शेतकरी ः रवी राजपूत पाल, ता. फुलंब्री, जि. औरंगाबाद
पाल (जि. औरंगाबाद) येथील रवी राजपूत यांनी १ शेळीपासून शेळीपालनाला सुरुवात केली. त्यांच्या शेळीपालनाचा आता २५ शेळ्या, तीन बोकड आणि २७ करडांमध्ये विस्तार झाला आहे. एका शेळीपासून सुरवात करणाऱ्या रवी राजपूत यांच्याकडे आता २५ शेळ्यांचा फार्म तयार झाला. सहा- सात वर्षांच्या सातत्यपूर्ण नियोजनाचा हा परिपाक आहे. सुरवातीला शास्त्रीय माहितीसाठी ॲग्रोवनवर अवलंबून असलेल्या रवी राजपूत यांची दखल ॲग्रोवनने घेतली. त्यानंतर त्यांनी आपल्या फार्मचे नाव ‘ॲग्रोवन गोट फार्म’ असे ठेवले आहे. रवी राजपूत यांनी शेळीपालन व्यवसायाला २०११ मध्ये एका शेळीसह सुरवात केली. हळूहळू शेळ्यांच्या संख्येत वाढ करत गेले. वाढीच्या टप्प्यानूसार शेळ्यांचे आरोग्य, आजार याबरोबरच खाद्य व्यवस्थापनावर प्राधान्याने लक्ष दिले. शास्त्रीय पद्धती आणि नव्या साधनांची जोड दिली. आज त्यांच्याकडे २५ शेळ्या, २७ करडे आणि तीन बोकड आहेत. वाढ करण्याची संधी असली तरी चाऱ्याचा विचार करता त्यांनी आपला गोट फार्म २५ ते ३० उत्पादनक्षम शेळ्यांपुढे जाणार नाही, यावर कटाक्ष ठेवला आहे. त्यांच्या फार्ममध्ये सिरोही, सोजत, कोटा, बीटल, आफ्रीकन बोअर, उस्मानाबादी आदी प्रकारच्या शेळ्या आहेत. पुनरुत्पादनासाठी कोटा, सोजत, आफ्रीकन बोअर जातीचे बोकडही सांभाळले आहेत. दरवर्षी साधारणत: ५० नगांची विक्री ते करतात. त्यामधून दरांच्या चढ उताराप्रमाणे अडीच ते तीन लाखांचे उत्पन्न त्यांना मिळते. अत्यल्पभूधारक शेती असलेल्या राजपूत यांचा आता शेळीपालन हाच मुख्य व्यवसाय बनला आहे. शेळ्यांचे व्यवस्थापन
रवी राजपूत, ९४२३४५३९०८, ९०२१५३४३६१
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.