agriculture news in Marathi strawberry mother plant import stuck by corona Maharashtra | Agrowon

कोरोनामुळे अडकले स्ट्रॉबेरीचे मदरप्लँट 

टीम अॅग्रोवन
शनिवार, 18 एप्रिल 2020

या हंगामात कोरोनासह विविध कारणामुळे स्ट्रॅाबेरी उत्पादक शेतकऱ्यांचे कंबरडे मोडले आहे. यामुळे पुढील हंगामाकडे शेतकऱ्यांचे डोळे लागले आहेत. कोरोनाचे संकट भीषण असल्याने मदरप्लँटचे काय होणार हे समजत नाही. जून अखेरीपर्यंत जरी मदरप्लँट आले तरी हंगाम मिळू शकतो. यासाठी सरकारने आवश्यक ती काळजी घेऊन मदरप्लँट उपलब्ध होण्यासाठी प्रयत्न करावेत. 
- बाळासाहेब भिलारे, अध्यक्ष, अखिल भारतीय स्ट्रॅाबेरी उत्पादक संघ.

साताराः अमेरिका, स्पेन, इटलीत लॅाकडाऊन असल्याने या देशांतून येणारे स्ट्रॅाबेरीचे मदरप्लँट (मातृवृक्ष) वेळेत येणार येण्याबाबत शंका आहे. त्यामुळे महाबळेश्वरसह राज्यातील स्ट्रॅाबेरी उत्पादकांमध्ये संभ्रमावस्था निर्माण झाली आहे. मदरप्लँट निर्यात करणारे देश आणि भारत सरकारच्या धोरणावर स्ट्रॅाबेरी हंगामाचे भवितव्य ठरणार आहे. 

राज्यात सर्वाधिक स्ट्रॅाबेरीचे पिक महाबळेश्वरात घेतले जाते. यानंतर जावळी, वाई, सातारा या तालुक्यासह कमी अधिक प्रमाणात स्ट्रॅाबेरी केली जाते. मागील काही वर्षांपासून देशात काही ठिकाणी स्ट्रॅाबेरी करण्याकडे शेतकऱ्यांचा कल वाढला आहे. मात्र, पोषक वातावरण, नैसर्गिक साधन संपत्ती, थंड हवेसाठी प्रसिद्ध असलेल्या महाबळेश्वर तालुक्यातील स्ट्रॅाबेरी सर्वाधिक मागणी असते. 

स्ट्रॅाबेरी रोपे तयार करण्यासाठी परदेशातून मदरप्लँटची आयात केले जातात. या मदरप्लँटद्वारे रोपे तयार करून त्याची लागवड केली जाते. साधारपणे देशातून २० लाखापर्यंत मदरप्लँटची मागणी केली जाते. यामध्ये सर्वाधिक ७० टक्केवर म्हणजे १५ ते १६ लाख मागणी एकट्या महाबळेश्वर तालुक्यातून केली जाते. मे व जून महिन्यातही हे प्लँट येतात. मात्र कोरोना विषाणूच्या संसर्गामुळे सध्याची परिस्थिती बदलली आहे. अमेरिका, स्पेन, इटली या देशातून सर्वाधिक मदरप्लॅंट येत असतात.

पंरतू सध्या येथे अनेक ठिकाणी लॅाकडाऊन करण्यात आल्यामुळे मदरप्लँट मिळतील की नाही याबाबत संभ्रमावस्था आहे. सद्य परिस्थितीत विमान वाहतूक पुर्णपणे बंद आहे. यामुळे मदरप्लँट येऊ शकणार नाहीत. मात्र सुदैवाने मे व जून महिन्यात कोरोना प्रादुर्भाव कमी झाल्यास प्लॅट बाबत आशा आहेत. मात्र यासाठी निर्यात करणारे देश तसेच आपल्या सरकार मदरप्लँटबाबत कसा निणर्य घेणार यावर स्ट्रॅाबेरीच्या हंगामाचे भवितव्य ठरणार आहे. 

मदरप्लॅंटची वाहतूक विमानाने होत असते यासाठी विमान सेवा सुरळीत होणे गरजेचे आहेत. निर्यात करणाऱ्या देशात सध्या कोरोनाचे थैमान असल्याने येणार प्लॅंट सॅनिटायझर करून आणणे आवश्यक आहे. सध्याची परिस्थती बघता मे महिन्यात मदरप्लँट येण्याच्या आशा कमी आहेत. मात्र जून महिन्यात जरी प्लँट आले तरी हंगाम शेतकऱ्यांना घेता येणे शक्य होणार आहे. 

हंगामावर संकटाची मालिका 
यंदाच्या स्ट्रॅाबेरी हंगामात पावसामुळे रोपाची मर, लागवड क्षेत्रात घट, वन्यप्राण्यांकडून नासधूस, कमी थंडी, वातावरणातील बदल याचा फटका बसला. आता लॅाकडाऊनमुळे सर्व ठिकाणी वाहतूक बंद आहे. तसेच पर्यटक आले नसल्यामुळे स्ट्रॅाबेरी तोडणी बंद करावी लागली आहे. यातून एकट्या महाबळेश्वर तालुक्यात शेतकऱ्यांचे कोट्यावधीचे नुकसान झाले आहे. यामुळे शेतकऱ्यांना कर्जाचे हप्ते भरणे शक्य होणार नाही. 


इतर ताज्या घडामोडी
दहा हजाराची लाच स्वीकारणारा हुलजंतीचा...सोलापूर ः खरेदी केलेल्या जमीन दस्तावर दाखल...
`जतमध्ये मूग, उडीद खरेदी केंद्र सुरू...सांगली :जिल्ह्यात मूग व उडीद हमीभावाने खरेदी...
सांगलीत २८ टक्क्यांवरच ऊस लागवडसांगली :  जिल्ह्यात गेल्या आठवड्यापूर्वी...
खानदेशातील बाजारात उडदाच्या आवकेत घटजळगाव : खानदेशातील प्रमुख बाजार समित्यांमध्ये...
नाशिकमध्ये खासदारांच्या घरासमोर  'राख...नाशिक : केंद्र सरकारच्या वाणिज्य मंत्रालयाने...
नगर जिल्ह्यात कांदा बियाणे गरज,...नगर ः जिल्ह्यात दरवर्षी सुमारे एक लाख...
अकोटमध्ये अतिवृष्टीने कपाशी पाण्याखालीअकोला ः आजवर झालेल्या सततच्या पावसाने अकोट...
बुलडाण्यातील नुकसानीचे पंचनामे करून...बुलडाणा : पावसामुळे नुकसान झालेल्या क्षेत्राचे...
सातगाव पठारावर नुकसानग्रस्त बटाट्याचे...पुणे :‘‘लांबलेला मॉन्सून, सततचा कोसळणारा वादळी...
गाव पातळीवरील बैठका, सभा तात्पुरती...अकोला ः कोवीड १९ च्या वाढत्या प्रभावामुळे गाव...
नोकर भरतीची वयोमर्यादा वाढवाः...चंद्रपूर : कोरोना संकटामुळे या वर्षात नोकरीकरता...
लातूर, उस्मानाबादेत एक लाख ४१ हजार...उस्मानाबाद / लातूर : लातूर व उस्मानाबाद...
औरंगाबाद, जालन्यात पावसाचा जोर कायमऔरंगाबाद : बीड, लातूर, उस्मानाबाद, परभणी, नांदेड...
मजुरांना कष्टाचे तरी पैसे मिळावेत नगर ः राज्यातील साखर कारखान्यांची तब्बल ८० हजार...
पोषक चाऱ्यासाठी ओट लागवडजनावरांच्या हिरव्या चाऱ्यासाठी अधिक पोषणमूल्य...
राज्यात सोयाबीन २५०० ते ३९७४ रुपये नगरमध्ये ३००० ते ३७०० रुपये  नगर येथील...
कोरडवाहू क्षेत्रातील रब्बी पीक नियोजनकोरडवाहू  भागातील जमिनीतील ओलावा हा...
हरभऱ्याच्या अधिक उत्पादनासाठी फुले...महात्मा फुले कृषि विदयापिठाने कंबाईन हार्वेस्टरने...
मानवी आहारासाठी पोषणयुक्त जैवसंपृक्त वाणजैवसंपृक्त पिकांची लागवड केल्यास पौष्टिक व...
सामूहिकपणे शंखी गोगलगायींचे नियंत्रण...शंखी गोगलगायी जून ते सप्टेंबर या कालावधीत जास्त...