाच्या अधिकाऱ्यांनी नुकसानीची पाहणी करून पंचनामे सुरू केले आहेत.
नगर जिल्ह्यामधील श्रीगोंदा तालुक्यातील शेडगावसह दहा गावांच्या परिसरात तर कर्जत तालुक्यातील बारडगाव सुद्रीक, ताजू, तळवडी, कुळधरण, जलालपूर, घोगरगाव परिसरात रविवारी रात्री जोरदार वाऱ्यांसह गारांचा पाऊस झाला. यात चारापिकांसह भाजीपाला, फळांचे नुकसान झाले.
स्थानिक शेतकऱ्यांनी दिलेल्या माहितीनुसार, दोन्ही तालुक्यांत मिळून सुमारे पाचशे हेक्टरपेक्षा अधिक क्षेत्राला फटका बसला आहे. कृषी विभागाच्या अधिकाऱ्यांनी नुकसानीची पाहणी करून पंचनामे सुरू केले आहेत. एकतर लाॅकडाऊनमुळे भाजीपाला, फळे विकण्यासाठी शेतकऱ्यांची कसरत सुरू असताना त्यात अवकाळी पावसाच्या संकटाने शेतकरी त्रस्त झाले आहेत.
मागील महिन्यातही झालेल्या पावसाने या भागाला चांगलाच फटका बसला होता. आता या पावसाने मोसंबी, संत्रा आणि द्राक्षबागांचे दोन्हीही तालुक्यात नुकसान झाले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.