पूर्व विदर्भात दमदार पाऊस

पूर्व विदर्भात दमदार पाऊस
पूर्व विदर्भात दमदार पाऊस

नागपूर : पश्चिम आणि दक्षिणेकडून मॉन्सून येणे अपेक्षित असताना पूर्वहंगामी मोसमी वारे तयार होऊन काही ठिकाणी पाऊस पडल्याचे हवामान विभाग सांगत आहे. त्यामुळे जमिनीत पुरेसा ओलावा तयार होत ५० मि.मी.पेक्षा अधिक पाऊस होईपर्यंत पेरणी न करण्याचा सल्ला डॉ. पंजाबराव देशमुख कृषी विद्यापीठाच्या तज्ज्ञांनी दिला. 

पूर्व विदर्भातील चंद्रपूर, गडचिरोली, भंडारा, गोंदिया तसेच नागपूर, यवतमाळ, अमरावती जिल्ह्यांच्या काही भागांत दमदार, तर काही भागात तुरळक पावसाने हजेरी लावली. हा पाऊस ३० ते ३५ मि.मी. आहे. त्यामुळे इतक्‍या कमी पाण्यावर पेरणीची कामे आटोपण्याचा विचार शेतकरी करीत आहे. परंतु पुढे पावसाने खंड दिल्यास उगवण झालेले बियाणे वाढणार नाही. त्यामुळे शेतकऱ्यांनी पेरणीची घाई न करण्याचा सल्ला डॉ. पंजाबराव देशमुख कृषी विद्यापीठाचे कृषी विद्यावेत्ता डॉ. विनोद खडसे यांनी दिला.

हवामान विभागासह विविध पर्यावरणतज्ज्ञांनी  २० ते २५ जून या कालावधीत पावसाची शक्‍यता वर्तविली आहे. पूर्व विदर्भातील काही जिल्ह्यांमध्ये पाऊस झाला. परंतु तो पेरणीयोग्य नसल्याचे सांगितले जाते. शेतकऱ्यांना मात्र यापुढील काळात पेरणीयोग्य दमदार पाऊस होण्याची अपेक्षा आहे. 

तुरळक तर काही भागांत दमदार पाऊस होत असला, तरी तो काही काळ बरसतो आणि त्यानंतर पुन्हा उघडीप देतो. त्यातून जमिनीचे तापमानही अद्याप कमी होऊ शकले नाही. यवतमाळ, अमरावती, वर्धा जिल्ह्यात पाण्याची सोय असलेल्या शेतकऱ्यांनी धूळपेरणी केली. त्याकरिता हा पाऊस पोषक ठरला आहे. धानपट्ट्यातील रोवण्या मात्र पुरेशा पावसाअभावी खोळंबल्याचे सांगण्यात आले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com