अवघी अडीच एकर शेती. मात्र बाजारपेठ लक्षात घेऊन टोमॅटो, ढोबळी मिरची उत्पादनात हातखंडा मिळविला. शेतीला पोल्ट्री, दुग्धव्यवसायाची जोड देत शाश्वत उत्पन्नाची हमी मिळवण्यामध्ये रानमसले (जि.सोलापूर) येथील सुधाकर दादाराव सिरसट यशस्वी झाले आहेत. सोलापूर-बार्शी महामार्गावरील वडाळा गावापासून ५ किलोमीटरवर उत्तर सोलापूर तालुक्यात रानमसले हे गाव आहे. हे गाव कांदा आणि भाजीपाला पिकासाठी पूर्वीपासूनच प्रसिद्ध आहे. साहजिकच अनेक प्रयोगशील शेतकरी या गावामध्ये आहेत. त्यापैकीच एक सुधाकर सिरसट. सुधाकर यांची घरची परिaस्थिती तशी बेताचीच. वडील दादाराव दुसऱ्यांच्या शेतात मजुरी करत. सुधाकर यांनीही १९९६ मध्ये बारावीचे शिक्षण झाल्यानंतर वडिलांप्रमाणे मजुरी सुरू केली. लहानपणापासून त्यांना शेतीची आवड होती. पण घरची शेती नसल्याने मजुरीशिवाय पर्याय नव्हता. शेतीच्या आवडीने त्यांनी मजुरी करत १९९८ मध्ये यशवंतराव चव्हाण महाराष्ट्र मुक्त विद्यापिठातून उद्यानविद्या पदविका घेतली. स्वतःची शेती घेण्याची त्यांची फार इच्छा होती. परंतु कौटुंबिक परिस्थितीत एवढे आर्थिक धाडस शक्य नव्हते. त्यामुळे मजुरी करणे एवढाच पर्याय त्यांच्यासमोर होता आणि तेच ते करत राहिले. शेतीचं स्वप्न झालं साकार सुधाकर हे कष्टाची तयारी असणारे व्यक्तिमत्त्व. उद्यानविद्या पदविकेनंतर त्यांनी शेळी-मेंढीपालन उद्योगाचे प्रशिक्षण घेतले. पण त्यातून काहीच साध्य झाले नाही. शेवटी बँकेच्या साह्याने कर्ज घेऊन गावात सायकल दुकान आणि नंतर किराणा दुकान सुरू केले. नऊ वर्षे अशीच गेली. त्यातून चांगले पैसे मिळाले. उद्योगामध्ये चांगली पत निर्माण झाली. पत आणि पैशातून त्यांनी शेतीचे स्वप्न अखेर साकारले. २००४ च्या सुमारास गावालगतच अडीच एकर शेती त्यांनी विकत घेतली. या शेतात पाण्याची काहीच व्यवस्था नव्हती. पण शेती घेतली, हा आनंद त्यांच्यासाठी मोठा होता. २००८ मध्ये शेतात कूपनलिका घेतली. नंतर शासनाच्या रोजगार हमी योजनेतून विहीर मिळाली, पाण्याची चांगली सोय झाली. सुधाकर यांनी कलिंगड, खरबूज, कांदा आणि भाजीपाला लागवड सुरू केली. या पिकात काही वेळा नुकसान झाले,तर काही वेळा फायदादेखील झाला. शेतीचा उत्साह त्यांनी काही केल्या कमी होऊ दिला नाही. शेती आणि पूरक व्यवसायाच्या दैनंदिन नियोजनामध्ये पत्नी सौ. सत्यशिला, आई प्रयागबाई, मुलगी गायत्री आणि मुलगा प्रसाद यांची चांगली मदत झाल्याने शेती व्यवस्थापनात फारसे मजूर त्यांना लागत नाहीत. ढोबळी मिरची, टोमॅटोत हातखंडा गेल्या दहा वर्षांपासून सुधाकर सिरसट शेतीमध्ये स्थिरस्थावर झाले. बाजारपेठेचा अंदाज घेत गेल्या सहा वर्षापासून ते एक एकरावर ढोबळी मिरची लागवड करत आहेत. सातत्यपूर्ण एकच पीक निवडल्याने त्यात त्यांचा हातखंडा झाला आहे. गाव परिसरातील ढोबळी मिरचीतील प्रगतिशील शेतकरी अशी त्यांची ओळख झाली आहे. दरवर्षी एकरी सरासरी ३० टनाचे उत्पादन घेतात. एकरी दीड लाखांपर्यंत मिरची व्यवस्थापनाचा खर्च येतो. ढोबळी मिरचीचे नियोजन
टोमॅटो नियोजन
ॲग्रोवन मार्गदर्शक...
शाश्वत उत्पन्नासाठी पशुपालन
कोंबडीपालनाची जोड
संपर्क- सुधाकर सिरसट, ९७६३८७०५४७
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.