वारंगा फाटा, जि. हिंगोली : वारंगा फाटा (ता. कळमनुरी) परिसरात बुधवारी (ता.१८) रात्री वादळी वाऱ्यासह झालेल्या गारपिटीमुळे केळीसह रब्बी तील हरभरा, गहू, ज्वारी पिकांसह भाजीपाला पिकांचे मोठे नुकसान झाले. विजेचे खांब वाकून तारा तुटल्याने अनेक गावांचा वीजपुरवठा खंडित झाला.
कळमनुरी तालुक्यातील वारंगा फाटा परिसरात बुधवारी (ता.१८) रात्री पाऊणे आठ ते सव्वा आठच्या दरम्यान वादळी वाऱ्यासह विजांच्या कडकडाटात गारांचा पाऊस झाला. सोसायट्यांच्या वाऱ्यामुळे घरांवरील पत्रे उडून गेले. त्यानंतर रात्री साडे अकरा ते बाराच्या दरम्यान जोरदार गारपीट झाली. मोठ्या आकाराच्या गारा पडल्या. त्यात जनावरे जखमी झाली.
गहू, ज्वारी आदी पिके आडवी पडली. केळी पिकाची झाडे मोडून पडली. वादळी वाऱ्यात झाडे पडल्यामुळे कामठा येथील वीज उपकेंद्रातून येणाऱ्या तारा तुटल्या. ४० गावांचा वीजपुरवठा खंडित झाला.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.