agriculture news in Marathi strawberry farming in chinchwadgaon Maharashtra | Agrowon

बीड जिल्ह्यातील चिंचवडगावमध्ये स्ट्रॉबेरीची शेती

टीम अॅग्रोवन
शुक्रवार, 24 जानेवारी 2020

परभणी, परळी, माजलगाव, वडवणी येथील व्यापाऱ्यांना व थेट ग्राहकांनाही ताजी स्ट्रॉबेरी विक्री करतो आहोत. आता दिवसाआड दहा ते बारा किलो उत्पादन होते आहे. 
- रामप्रसाद घुगे, शेतकरी, चिंचवडगाव, ता. वडवणी. 

बीड: थंड प्रदेशात घेतले जाणारे स्ट्रॉबेरीचे उत्पादन आता ४४ डिग्री तापमान असलेल्या बीड जिल्ह्यातही घेण्याचा प्रयत्न शेतकरी करताहेत. वडवणी तालुक्‍यातील चिंचवडगाव येथील शिक्षणशास्त्रातील पदविका घेतलेले शेतकरी रामप्रसाद विक्रम घुगे यांनी ५०० रोपांपासून सुरू केलेली स्ट्रॉबेरी शेती मिळालेल्या यशामुळे पुढील वर्षी गट शेतीच्या माध्यमातून विस्तारणार असल्याचे सांगितले.  

शिक्षणशास्त्रातील पदविका घेतल्यानंतर नोकरीच्या मागे न लागता शेतीची आवड असल्याने शेतीतच करिअर करण्याचा निश्‍चय वडवणी तालुक्‍यातील चिंचवडगाव येथील रामप्रसाद विक्रम घुगे यांनी केला. कुटुंबाकडील १५ एकर शेतीत भाजीपाला पिकविण्याकडे लक्ष केंद्रित केले. यात प्रामुख्याने शिमला मिरचीचे उत्पादन घेत चांगला नफा त्यांनी कमविला. तसेच गोविंद तिडके, इमाम शेख, ज्ञानेश्वर गवारे, महादेव पुरी, आनंत घोलप, संतोष पडुळे या परिसरातील शेतकऱ्यांना सोबत घेत नव्याने गॅलोन वांग्याची प्रत्येकी एक एकरमध्ये लागवड केली. या वांग्यापासून गिरवीची निर्मिती होत असल्याने वांग्याना चांगला भाव मिळत आहे. दोन एकर वर सीताफळ लागवडीची तयारी केली आहे.

वळले स्ट्रॉबेरीकडे...
महाबळेश्वरच्या थंड वातावरणात स्टॉबेरीचेे उत्पादन मोठ्या प्रमाणात घेतले जाते. स्ट्रोबेरी नगावर विकली जात असल्याने नफा मोठ्या प्रमाणात मिळतो. आपल्याकडे ४४ डिग्री तापमाणात हे पीक घेता येईल का, याकरिता रामप्रसाद घुगे यांनी २०१६ मध्ये स्ट्रॉबेरीच्या ५ रोपट्यांची लागवड केली. ते यशस्वी झाल्याने २०१७ साली १०० रोपांची लागवड केली. ते पीकही यशस्वी झाल्याने यंदा महाबळेश्वर येथील एजन्सीला ऑर्डर देत कॅलिफोर्निया येथून ५०० मदर प्लान्टची मागणी करत एक गुंठा शेतीमध्ये लागवड केली. या मदर प्लांटचे एक रोपाची किंमत ५० ते ६० रुपये होती. या मदर प्लान्टला आता फळं लागणे सुरू असून, इतर भाजीपाल्याबरोबर त्या फळांची परभणी, परळी, माजलगाव आणि थेट ग्राहकांना विक्री येथील बाजारात विक्री केली जात असल्याची माहिती रामप्रसाद घुगे यांनी दिली. 

गटशेतीतून होणार लागवड
पुढील वर्षी गट शेतीच्या माध्यमातून शेतकऱ्यांना सोबत घेत किमान दोन एकरांवर हे पीक घेण्याचा निश्‍चय घुगे यांनी व्यक्त केला. भाजीपाला शेतीनंतर फळबाग शेती यशस्वी करण्याकरिता तालुका कृषी अधिकारी श्री शरद शिनगारे व कृषी सहायक गणेश बडे यांनी मोलाचे मार्गदर्शन केल्याचे रामप्रसाद घुगे यांनी सांगितले.

प्रतिक्रिया
शेतकरी रामप्रसाद घुगे यांच्या शेतात घेतलेल्या स्ट्रॉबेरीची चव चांगली आहे. यशस्विता व बाजारपेठेचा विचार करून अशा प्रकारच्या  नावीण्यपूर्ण पिकाचा प्रयोग म्हणून थोड्या क्षेत्रावर करायला हरकत नाही. 
- शरद शिनगारे, तालुका कृषी अधिकारी वडवणी. 

 


इतर बातम्या
आटपाडी तालुक्यात बंद साखर कारखान्यांचा...खरसुंडी, जि. सांगली : टेंभू योजनेच्या खात्रीशीर...
एक लाख टन मका म्यानमारमधून आयातनवी दिल्ली: देशात यंदा कमी उत्पादन झाल्याने...
सेवा हमी कायदा नागरिकांपर्यंत पोचवून...नाशिक  : सेवा हा प्रत्येक नागरिकाचा अधिकार...
चांदवड येथे साडी नेसून आंदोलननाशिक : चांदवड खरेदी विक्री संघाच्या माध्यमातून...
ओबीसींची स्वतंत्र जनगणना व्हावीमुंबई  ः ओबीसींची स्वतंत्र जनगणना व्हावी ही...
राज्यातील बावीस कारखान्यांचा गाळप हंगाम...कोल्हापूर  : राज्यातील ऊस गाळप हंगाम हळूहळू...
नांदेड जिल्ह्यात उन्हाळी भुईमुगाची...नांदेड : यंदा उन्हाळी हंगामात जिल्ह्यात गुरुवार (...
केंद्राच्या योजनांची अंमलबजावणी करा :...हिंगोली : ‘‘केंद्र शासन पुरस्कृत योजनांचा लाभ...
पुणे जिल्ह्यात एक लाख ४० हजार...पुणे ः महात्मा जोतिराव फुले शेतकरी कर्जमुक्‍ती...
कांदा व्यापारातील सरकारी हस्तक्षेप...नगर  : ‘‘केंद्रीय अन्न व नागरी...
नगर जिल्ह्यात जनावरांचा उपचार चार...नगर ः नगर जिल्ह्यातील पशुवैद्यकीय रुग्णालयात आता...
अकोला कृषी विदयापीठाने नियम डावलून...नागपूर : अकोला येथील डॉ. पंजाबराव देशमुख कृषी...
रेशन दुकानातून अंडी, चिकन देण्याला...पुणे ः मांसाहारातूनच विषाणूजन्य रोगांचा फैलाव होत...
अफार्मतर्फे ‘ग्रामीण विकासात स्वयंसेवी...पुणे  : अॅक्शन फॉर अॅग्रीकल्चर रिन्युअल इन...
सोलापूर जिल्हा दूध संघाची ‘नोटीस रद्द...सोलापूर  : जिल्हा सहकारी दूध उत्पादक व...
कृषी उद्योजकांच्या अनुभवांनी भारावले...बोंडले, जि. सोलापूर : उद्योजक होताना आलेल्या...
नगर : पैसेवारी कमी लावून प्रशासनाने...नगर ः यंदाही रब्बी हंगामात पीक परिस्थिती फारशी...
स्मार्ट ग्राम योजनेस आर. आर. पाटील...मुंबई   : ग्रामविकास विभागामार्फत...
रिक्त पदांमुळे सातारा ‘एकात्मिक...भिलार, जि. सातारा : एकात्मिक बालविकास योजनेंतर्गत...
सिंधुदुर्ग जिल्ह्यात जोरदार वाऱ्यामुळे...सिंधुदुर्ग : गेले दोन-तीन दिवस जिल्ह्यात...