agriculture news in Marathi, success story of Poultry farming by Manai women self help group,valke,Dist Ratnagiri | Page 2 ||| Agrowon

कुक्कुटपालनातून मिळाली स्वयंपूर्णता
राजेश कळंबटे
रविवार, 15 सप्टेंबर 2019

परिसरातील बाजारपेठेची मागणी लक्षात घेऊन वळके (जि. रत्नागिरी) गावातील मानाई स्वयंसहाय्यता महिला गटाने कुक्कुटपालन व्यवसाय सुरू केला. एकत्रितपणे कोंबड्यांचे नियोजन आणि स्वतंत्रपणे विक्री अशा पद्धतीने हा समूह कार्यरत आहे. भातशेतीला महिला गटाने कुक्कुटपालनाची चांगली आर्थिक जोड दिली आहे. 

परिसरातील बाजारपेठेची मागणी लक्षात घेऊन वळके (जि. रत्नागिरी) गावातील मानाई स्वयंसहाय्यता महिला गटाने कुक्कुटपालन व्यवसाय सुरू केला. एकत्रितपणे कोंबड्यांचे नियोजन आणि स्वतंत्रपणे विक्री अशा पद्धतीने हा समूह कार्यरत आहे. भातशेतीला महिला गटाने कुक्कुटपालनाची चांगली आर्थिक जोड दिली आहे. 

मुंबई-गोवा महामार्गावरील मध्यवर्ती बाजारपेठ असलेल्या पालीपासून वळके हे गाव चार किलोमीटर अंतरावर आहे. येथील कुणबीवाडीतील महिलांनी एकत्र येऊन २००८ मध्ये मानाई स्वयंसहाय्यता महिला गटाची स्थापना केली. गटाने शासनाच्या अनुदान योजनेतून काजू प्रक्रिया करणारे यंत्रणा खरेदी केले. त्यासाठी एक लाख रुपये खर्च आला. हा गट वर्षाला एक टन काजू बी वर प्रक्रिया करत होता. यासाठी गटातर्फे गावपरिसरातील शेतकऱ्यांकडून काजू बी खरेदी केली जायची. त्यानंतर प्रक्रिया करून विक्रीचे गणित या महलांनी बसविले. त्यातून चांगला आर्थिक फायदा मिळत होता, परंतु प्रक्रिया उद्योगाचा व्याप मोठा होता. मधल्या टप्प्यात काजू प्रक्रिया यंत्रणा बंद पडल्यामुळे प्रक्रिया उद्योग थांबला. त्यामुळे २०१५ नंतर पुन्हा बचत गटातील महिलांपुढे रोजगाराचा प्रश्‍न तयार झाला. त्यावर मार्ग शोधण्यास गटातील सदस्यांनी सुरवात केली.

कुक्कुटपालनाला सुरवात 
शासनाच्या उमेद अभियानांतर्गत बचत गट चळवळीला चालना देण्यासाठी रत्नागिरी तालुक्यात मार्गदर्शन शिबिरांचे विविध गावामध्ये आयोजन सुरू झाले होते. या गटातील सदस्या पूजा भुवड यांचा संपर्क उमेद अभियानाच्या तालुका समन्वयक अर्चना भंडारी यांच्याशी आला. त्यांनी कुक्कुटपालनाची माहिती दिली. त्यानुसार २०१६ मध्ये मानाई गटातील सदस्यांनी घरच्या घरी कुक्कुटपालन व्यवसाय करण्याचा निर्णय घेतला. यासाठी पाली येथील कुक्कुटपालन व्यावसायिक गौतम सावंत यांचे मार्गदर्शन मिळाले. सध्या मानाई स्वयंसहाय्यता महिला गटाच्या अध्यक्षा रजनी रेवाळे आहेत. या गटामध्ये राखी गावडे, पूजा भुवड, सुरेखा तांदळे, वैशाली भुवड, सुरेखा भुवड, वैशाली ताम्हणकर, शोभा गावडे, श्वेता घुम्हे, रेश्मा गावडे, माधुरी सावंत यांचा समावेश आहे.

कुक्कुटपालनाबाबत गटातील सदस्या आणि उमेद अभियानाच्या समूह संसाधन व्यक्ती म्हणून कार्यरत असणाऱ्या पूजा भुवड म्हणाल्या की, पहिल्यांदा गटातील प्रत्येक महिलेने दहा पिल्ले खरेदी करायचे नियोजन केले. त्यानुसार एकत्रितपणे ११० पिल्ले कोल्हापूरमधून विकत आणली. गटाला एक दिवसाचे एक पिल्लू २३ रुपयांना मिळाले. प्रशिक्षणातील माहितीनुसार महिलांनी पिल्लांचे व्यवस्थापन सुरू केले. यामध्ये पिल्लांना खाद्य, पाणी व्यवस्थापन, लसीकरणाची काळजी घेण्यात आली. साधारणपणे दोन ते अडीच महिन्यांत कोंबडी विक्री सुरू झाली. गावामध्येच बहुतांश कोंबड्यांची विक्री झाली. यातून अपेक्षित नफा महिलांना मिळू लागला. त्यामुळे गटातील महिलांनी पुन्हा प्रत्येकी ५० कोंबडी पिल्ले आणली. पुढे हा व्यवसाय चांगलाच वाढला. पंचायत समितीच्या १०० टक्के अनुदानाचा लाभ गटातील महिलांना मिळाला. यातून प्रत्येक महिलेला १०० पिल्ले मिळाली. सुरवातीला गटातील सहा महिलांनी आठ हजार रुपये गुंतवले. अनुदान जमा झाल्यावर या महिलांनी रक्कम वाटून घेतली. 

कोंबड्यांचे योग्य व्यवस्थापन  

  • कोकणातील हवामानाला पूरक आणि ग्राहकांना पसंत असलेल्या कावेरी, डीपी क्रॉस, वनराजा या सुधारित जातीच्या कोंबड्यांचे संगोपन गटाने सुरू केले. त्याचबराेबरीने काही प्रमाणात गावठी जातीच्या कोंबड्यांचे संगोपन केले जाते. 
  • पिल्ले आणताना शिमगा, आखाड, गौरी सण यांचा अंदाज घेतला जातो. त्यानुसार दोन ते तीन महिने आधी पिल्ले आणली जातात. जेणेकरून मागणीच्या काळात कोंबड्यांची चांगली विक्री होते. दरही चांगला मिळतो. कोल्हापूरमधून पिल्ले आणताना बॉक्सचा उपयोग केला जातो. एक दिवसाची पिल्ले असल्यामुळे काहीवेळा ५० पिलांमागे ३ ते ४ मृत होतात. हे नुकसान सहन करावे लागते. 
  • वेळापत्रकानुसार खाद्य व्यवस्थापन आणि लसीकरण केले जाते. गटातील प्रत्येक महिलेने कोंबडी व्यवस्थापन आणि लसीकरणाचे प्रशिक्षण घेतले आहे. 
  • योग्य गुणवत्तेचे खाद्य कोंबड्यांना दिले जाते. पहिल्या दिवसापासून ते विक्रीपर्यंत ५० कोंबड्यांच्या व्यवस्थापनासाठी प्रत्येक महिलेला मजुरी धरून पंधरा हजार रुपये खर्च येतो.

कुक्कुटपालनातून स्वयंरोजगार  
वळके-कुणबीवाडीतील बहुतांश कुटूंबांची भातशेती आहे. पुरुष मंडळी कामधंदा करून पैसे मिळवतात. त्याचबरोबरीने आता गेल्या अडीच वर्षांत महिलांनी गट स्थापनकरून कुक्कुटपालनातून आर्थिक स्वयंपूर्णता मिळविली आहे. दर महिन्याला खर्च वजा जाता प्रत्येक महिलेस किमान १५ ते २० हजार रुपये मिळतात. वर्षभरात कोंबड्यांच्या किमान पाच ते सहा बॅचेस होतात. गटातील एका महिला तर याच व्यवसायावर कुटूंब चालवते. येत्या काळात हा गट अंडी उबवणी यंत्र आणि खाद्य निर्मिती यंत्र खरेदी करणार आहे. यासाठी कोंबडी विक्रीतून रक्कम जमा करण्यात येत आहे. महिला गटाला जिल्हा परिषद मुख्य कार्यकारी अधिकारी आंचल गोयल यांनी भेट देऊन कुक्कुटपालनाची सविस्तर माहिती घेतली आहे. ‘हिरकणी महाराष्ट्राची’ या स्पर्धेत मानाई गटाचा रत्नागिरी तालुक्यात आठवा क्रमांक आला आहे. याचबरोबरीने गटातील सदस्यांनी ‘सरस’ प्रदर्शनात नाचणी लाडू, चटणी, राजगिरा लाडू यासारख्या पदार्थांची विक्रीदेखील केली आहे. 

थेट ग्राहकांना विक्री 
कोंबडी विक्रीसाठी गटाने मुंबई-गोवा महामार्गावर मध्यवर्ती असलेल्या पाली बाजारपेठेची निवड केली. दर बुधवारी पाली गावातील आठवडा बाजारात कोंबड्याची चांगली विक्री होते. उरलेल्या कोंबड्यांची विक्री गावामध्येच होते. वळके गावातील कुणबी वाडी, मराठ वाडी आणि आजूबाजूच्या परिसरात कोंबड्यांना चांगली मागणी आहे. दोन महिन्यांच्या कोंबडीला २५० ते ३०० रुपये तर, तीन महिन्यांच्या कोंबड्याला ४५० ते ५०० रुपये दर मिळतो. गावठी कोंबडीच्या अंड्याला बाजारात चांगली मागणी आहे. एक अंडे सरासरी १० रुपयांनी विकले जाते. मानाई गटातील महिलांनी अंड्यांसाठी गावठी कोंबड्या पाळल्या आहेत. प्रत्येक महिला दर महिन्याला २५ अंडी बाजारपेठेत विकते.

नाचणी लागवडीचा प्रयोग
गटातील महिलांनी यंदा प्रयोग म्हणून सेंद्रिय खतांचा वापर करून एक एकरावर नाचणी लागवड केली आहे. ही जमीन गावातील शेतकऱ्याकडून भाडेतत्त्वावर घेतली आहे. गांडूळखताबरोबर कोंबडी खताचा वापर महिलांनी केला आहे. संपुर्ण पीक व्यवस्थापन गटातर्फे करण्यात येत आहे. नाचणीची विक्री करून मिळणारे उत्पन्न गटामध्ये जमा करण्यात येणार आहे.

  - पूजा भुवड, ९४२११४३०१८

फोटो गॅलरी

इतर यशोगाथा
उत्पादन दीडपटीने वाढवणारी कंटूर...कालच्या भागात (ता.२ )आपण यवतमाळ येथील सुभाष शर्मा...
लोकसहभागातून दुष्काळी पिंपरी बनले आदर्श...पुणे-नगर सीमेलगत पारनेर तालुक्यात सुपे गावापासून...
माती, पाणी, पर्यावरण संवर्धनासह बहुविध...अनेक वर्षांपासून नैसर्गिक शेतीचे विविध प्रयोग...
सत्तावीस एकरांतील चंदनासह एकात्मिक...पिंपळनेर (ता. पारनेर, जि. नगर) येथील राजेंद्र...
नारळ, सुपारी, बांबू लागवडीतून शेती केली...कसाल (ता. कुडाळ, जि. सिंधुदुर्ग) येथील मधुकर...
बिगर हंगामी भाजीपाला पीकपद्धतीतून...लातूर जिल्ह्यात जांब (ता. अहमदपूर) येथील प्रभाकर...
कृषी महाविद्यालयाने उभारले २६ पीक...‘दुर्मीळतेकडून मुबलकतेकडे ही संकल्पना दुर्लक्षित...
शिक्षण, आरोग्य अन् पूरक उद्योगांसाठी...राशिवडे (ता. राधानगरी, जि. कोल्हापूर) येथील...
देशी कोंबडी, अंडी विक्रीतून मिळवले...सोलापूर जिल्ह्याच्या बार्शी तालुक्यातील तडवळे (...
मुगासाठी प्रसिध्द जळगावची बाजारपेठ,...जळगाव कृषी उत्पन्न बाजार समितीमध्ये दरवर्षी...
थेट अंडी विक्री व्यवस्थेतून विस्तारला...नाशिक येथील रश्‍मीन मधुकर माळी यांच्या कुटुंबांचे...
पाच भावांच्या एकीचे बळ मिळाले फायदेशीर...‘एकीचे बळ मिळते फळ’ ही म्हण तंतोतंत लागू पडते ती...
स्वच्छता, जल व्यवस्थापनात राज्यात आदर्श...नांदेड जिल्ह्यातील शेळगाव गौरी (ता. नायगाव)...
दूध गुणवत्तेसह प्रक्रिया, थेट विक्री,...अकोला शहरातील विजय दुबे यांनी सुमारे ६० दुभत्या...
पीकबदल, नियोजनातून शाश्‍वत शेतीची कासकेवळ शेती व्यवस्थापनासाठीच अधिकाधिक वेळ देणे,...
फेरपालटातून ऊस, केळी, आल्याची यशस्वी...सांगली जिल्ह्यातील आळसंद येथील युवा शेतकरी विनोद...
रंगबेरंगी फुलांसाठी विशेष प्रसिध्द...तमिळनाडू राज्य विविध फुलांसाठी विशेष प्रसिध्द आहे...
जमिनीच्या सुपीकता वाढीतून साधली चौफेर...शेती अधिक उत्पादनक्षम करण्यासाठी धामणा (जि....
बाजारपेठेनुसारच पीक लागवडीचे नियोजनआष्टा (ता. वाळवा, जि. सांगली) येथील सौ. मृदुला...
पापड उद्योगातून मिळाले शेतीला आर्थिक बळकहाटूळ (ता. शहादा, जि. नंदुरबार) येथील आशा व...