agriculture news in marathi, For the subsidy of Bond ali, the 'Swabhimani' stop at tahsil | Agrowon

बोंड अळीच्या अनुदानासाठी ‘स्वाभिमानी’चा तहसीलमध्ये ठिय्या
टीम अॅग्रोवन
बुधवार, 15 ऑगस्ट 2018

बुलडाणा : चिखली तालुक्यातील कापूस उत्पादक शेतकऱ्यांना बोंड अळीचे प्रलंबित असलेले ८२ गावांसाठीचे १ कोटी ६ हजार रुपयांचे अनुदान तातडीने शेतकऱ्यांच्या खात्यात जमा करावे, या मागणीसाठी सोमवारी (ता.१३) स्वाभिमानी शेतकरी संघटनेच्या पदाधिकाऱ्यांनी चिखली तहसील कार्यालयात ठिय्या आंदोलन केले.

बुलडाणा : चिखली तालुक्यातील कापूस उत्पादक शेतकऱ्यांना बोंड अळीचे प्रलंबित असलेले ८२ गावांसाठीचे १ कोटी ६ हजार रुपयांचे अनुदान तातडीने शेतकऱ्यांच्या खात्यात जमा करावे, या मागणीसाठी सोमवारी (ता.१३) स्वाभिमानी शेतकरी संघटनेच्या पदाधिकाऱ्यांनी चिखली तहसील कार्यालयात ठिय्या आंदोलन केले.

पैसे शेतकऱ्यांच्या खात्यात जमा होत नाहीत, तोपर्यंत आंदोलन मागे घेणार नाही, अशी आक्रमक भूमिका घेतल्याने तहसील कार्यालयात एकच खळबळ उडाली. तहसीलदारांनी चार दिवसांत हे अनुदान देण्याचे अाश्वासन दिल्यानंतर अांदोलन मागे घेण्यात अाले. 
चिखली तालुक्यात सुद्धा बोंड अळीचा प्रादुर्भाव झाल्याने शेतकरी आर्थिक अडचणीत सापडला होता. अनेक शेतकऱ्यांनी कपाशी उपटून फेकली होती.

दरम्यान, शासनाने बोंड अळीने बाधित झालेल्या शेतकऱ्यांना नुकसान भरपाई जाहीर केली होती. त्यानुसार, पहिल्या टप्प्यात चिखली तालुक्यातील २५ गावांतील अनुदानास पात्र शेतकऱ्यांना ६६ लाख रुपयांचे अनुदान आले होते. हे अनुदान शेतकऱ्यांच्या खात्यात जमा करण्यात आले. मात्र उर्वरीत अनुदान अद्यापही शेतकऱ्यांना मिळालेले नाही. ते मिळावे म्हणून हे आंदोलन करण्यात आले.

आंदोलक आक्रमक झाल्याने प्रशासनाने पोलिसांना पाचारण केले. मात्र, लेखी आश्वासनानंतर आंदोलन मागे घेण्यात आले. संघटनेचे नितीन राजपूत, मयूरबोर्डे, उपजिल्हाध्यक्ष अनिल वाकोडे, राम अंभोरे, सुधाकर तायडे, संतोष शेळके, शे. मुक्त्यार, भागवत म्हस्के, प्रवीण झगरे, डॉ. जंजाळ, शोभा सुरडकर, बेबी हिवाळे, प्रशांत जयवार, मदन काळे, बाळू ठेंग यांच्यासह शेतकरी, संघटनेचे पदाधिकारी, कार्यकर्ते उपस्थित होते.
संघटनेचे प्रदेशाध्यक्ष रविकांत तुपकर यांनी तहसीलदार मनीष गायकवाड यांच्याशी अनुदानाबाबत चर्चा केली. गायकवाड यांनी चार दिवसांत अनुदान वाटप करण्याचे आश्वासन दिले.

 
 

इतर बातम्या
माजी केंद्रीय अर्थमंत्री अरूण जेटली...नवी दिल्ली : भारतीय जनता पक्षाचे ज्येष्ठ नेते आणि...
नाशिक जिल्ह्यात लाल कांद्याच्या...नाशिक : चालू वर्षी पावसाचे आगमन उशिरा झाल्यानंतर...
पाच जिल्ह्यांत पुन्हा पावसाच्या सरीऔरंगाबाद : पावसाचे प्रमाण घटले असले तरी सलग...
झाडांच्या गोलाईच्या आकारानुसार...पुणे: दुष्काळावर मात करण्यासाठी शेतातील आणि...
ग्रामपंचायत संगणक परिचालकांच्या...नाशिक : महाराष्ट्र शासनाच्या ग्रामविकास व माहिती...
'ग्रामविकासाच्या नियोजनात...अकोला ः  ग्राम विकासाचे नियोजन करताना...
अमरावती विभागात २८ गावांना ३० टँकरने...अकोला ः पावसाळ्यातील तीन महिन्यांचा कालावधी आता...
धुळे जिल्ह्यात किसान सन्मान योजनेत दोन...धुळे : जिल्ह्यात प्रधानमंत्री किसान सन्मान निधी...
अमेरिकन लष्करी अळीमुळे मक्याची चाळणऔरंगाबाद : अमेरिकन लष्करी अळीकडून मका पिकाला...
पुरामुळे संगमेश्वर तालुक्यातील...रत्नागिरी  ः मुसळधार पावसामुळे संगमेश्‍वर...
अधिक नफ्यासाठी शेतकरी गटांनी कापूस...अमरावती : कापूस विक्रीऐवजी गाठी तयार करून...
सांगली जिल्ह्यात महापुरामुळे ६६ हजार...सांगली : जिल्ह्यात अतिवृष्टी आणि महापुरामुळे...
पुणे जिल्ह्यातील पाच तालुक्यांत...पुणे  : जिल्ह्याच्या पश्चिम भागात दमदार पाऊस...
महाबीजच्या ‘गुणवत्ता नियंत्रण’ला  राज्य...अकोला ः शिवणी येथील महाराष्ट्र राज्य बियाणे...
नांदेड जिल्ह्यात ‘शेतकरी मानधन’ची विशेष...नांदेड :‘‘जिल्ह्यातील अल्प आणि अत्यल्प भू- धारक...
तीन वर्षांपासून ‘जलयुक्त’चे पुरस्कार...नगर  ः दुष्काळमुक्तीसाठी शासनाने राबविलेल्या...
पूरबाधितांचे पुनर्वसन करण्यास कटिबद्ध :...सोलापूर : ‘‘दक्षिण सोलापूर तालुक्‍यातील काही...
सातारा जिल्ह्यातील १३४ पाणीपुरवठा...कऱ्हाड, जि. सातारा ः महापुराने कृष्णा-कोयना या...
राज्य बँक घोटाळाप्रकरणी दोषींवर कारवाई...जळगाव  ः महाराष्ट्र राज्य सहकारी बँक...
आमदार फोडण्याच्या नादात चंद्रकांतदादा...इस्लामपूर, जि. सांगली ः राज्यातील आमदार...