शेतीची कितीही आवड असली तरी नोकरीत व्यस्त असताना अनेकवेळा त्यास पूर्ण न्याय देणे शक्य होत नाही. सोलापूर जिल्ह्यातील जेऊर (ता.अक्कलकोट) येथील विजयकुमार बरबडे अलिकडेच कृषी विभागातून सेवानिवृत्त झाले. आता पूर्णवेळ लक्ष देताना शास्त्रीय व तंत्रशुद्ध पद्धतीने शेती विकसित करण्यास सुरुवात केली आहे. नैसर्गिकरीत्या आंबा पिकवून त्याचा विजयराज फार्मफ्रेश ब्रॅण्ड नावारूपाला आणला आहे. व्यापारी, मॅाल, मार्केटवर भिस्त न ठेवता थेट ग्राहक पद्धतीने विक्रीही यशस्वी केली आहे. सोलापूर जिल्ह्यातील अक्कलकोट तालुक्यातील जेऊर येथे विजयकुमार बरबडे यांची वडिलोपार्जित १८ शेती आहे. एमएस्सी ॲग्री असलेले बरबडे यांनी ३३ वर्षे कृषी विभागात अधिकारी, ग्रामीण विकास यंत्रणेत उपसंचालक व ‘आत्मा’ मध्ये प्रकल्प संचालक अशा विविध पदांवर काम केले. विशेषतः विस्तार कार्यात मौलिक कामगिरी बजावली. शेतीची जोपासलेली आवड
नियोजनबद्ध शेती
फळांना आच्छादन सोलापूर भागात उन्हाची तीव्रता जानेवारी-फेब्रुवारीपासूनच जाणवण्यास सुरुवात होते. अशावेळी आंब्याला ‘सनबर्न’चा त्रास होतो. त्यावर उपाय म्हणून जुनी साडी किंवा वर्तमान पेपर आदी घटकांचे आच्छादन केले जाते. त्यामुळे डागरहित फळ मिळते व नुकसान टळते असा अनुभव आहे. पक्व आंब्यांची काढणी
थेट ग्राहक तयार केले गेल्या तीन वर्षांत एकरी सव्वा ते दीड टन व यंदा त्यापुढे उत्पादन मिळाले आहे. किलोला १२० रुपये, १५० रुपये ते कमाल २०० रुपयांपर्यंत दर त्यांना मिळाला आहे. आपण पिकवलेला आंबा स्वतःच विकण्यावर बरबडे यांनी भर दिला आहे. आपल्या मनमोकळ्या स्वभावामुळे त्यांनी अनेक मित्र, परिचित व व्यापारीही जोडले. दरवर्षी ते हुरडा पार्टी किंवा जेवणाचा आनंद घेण्यासाठी परिचितांना आवर्जून बोलावतात. त्याचा फायदा ग्राहक तयार करण्यासाठी झाला आहे. यंदा कोरोना लॉकडाऊनमध्ये त्यांनी सुमारे अडीच टन आंब्याची थेट विक्री केली. दर्जेदार गुणवत्तेचा आंबा विजयराज फार्मफ्रेश हा आंब्याचा ब्रॅण्ड तयार केला आहे. ग्रेडिंग, पॅकिंग करून ते बॅाक्सद्वारे विक्री करतात. आंब्याची गुणवत्ता अत्यंत चांगली, आकार एकसमान, सुमारे २५० ते ३०० ग्रॅम वजनाचे फळ व अत्यंत उत्कृष्ट स्वाद अशा वैशिष्ट्यांमुळे ग्राहकांकडून आंब्यास मोठी मागणी असते. अडीच किलो बॉक्समध्ये सुमारे १० ते १२ आंबे बसतात. ग्राहकांच्या मागणीनुसार पॅकिंग करण्यात येते. यंदा स्वतःच्या कारमधून त्यांनी घरोघरी बॉक्स वितरित केले. मुख्य म्हणजे लॉकडाऊन काळात जवळपास सर्व कामे बरबडे दांपत्यानेच केली. संपर्क- विजयकुमार बरबडे- ८२७५२०७७९७
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.