नाशिक येथे अनुदानित सोयाबीन बियाणेवाटपाचे कामकाज सुरू

नाशिक येथे अनुदानित सोयाबीन बियाणेवाटपाचे कामकाज सुरू
नाशिक येथे अनुदानित सोयाबीन बियाणेवाटपाचे कामकाज सुरू

नाशिक : चालू खरीप हंगामात ग्रामीण बीजोत्पादन कार्यक्रमांतर्गत सोयाबीन पिकाचे प्रमाणित बियाणे अनुदानावर वाटपाचा कार्यक्रम सुरू आहे. महाराष्ट्र राज्य बियाणे महामंडळाकडून या बियाण्यांचे लाभार्थींना वाटप होणार आहे. त्यासाठी ‘महाबीज’ने वितरकांना वाटपासाठी बियाणे दिले आहे, तर लाभार्थी निवड करून परमिट देण्याची जबाबदारी कृषी विभागाकडे सोपविण्यात आली आहे.

‘महाबीज’ने अनुदानित बियाणे जिल्ह्यातील महाबीज बियाणे वितरकांकडे ठेवले आहे, मात्र काही ठिकाणी परमिटची मागणी करत असताना त्यांना ते मिळत नसल्याचा आरोप शेतकरी करत आहेत. कृषी विभागाने सोयाबीन बियाणे वाटपात अनुसूचित जाती ३९ % अनुसूचित जमातीच्या शेतकऱ्यांना ११ टक्के तर सर्वसाधारण प्रवर्गातील ५० टक्के लाभार्थी निवड करून बियाणे वाटप करण्याबाबत परमिट वाटपाचे काम सुरू झाले आहे. मात्र हे काम होत असताना निश्चित केलेल्या टक्केवारीवरून तसेच मागणी करत असलेल्या शेतकऱ्यांना परमिट मिळत नसल्याने गोंधळ निर्माण झाला आहे.

२०१९-२० या वर्षात राष्ट्रीय कृषी विस्तार व तंत्रज्ञान अभियानांतर्गत बियाणे व लागवड साहित्य वाटप उपअभियानांतर्गत खरीप हंगाम ग्रामीण बीजोत्पादन कार्यक्रमाच्या माध्यमातून सोयाबीन पिकाचे प्रमाणित दर्जाचे बियाणे अनुदानित तत्त्वावर वाटप करण्याचे काम जिल्ह्यात सुरू आहे. त्यानुसार निवडलेल्या सोयाबीन उत्पादन घेणाऱ्या तालुक्यात बियाणे वाटपाचा लक्ष्यांक निश्चित करण्यात आला आहे. त्यानुसार तालुका पातळीवर परमिट देण्यात येत आहेत.

ग्राम बीजोत्पादन कार्यक्रमांतर्गत खरीप २०१९ या हंगामासाठी अनुदानावर सोयाबीन जे एस. ३३५ चे वाटप महाबीज विक्रेत्यामार्फत सुरू करण्यात आले आहे. प्रत्येक शेतकऱ्याला १ एकरप्रमाणे ३० किलो बियाणे बॅग देण्यात येणार आहे.  तिची मूळ किंमत १६८० रुपये असून, त्यावर ३०० रुपये अनुदान देण्यात आले आहे. ती १३८० रुपयांना विक्री होणार आहे.

तालुका बियाणे (क्विंटल)
नाशिक २००
निफाड ३००
सिन्नर २००
चांदवड २००
येवला २००
दिंडोरी २००
कळवण २००

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com