agriculture news in marathi, stormy rain occurs in next week, pune, maharashtra | Page 3 ||| Agrowon

पुढील आठवडा वादळी पावसाचा
टीम अॅग्रोवन
गुरुवार, 3 ऑक्टोबर 2019

सध्याच्या काळात सोयाबीन, उडीद, मूग पिकाची काढणी पूर्ण करावी. येत्या सोमवार, मंगळवारी कोकणपट्टी आणि पुणे जिल्ह्याच्या पश्चिम भागात काही प्रमाणात पावसाची शक्यता आहे. सध्याच्या काळातील पाऊस हा भात, ऊस, कापूस, भुईमूग, मका, चारा पिके तसेच फळबागांसाठी उपयुक्त ठरला आहे. ज्या जमिनीत चांगल्या प्रकारे ओलावा झालेला आहे, तेथे रब्बी ज्वारी, करडई, हरभरा, जवस या पिकांची पेरणी सुरू करावी; परंतु हलक्या जमिनी आणि अद्यापही कमी प्रमाणात असलेला पाऊस लक्षात घेता जमिनीचा पुरेसा ओलावा झाल्याशिवाय रब्बी पिकांच्या पेरणीची घाई करू नये. पूर्वहंगामी ऊस लागवडीचे नियोजन करावे.
- डॉ. रामचंद्र साबळे, ज्येष्ठ हवामानतज्ज्ञ

पुणे  : नैऋत्य मोसमी वाऱ्यांच्या (मॉन्सून) यंदाच्या हंगामात दमदार पाऊस कोसळला. राज्यात सरासरीपेक्षा ३२ टक्के अधिक पावसाची नोंद झाली. यातच राज्यात मॉन्सूनचा परतीचा प्रवास लांबला असताना उद्यापासून (ता. ४) पावसाला पोषक हवामान होत आहे. पुढील आठवड्यात राज्यातील विविध भागांत वादळी पावसाची शक्यता आहे. या काळात मेघगर्जना, विजांसह जोरदार पावसाचा इशारा हवामान विभागाने दिला आहे.   

हवामान विभागाच्या पुणे केंद्राचे प्रमुख डॉ. अनुपम कश्यपी म्हणाले, की मॉन्सूनने अद्याप परतीचा प्रवास सुरू केलेला नाही. महाराष्ट्रातूनही साधारणत: १५ तारखेनंतरच मॉन्सून माघारी फिरण्यास सुरवात होईल. दरम्यानच्या काळात ४ ते ८ या कालावधीमध्ये राज्यात वादळी वाऱ्यासह हलक्या मध्यम स्वरूपाचा पाऊस पडेल. पश्‍चिम महाराष्ट्र, मराठवाडा, कोकणाच्या दक्षिण भागात चांगला पाऊस अपेक्षित असून, उर्वरित महाराष्ट्रातही अनेक ठिकाणी हलक्या ते मध्यम सरी कोसळतील. तसेच काही ठिकाणी कमी काळात जोरदार पावसाच्या सरी येतील. तसेच १५ तारखेपर्यंतदेखील वादळी वाऱ्यासह पावसाची शक्यता आहे. त्यानंतर पाऊस कमी होणार असला तरी आठवडाभर (२२ ऑक्टोबरपर्यंत) पश्‍चिम महाराष्ट्रात हलक्या पावसाची शक्यता असल्याचे डॉ. कश्यपी यांनी सांगितले. 

हवामान विभागाचे वरिष्ठ शास्त्रज्ञ डॉ. ए. के. श्रीवास्तव म्हणाले, की ६ आॅक्टोबरच्या आसपास बंगालच्या उपसागरात कमी दाबाचे क्षेत्र तयार होण्याचे संकेत आहेत. हे कमी दाबाचे क्षेत्र जमिनीवर आल्याने सोमवारपासून (ता. ७) ते शनिवारपर्यंत (ता. १२) महाराष्ट्रात पावसाचा अंदाज आहे. यातही बुधवारी (ता. ९) आणि गुरुवारी (ता. १०) पावसाचा जोर अधिक राहण्याची शक्यता असल्याचे डॉ. श्रीवास्तव यांनी म्हटले आहे. 
दरम्यान राज्यात भात, मका, सोयाबीन, कापसासह खरिपाची पिके परिपक्व होण्याच्या स्थितीत आहेत. राज्यातील वादळी पावसाची शक्यता विचारात घेता, मोठे नुकसान होण्याची भीती असल्याने काढणीस आलेल्या, साठवून ठेवलेल्या शेतमालाची काळजी घेण्याचे आवाहन कृषी विभागातर्फे करण्यात आले आहे.
 

इतर अॅग्रो विशेष
कृषी शिक्षणव्यवस्थेला हवी दिशादेशातील सर्वांत जास्त कृषी विद्यापीठे आणि कृषी...
कर्जबाजारी शेतकऱ्यांचा सातबारा कोरा...मुंबई : मधुमेहासारख्या २०० चाचण्या १ रुपयात...
जैवविविधतेचा ऱ्हास करणारा प्रकल्प नकोचनियोजित नवमहाबळेश्वर गिरिस्थान प्रकल्पाचं क्षेत्र...
पाण्याचा ताळेबंद गरजेचाच नगर जिल्ह्यातील हिवरे बाजार या गावाने यंदाच्या...
साखर कारखान्यांपुढे प्रक्रिया...कोल्हापूर : दोन महिन्यांपूर्वी आलेल्या महापुराचे...
सत्ताधाऱ्यांच्या भूलथापांना बळी पडू नका...मुंबई: लोकांच्या मनातला सरकारविरोधी राग...
अन्नपदार्थ निर्यातीसाठी लवकरच नवे धोरणनवी दिल्ली : देशातून प्रक्रियायुक्त...
टोमॅटोची प्युरी विकण्याची मदर डेअरीला...नवी दिल्ली : टोमॅटोचे दर वधारताच केंद्र सरकारने...
परतीच्या पावसाने नांदेडला झोडपलेपुणे : राज्यात परतीच्या पावसाने जोर धरला आहे....
मॉन्सून उत्तर भारतातून परतलापुणे: नैर्ऋत्य मोसमी वाऱ्यांनी (मॉन्सून) शक्रवारी...
कायदेशीर मुद्यांबाबत कृषी विभागाला...पुणे: राज्यात विविध ब्रॅंडखाली कीटकनाशकांच्या...
नाशिक जिल्ह्यात कांदा व्यवहारांवर...नाशिक  : जिल्ह्यातील कांदा खरेदी-विक्रीच्या...
शेतकरीविरोधी कायदे रद्द करा : अमर हबीबशेतकऱ्यांच्या आत्महत्यांना कारणीभूत ठरलेले कमाल...
साखर उद्योगाला हवी बळकटीकरणाची चौकट राज्यात ३० हजार कोटींच्या कृषी आधारित...
पशुखाद्यनिर्मितीसाठी धोरणात्मक विचार...राज्यातील शेतकरीवर्ग तोट्यात शेती करीत आहे....
अनेक वर्षांपासून जोपासला देशी केळीचा...सांगली जिल्ह्यातील कुंभारगाव येथील किरण बबन लाड...
हरभऱ्याने केले आर्थिक दृष्ट्या सक्षम यवतमाळ जिल्ह्यातील पुसद, महागाव, उमरखेड या तीन...
शेतकरी कर्जमाफीच्या अंमलबजावणीचे भूत ! फडणवीस सरकारच्या कार्यकाळात प्रामुख्याने राज्यात...
गूळ उद्योगाला धोरणात्मक पाठिंब्याची गरज...गूळ उद्योगाकडे आजपर्यंत कोणत्याच राज्यकर्त्याने...
जीवघेण्या कोंडीमुळे शेतकरी आत्महत्या :...शेती संकटावर मात करण्यासाठी अत्यंत आधुनिक व...