agriculture news in marathi Strictly 'closed' in Nashik district in support of farmers | Page 2 ||| Agrowon

नाशिक जिल्ह्यात शेतकऱ्यांच्या समर्थनार्थ कडकडीत ‘बंद’

टीम अॅग्रोवन
बुधवार, 9 डिसेंबर 2020

नाशिक : केंद्र सरकारने आणलेल्या कृषी कायद्यांचा विरोध करण्यासाठी देशभर वातावरण तापले आहे. मंगळवारी (ता.८) पुकारलेल्या ‘भारत बंद’ला समर्थन देण्यासाठी नाशिक शहरासह ग्रामीण भागात सर्वच घटकांचा प्रतिसाद मिळाला.

नाशिक : केंद्र सरकारने आणलेल्या कृषी कायद्यांचा विरोध करण्यासाठी देशभर वातावरण तापले आहे. मंगळवारी (ता.८) पुकारलेल्या ‘भारत बंद’ला समर्थन देण्यासाठी नाशिक शहरासह ग्रामीण भागात सर्वच घटकांचा प्रतिसाद मिळाला. त्यामुळे दुपारपर्यंत सर्व ठिकाणी कडकडीत बंद पाळण्यात आल्याचे  पाहायला मिळाले.

जिल्ह्यात सकाळपासूनच अनेक व्यावसायिकांनी बंदला पाठिंबा देत व्यवहार बंद ठेवले. भाजप सरकारला विरोध करण्यासाठी राष्ट्रवादी काँग्रेस, काँग्रेस, शिवसेना, शेतकरी संघटना, भारतीय कम्युनिस्ट पक्ष, प्रहार संघटना, स्वाभिमानी शेतकरी संघटना, सीटू कामगार, वाहतूक व वकील संघटनेने शेतकरी आंदोलनास पाठिंबा दिला. जिल्हाभरात कृषी निविष्ठा केंद्रेही बंद राहिली. नाशिक ॲग्रो डिलर्स असोसिएशनचाही बंदला पूर्ण पाठिंबा मिळाला. 

जिल्ह्यातील सर्वच कृषी उत्पन्न बाजार समित्याही बंदमध्ये सहभागी झाल्या. त्यामुळे कुठेही शेतमालाची आवक झाली नाही. कांदा, भाजीपाला व भुसार मालाचे कोट्यवधी रुपयांचे लिलाव ठप्प होते. दररोज मध्यरात्रीपासूनच जिल्हाभरातून मोठ्या संख्येने शेतकरी शेतमाल घेऊन नाशिक बाजार समितीत येतात. मात्र, बंदच्या पार्श्वभूमीवर शेतकऱ्यांसह व्यापारी, मापारी, आडते, हमाल व मजूर यांनीही बाजार समितीकडे पाठ फिरविली. बंदला उत्स्फूर्त प्रतिसाद दिला. बंदला १००  टक्के प्रतिसाद मिळाल्याचे चित्र होते. 

शहरात व ग्रामीण भागात या कृषी कायद्यांचा निषेध करण्यासाठी शेतकऱ्यांनी एकत्र येत केंद्र सरकारच्या विरोधात घोषणाबाजी केली. प्रहार शेतकरी संघटनेने पाटोदा (ता. येवला) येथे या आंदोलनात सक्रिय सहभागी होऊन अन्यायकारक कृषी कायद्यांच्या निषेधार्थ केंद्र सरकारच्या पुतळ्यास बेशरमच्या फुलांचा व चपलांचा हार घालून निषेध केला. केंद्र सरकारविरोधी घोषणाही देण्यात आल्या.

‘स्वाभिमानी’कडून कृषी कायद्यांची होळी 

केंद्र सरकारने केलेले हे नवे कायदे शेतकऱ्यांना उद्योगपतींच्या घशात घालणारे आहेत. शेतकऱ्यांना वाऱ्यावर सोडणारे आहेत. त्यामुळे ते रद्द झाले पाहिजेत, अशी मागणी करत स्वाभिमानीचे प्रदेशाध्यक्ष संदीप जगताप यांनी चिंचखेड(ता. दिंडोरी) येथे शेतकऱ्यांसमवेत शेतकरी विरोधी कृषी कायद्यांची होळी 
केली. या वेळी केंद्र सरकारच्या विरोधात जोरदार घोषणा देण्यात आल्या.

भाजप पदाधिकाऱ्यांचा अप्रत्यक्ष सहभाग? 

देशभरात भाजप कार्यकर्ते व पदाधिकाऱ्यांकडून कृषी कायद्यांचे समर्थन केले जात आहे. असे असताना भाजप जिल्हाध्यक्ष केदा आहेर यांच्यासह सटाणा भाजप तालुकाध्यक्ष संजय भामरे, सुवर्णा जगताप या नेत्यांच्या ताब्यात असलेल्या देवळा, नामपूर, सटाणा व लासलगाव  यांसह जिल्ह्यातील सर्व बाजार समित्या बंद राहिल्या. त्यामुळे भाजप पदाधिकाऱ्यांचा बंदमध्ये अप्रत्यक्ष सहभाग असल्याच्या चर्चा आंदोलकांमध्ये रंगल्या.  
 


इतर ताज्या घडामोडी
शाश्‍वत कापूस उत्पादन तंत्रज्ञान अवगत...अकोला ः कापूस हे विदर्भातील प्रमुख पीक आहे. या...
अकोल्यात ५५ हजार हेक्टरला तडाखाअकोला ः गेल्या आठवड्यात जिल्ह्यात ५२ पैकी ३५...
रत्नागिरीत हजार हेक्टर भातक्षेत्र...रत्नागिरी : अतिवृष्टीमुळे मोठ्या नद्यांना आलेल्या...
सांगलीत ३३ हजार हेक्टर पिकांचे नुकसानसांगली : जिल्ह्यात गेल्या चार-पाच दिवसांपासून...
खानदेशात पंधरा हजार हेक्टर बाजरीची...जळगाव : खानदेशात यंदा पाऊस लांबल्याने आणि...
नाशिक बाजार समितीच्या कर्मचाऱ्यांचे...नाशिक : नाशिक बाजार समितीसंदर्भात शासनाकडे...
खानदेशात हलक्या सरी; जोरदार पावसाचा अभावजळगाव : खानदेशात यंदा पाऊसमान अद्याप कमी आहे....
नांदेड जिल्ह्यात पीकविमा योजनेत नऊ लाख...नांदेड : पंतप्रधान पीक विमा योजनेत शेतकऱ्यांनी...
मराठवाड्यातील पशुविज्ञान केंद्राचे घोडे...परभणी ः भारतीय कृषी संशोधन परिषदेने महाराष्ट्र...
परभणी जिल्ह्यात भाजीपाला पिकांची नासाडीपरभणी ः अतिवृष्टीमुळे जिल्ह्यातील शेकडो एकरवरील...
पैसे थकवणाऱ्या व्यापाऱ्यांचे लिलाव बंद...सोलापूर ः शेतकऱ्यांच्या शेतमालाच्या पट्ट्या...
पुण्यात लाख हेक्टरवर खरिपाच्या पेरण्या पुणे : जिल्ह्यात जुलै महिन्याच्या तिसऱ्या...
पीकविम्यासाठी स्वाभिमानीचा कृषी...पुणे : पीकविमा योजनेतील गेल्या खरिपाची नुकसान...
नगरमध्ये खरीप पेरण्यांनी सरासरी ओलांडली नगर : नगर जिल्ह्यात खरिपाच्या पेरण्यांनी सरासरी...
`लातूरला शेतकऱ्यांनी भरला २३ कोटीचा...लातूर : ‘‘पंतप्रधान खरीप पीक विमा २०२१...
नियमित कर्जदार शेतकऱ्यांना  मिळणार...गोंदिया : राज्य सरकारने नियमित कर्ज परतफेड...
सातारा : पाच हजार हेक्टर क्षेत्र ...सातारा : जिल्ह्यात मागील आठवड्यात झालेल्या...
सांगलीतील पूर ओसरू लागला  सांगली : कृष्णा नदीला आलेल्या महापुराचा सांगली...
सिंधुदुर्गमध्ये नुकसानीचे पंचनामे सुरू सिंधुदुर्गनगरी : जिल्ह्यात अतिवृष्टीने झालेल्या...
पुराचा वारंवार फटका बसणाऱ्या घरांच्या...सांगली : ज्या भागातील घरांना आणि रहिवाशांना...