बाजारपेठेचा अभ्यास आणि योग्य नियोजन केल्यास सीताफळ बागेतून दर्जेदार उत्पादन मिळविता येते, हे परिंचे (ता.पुरंदर,जि.पुणे) येथील हनुमंत दत्तात्रय सोळसकर यांनी दाखवून दिले आहे. वडिलोपार्जित शेतीमध्ये त्यांच्याकडे सीताफळ बाग आहे. गुणवत्तापूर्ण उत्पादन घेत चांगला दर मिळविण्याचा त्यांचा प्रयत्न असतो. पुणे शहरापासून ५० किलोमीटर अंतरावर परिंचे हे साधारणपणे चार हजार लोकसंख्या असलेले गाव. पूर्वी या गावशिवारात मोसंबी लागवड मोठ्या प्रमाणात होती. गेल्या काही वर्षांत पाण्याच्या उपलब्धतेमुळे शेती बागायती होऊ लागली आहे. गावाजवळील पिलाणवाडी तलावाचा फायदा शेतीला झाला आहे. गावातील एकूण क्षेत्रापैकी सुमारे ५० एकरावर सीताफळ लागवड आहे. गावशिवारात पावसाचे प्रमाण कमी अधिक असल्याने दरवर्षी शेतीसाठी पाण्याचा प्रश्न तयार होतो. पावसाळ्यात बहुतांश शेतकरी भाजीपाला, कांदा लागवड करतात. काही शेतकऱ्यांनी फळबागेचे नियोजन केले आहे. बागायती भागात ऊस,केळी लागवड आहे. पावसाळ्यात पाण्याची उपलब्धता होत असली तरी उन्हाळ्यात काही भागात पाणी टंचाईचा सामना करावा लागतो. त्यावर मात करण्यासाठी शेतकऱ्यांनी एकत्रित येत फळबागांना सूक्ष्म सिंचनाचा अवलंब केला आहे. गावातील ८० टक्के फळबागांना ठिबक सिंचन केलेले आहे. त्यामुळे पाण्याची बचत होऊन कमी पाण्यात फळबागांचे चांगले उत्पादन मिळते. परिंचे गावातील प्रयोगशील शेतकरी हनुमंत दत्तात्रय सोळसकर यांच्याकडे एकूण १५ एकर वडिलोपार्जित शेती आहे. लहानपणापासूनच त्यांना शेतीची आवड आहे. आता शेती नियोजनात त्यांना प्रसाद आणि प्रदुम्न या दोन मुलांची चांगली मदत होते. पाणी पुरवठ्यासाठी दोन विहिरी आणि एक कूपनलिका आहे. बागेचे व्यवस्थापन
गुणवत्तापूर्ण उत्पादन
पिलाणवाडी तलावाचा फायदा पिलाणवाडी येथे शासनाने १९७२ साली तलाव बांधला. तलावामुळे गावशिवारात पाण्याची उपलब्धता झालेली आहे. गावातील विहिरींचा पाणी साठा वाढला आहे. त्यामुळे फळबागा आणि रब्बी हंगामातील लागवडीला शाश्वत पाणी उपलब्ध होते. शेतीचे नियोजन
संपर्क ः हनुमंत सोळसकर, ९५२७६७२१९०
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.