agriculture news in marathi, Stromy rain causes crop loss | Page 2 ||| Agrowon

वादळी पावसाने धुळ्याला एक कोटींचा तडाखा

सकाळ वृत्तसेवा
मंगळवार, 5 जून 2018

धुळे - शहरासह जिल्ह्याला शनिवारी पावसाने झोडपून काढले. पावसाच्या दमदार आगमनावेळी प्रचंड वादळी वाऱ्यामुळे सुमारे एक कोटी रुपयांचे नुकसान झाल्याचे अनुमान महसूल यंत्रणेसह वीज अधिकाऱ्यांनी व्यक्त केले. सर्वाधिक 50 लाखांहून अधिक नुकसान वीज कंपनीला सहन करावे लागले. अनेक गावांचा वीजपुरवठा अद्यापही खंडित असल्याने ग्रामस्थांमध्ये तीव्र रोष व्यक्त होत आहे. 

धुळे - शहरासह जिल्ह्याला शनिवारी पावसाने झोडपून काढले. पावसाच्या दमदार आगमनावेळी प्रचंड वादळी वाऱ्यामुळे सुमारे एक कोटी रुपयांचे नुकसान झाल्याचे अनुमान महसूल यंत्रणेसह वीज अधिकाऱ्यांनी व्यक्त केले. सर्वाधिक 50 लाखांहून अधिक नुकसान वीज कंपनीला सहन करावे लागले. अनेक गावांचा वीजपुरवठा अद्यापही खंडित असल्याने ग्रामस्थांमध्ये तीव्र रोष व्यक्त होत आहे. 

शहरासह जिल्ह्यात ठिकठिकाणी शनिवारी (ता. 2) सायंकाळी सातनंतर थरकाप उडविणारा विजांचा कडकडाट आणि वादळी वाऱ्यासह पावसाने कहर केला. त्याने धुळे तालुक्‍यातील पूर्व आणि उत्तरेकडील भागाला सर्वाधिक तडाखा दिला. शहरालाही मोठी झळ सोसावी लागली. पाठोपाठ शिरपूर, शिंदखेडा तालुक्‍यांत नुकसान झाले. 

विविध प्रकारचे नुकसान
वृक्ष उन्मळून पडणे, पत्रे उडणे, घरांची पडझड होणे, विजेचे खांब पडणे, तारा तुटणे, जाहिरातीचे फलक वाकणे, शेतीत पाणी साचणे, बांध फुटणे, फळबागांना क्षती यासह विविध प्रकारचे नुकसान जिल्ह्याला सोसावे लागले. यात वरखेडी (ता. धुळे) शिवारात पावरा कुटुंबातील चौघांचा मृत्यू झाल्याची चटका लावणारी घटना घडली. 

युद्धपातळीवर कामे सुरू 
रविवारी पहाटे पावसाने विश्रांती घेतल्यावर सरकारी यंत्रणा कामाला जुंपली. वरखेडीतील चौघांचा मृत्यू आणि या भागात सर्वाधिक नुकसान झाल्याचे समोर आल्यावर पंचनाम्यास सुरवात झाली. यासह शहर, जिल्ह्यात ठिकठिकाणी झालेल्या नुकसानग्रस्त भागाचे पंचनामे महसूल यंत्रणेने सुरू केले. यंत्रणेच्या माहितीनुसार धुळे तालुक्‍यात 23 घरांची अंशतः पडझड, पत्रे उडून जाणे, आठ जनावरांचा मृत्यू झाल्याचे समोर आले.   

वीज कंपनीला झोप नाही 
सर्वाधिक नुकसानीची झळ वीज कंपनीला सोसावी लागली. ठिकठिकाणी मिळून किमान तीनशेहून अधिक विजेचे खांब आडवे झाले आहेत. मोठ्या प्रमाणावर ताराही तुटल्या आहेत. परिणामी, अनेक गावांत शनिवारपासून खंडित झालेला वीजपुरवठा अद्याप सुरू झालेला नाही. या स्थितीमुळे वीज कंपनीची झोप उडाली आहे. यंत्रणा वीजपुरवठा पूर्ववत होण्यासाठी अहोरात्र कामात जुंपली आहे.


इतर ताज्या घडामोडी
दूधदरवाढीसाठी ‘स्वाभिमानी’चे परभणीत...परभणी ः मराठवाड्यात शासकीय दूध योजनेअंतर्गंत...
सोलापुरात कांद्यासह सर्व व्यवहार ठप्पसोलापूर : केंद्र सरकारने आणलेल्या सीएए आणि एनआरसी...
चार प्रकल्पातून मराठवाड्यात पावणेतीन...औरंगाबाद : औरंगाबाद, जालना, परभणी, बीड,...
‘विठ्ठल’च्या कारभाराची स्वतंत्र चौकशी...पंढरपूर, जि. सोलापूर : विठ्ठल साखर कारखान्याच्या...
परभणीत फ्लॉवर ६०० ते १००० रुपये...परभणी : येथील पाथरी रस्त्यावरील फळे भाजीपाला...
आव्हानाला सामोरे जाण्यासाठी शेतकरी...हवामान बदलाच्या समस्येला सामोरे जाण्यासाठी शेतकरी...
खानदेशात कमाल तापमानात ९ अश सेल्सिअसने...जळगाव  : भर दुपारीही अंगात हुडहुडी भरविणारी...
फ्लॉवर रोपांना कंदच आले नाही;...नाशिक : ‘‘नाशिक शहराजवळील विविध गावांमध्ये...
'जलयुक्त शिवार' सामूहिक चळवळीतून...जळगाव : ‘महाराष्ट्र शासनाने सुरू केलेली...
वाशीममध्ये मूग, उडीद नुकसानग्रस्तांना...वाशीम  ः जिल्ह्यात या खरीप हंगामात नुकसान...
औरंगाबाद, जालना जिल्ह्यांत केंद्रांवरील...औरंगाबाद : बाजारात हमी दरापेक्षा कमी दराने तुरीची...
ग्रामीण भागात आरोग्यसेवा द्या : भगतसिंह...नाशिक : महाराष्ट्र आरोग्य विज्ञान...
रत्नागिरी दूध संघाकडून १ कोटी २० लाख...रत्नागिरी : जिल्ह्यातील दूध उत्पादक शेतकऱ्यांसाठी...
नांदेड, परभणी जिल्ह्यांतील चाळीस...नांदेड : महात्मा जोतिराव फुले शेतकरी कर्जमुक्ती...
सांगली, कोल्हापूरसाठी विशेष पॅकेज : डॉ...सांगली : ‘‘महापूराने सांगली, कोल्हापूर जिल्ह्याचे...
वीज दरवाढीबाबत चार फेब्रुवारीला हरकती...मसूर, जि. सातारा ः महावितरणचा २०.४ टक्के वीज...
नियमित कर्ज फेडणाऱ्या शेतकऱ्यांचीही...मेढा, जि. सातारा : नियमित कर्जफेड करणाऱ्या...
कुलगुरू डॉ. विलास भाले यांना हरितरत्न...अकोला  ः नवी दिल्ली येथील अखिल भारतीय कृषी...
अकोले तालुका गैरव्यवहार प्रकरणी तीन...नगर ः अकोले तालुक्‍यातील पाच ग्रामपंचायती व...
मोहोळ येथे शेतकऱ्यांनी बॅंक...मोहोळ, जि. सोलापूर : अतिवृष्टीमुळे मोहोळ तालुक्‍...