सोलापूर : कोरोनोचा शिरकाव ग्रामीण भागातही वाढत असून, त्याला अटकाव करण्यासाठी सोलापूर शहराबरोबर जिल्ह्यातील उत्तर सोलापूर, दक्षिण सोलापूर, अक्कलकोट, मोहोळ, बार्शी तालुक्यातील ३१ गावांमध्ये १६ जुलै ते २६ जुलै या दरम्यान कडक लॉकडाउनचा निर्णय जिल्हाधिकारी मिलिंद शंभरकर यांनी घेतला आहे. सकाळी सहा ते नऊ या वेळेत घरपोच दूध व्रिकीसाठी परवानगी दिली आहे. तसेच हॉस्पिटल, मेडिकल सुरू राहतील. बाकी अन्य सर्व व्यवसाय बंद ठेवण्यासह लोकांनाही घराबाहेर न पडण्याची सूचना या आदेशात करण्यात आली आहे. कृषी सेवा केंद्रांना ठराविक वेळेसाठी परवानगी दिली आहे.
उत्तर सोलापूर तालुक्यातील मार्डी, तिऱ्हे, पाकणी, कोंडी, बाणेगाव, नान्नज, तळे हिप्परगा, हगलूर, एकरुख, कारंबा, भोगाव या गावांमध्ये तर दक्षिण सोलापुरातील कुंभारी, विडी घरकूल, वळसंग, मुळेगाव, मुळेगाव तांडा, बोरामणी, होटगी, लिंबीचिंचोळी, बक्षिहिप्परगा, कासेगाव, उळेगाव, तांदुळवाडी आणि मोहोळ तालुक्यातील कुरुल, कामती बु. व कामती खुर्द या गावांसह बार्शी, वैराग आणि अक्कलकोटमधील ३१ गावे यामध्ये समाविष्ठ करण्यात आली आहेत. या गावात संचारबंदीची अंमलबजावणी कडक असणार आहे. या गावांमधील लॉकडाउन काळातील प्रत्येक हालचालींवर वॉच ठेवण्यासाठी प्रांताधिकारी तथा स्वतंत्र निरीक्षकांची नियुक्ती करण्याचे आदेशही जिल्हाधिकाऱ्यांनी दिले आहेत. त्यांना दररोजचा अहवाल देणे बंधनकारक करण्यात आले आहे. सोलापूर शहरातही लॉकडाउन असल्याने बाजार समितीचे व्यवहार पूर्णपणे बंद राहणार आहेत.
लॉकडाऊनचं असं असणार स्वरुप
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.