परभणी जिल्ह्यात कडक निर्बंध लागू

परभणी ः कोरोनाचा प्रसार रोखण्यासाठी जिल्ह्यात कडक निर्बंध लागू करण्यात आले आहेत.
Strict restrictions apply in Parbhani district
Strict restrictions apply in Parbhani district

परभणी ः  कोरोनाचा प्रसार रोखण्यासाठी जिल्ह्यात कडक निर्बंध लागू करण्यात आले आहेत. फळे, भाजीपाला मार्केट तसेच शहरात विविध ठिकाणी होणारी फळे भाजीपाला विक्री, किराणा दुकाने आदी  शुक्रवार (ता.३०) पर्यंत बंद ठेवण्याचे आदेश जिल्हाधिकारी दीपक मुगळीकर यांनी जारी केले आहेत. दरम्यान, जिल्ह्यातील सर्व बॅंका नागरिकांसाठी सकाळी १० ते दुपारी २ यावेळेत सुरु राहतील, असे आदेशात नमूद केले. 

जिल्ह्यातील आस्थापनांवर होणारी नागरिकांची गर्दी आणि कोरोना रुग्ण संख्येत होणारी वाढ, यामुळे जिल्हा प्रशासनाने कडक निर्बंध लागू केले. त्यानंतर सुरवातीला शनिवार (ता.१७) ते गुरुवार (ता.२२) पर्यंत आणि त्यानंतर रविवार (ता.२५) पर्यंत फळे, भाजीपाला  विक्री, किराणा सामान दुकाने, बेकरी, मिठाई आदी खाद्य पदार्थांची दुकाने बंद ठेवण्याचे आदेश दिले होते.

अद्यापही कोरोनाचा संसर्ग कमी झालेला नाही. त्यामुळे शनिवारी (ता.२४) काढण्यात आलेल्या सुधारित आदेशानुसार फळे, भाजीपाला मार्केट, विविध ठिकाणी फळे, भाजीपाला विक्री, किराणा दुकाने, बेकरी, मिठाई खाद्य पदार्थांची दुकाने शुक्रवारपर्यंत बंद ठेवण्याचे आदेश देण्यात आले. 

भाजीपाला विक्री ठप्प 

गतवर्षीच्या लॉकडाऊनमध्ये शहरातील विविध नागरी वसाहतीमध्ये फळे-भाजीपाला विक्रीसाठी मुभा देण्यात आली. त्यामुळे  शेतकऱ्यांना दिलासा मिळाला. परंतु गेल्या आठवडाभरापासून निर्बंध कडक करण्यात आले. त्यामुळे फळे- भाजीपाला मार्केटसह अन्य ठिकाणची भाजीपाला विक्री ठप्प आहे. त्यामुळे  शेतकऱ्यांचे नुकसान होत आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com