agriculture news in marathi, Sugar commissioner sanctioned RRC notice to factories not giving FRP | Agrowon

सत्तर कारखान्यांना बजावली 'आरआरसी'
टीम अॅग्रोवन
बुधवार, 22 मे 2019

साखर आयुक्तालयाचा सतत पाठपुरावा आणि साखर कारखान्यांच्या समन्वयाच्या भूमिकेतून राज्यातील शेतकऱ्यांच्या बॅंक खात्यांत एफआरपीपोटी आतापर्यंत १९ हजार ५०० कोटी रुपये जमा करण्यात यश आलेले आहे. देय एफआरपीच्या ८८ टक्के रक्कम शेतकऱ्यांना अदा झाली आहे. उर्वरित रक्कम मिळवून देण्यासाठी आमचा सतत पाठपुरावा सुरू आहे.
- शेखर गायकवाड, साखर आयुक्त

पुणे : राज्यातील १९५ साखर कारखान्यांकडून शेतकऱ्यांना एफआरपी मिळवून देण्यात साखर आयुक्तालयाने यंदा दणकेबाज पाठपुरावा केला आहे. आतापर्यंत १९ हजार ५०० कोटी रुपये शेतकऱ्यांच्या बॅंक खात्यांत जमा करण्यास भाग पाडले गेले असून, एफआरपी थकविणाऱ्या ७० कारखान्यांवर आरआरसी (महसुली वसुली प्रमाणपत्र)  कारवाई केली आहे.

“१९५ कारखान्यांनी यंदा ९५२ लाख टन उसाचे गाळप केले. राज्यात कुठेही ऊस शिल्लक राहिला नाही. गाळपाच्या शेवटच्या टप्प्यात ‘विघ्नहर’ कारखान्याने ६ मे रोजी बॉयलर बंद करून हंगामाचा शेवट केला आहे. एफआरपीपोटी यंदा शेतकऱ्यांना २२ हजार १७२ कोटी रुपये अदा करण्याची जबाबदारी कारखान्यांवर होती. त्यापैकी ८८ टक्के रक्कम शेतकऱ्यांच्या थेट खात्यांत वर्ग झाली आहे,” असे साखर आयुक्तालयाच्या सूत्रांनी स्पष्ट केले.

राज्यात ५१ कारखान्यांनी यंदा १०० टक्के एफआरपी अदा केली आहे. ८० ते ९९ टक्के एफआरपी देण्यात जवळपास ८५ कारखान्यांना यश आले. ६० ते ७९ टक्के एफआरपी दिलेल्या कारखान्यांची संख्या ३६ आहे. 

“एफआरपी वाटपातील घडामोडी बघता अजून १२ टक्के एफआरपी थकीत दिसते आहे. ही रक्कम अंदाजे दोन हजार ९४२ कोटी रुपयांच्या आसपास आहे. थकीत एफआरपी मिळवून देण्यासाठी आम्ही सर्व स्तरांवरून प्रयत्न करीत आहोत. त्यामुळे अजून किमान पाच टक्के रक्कम येत्या काही दिवसांत शेतकऱ्यांच्या खात्यांत वर्ग होण्याची शक्यता वाटते. त्यानंतर मात्र थकीत एफआरपी ५-७ टक्क्यांच्या आसपास राहील, असा अंदाज साखर आयुक्त शेखर गायकवाड यांनी व्यक्त केला.

दरम्यान, एफआरपी थकविणाऱ्या कारखान्यांना यंदा कारवाईच्या कक्षेत यंदा झपाट्याने आणले गेले आहे. त्यामुळे आरआरसी (महसुली वसुली प्रमाणपत्र) केलेल्या कारखान्यांची संख्या महिनाभरात ४५ वरून ७० वर आली आहे. 
आरआरसी कारवाईमुळे जिल्हाधिकाऱ्यांना साखर कारखान्याची मालमत्ता जप्त करून एफआरपी वसुलीचा अधिकार मिळतो. या माध्यमातून किमान दोन हजार कोटी रुपयांच्या आसपास रक्कम शेतकऱ्यांना मिळणे अपेक्षित आहे.
एफआरपी थकविणाऱ्या साखर कारखान्यांची एकूण संख्या १४४ आहे. त्यापैकी २३ कारखान्यांनी ६० टक्क्यांच्या वर एफआरपी थकविली आहे. “एफआरपी मिळवून देण्यासाठी याच २३ कारखान्यांकडे प्रशासनाला जास्त पाठपुरावा करावा लागेल,” असे साखर उद्योगातील सूत्रांचे म्हणणे आहे.

इतर अॅग्रो विशेष
पापड उद्योगातून मिळाले शेतीला आर्थिक बळकहाटूळ (ता. शहादा, जि. नंदुरबार) येथील आशा व...
बाजारपेठेनुसारच पीक लागवडीचे नियोजनआष्टा (ता. वाळवा, जि. सांगली) येथील सौ. मृदुला...
अमेरिकन लष्करी अळीची कपाशीवरही चाल ! (...नगर : अमेरिकन लष्करी अळीने (स्पोडोप्टेरा...
महाराष्ट्रात २१ ऑक्टोबरला मतदान, २४ ला...नवी दिल्ली : महाराष्ट्रासह हरियाना राज्य...
नावीन्यपूर्ण संकल्पना रुजवीत यशस्वी...लासलगाव (जि. नाशिक) येथील शंतनू नानासाहेब पाटील...
औरंगाबाद रेशीम उपसंचालक कार्यालयाला...औरंगाबाद : मराठवाड्याची राजधानी औरंगाबाद येथे...
कोकण कृषी विद्याठाकडून बांबूच्या २६...दाभोळ, जि. रत्नागिरी  : कोकणात व्यावसायिक...
नगर जिल्ह्यात तागावर स्पोडोप्टेरा अळीचा...नगर ः मक्यावर अमेरिकन लष्करी अळीने (स्पोडोप्टेरा...
पावसामुळे खानदेशात उडदाचे नुकसानजळगाव  ः सततच्या पावसामुळे खानदेशात उडदाचे...
नागपूर विभागात तीन गावे लष्करी अळीच्या...नागपूर ः राज्यभरात मक्‍यावरील अमेरिकन लष्करी...
राज्यात अनेक ठिकाणी हलक्या ते मध्यम सरीपुणे ः  कमी दाबाच्या क्षेत्रामुळे राज्यातील...
श्रमशक्तीच्या जागरातून घडवूया समृद्ध...कितीही प्रगती झाली तरी मानवी जीवन, निसर्ग आणि...
शेतकऱ्यांच्या ‘महारोषा’चे काय?मुख्यमंत्री देवेंद्र फडणवीस यांच्या नेतृत्वाखालील...
खानदेशात लष्करी अळीकडून ४० टक्के मका...जळगाव  ः खानदेशात मका पिकावर अमेरिकन लष्करी...
नाशिक जिल्ह्यात मका लष्करी अळीच्या...नाशिक  : जिल्ह्यात यंदा अमेरिकन लष्करी अळीचा...
शेतकऱ्यांसाठी 'इर्मा' लागू करण्याचा...पुणे : राज्यात शेतकऱ्यांसाठी इर्मा अर्थात ‘‘इनकम...
दसरा-दिवाळीपर्यंत अभूतपूर्व 'कांदाटंचाई'पुणे : राज्यातील बाजार समित्यांत दोन दिवसांत...
कोकण, मध्य महाराष्ट्रात जोरदार पावसाची...पुणे : कर्नाटक, गोवा, अरबी समुद्र, कोकण आणि...
ठिकठिकाणी पावसाची हजेरीपुणे ः कमी दाबाचे क्षेत्र सक्रिय झाल्याने...
पाच कीटकनाशकांवर अमरावती विभागात दोन...मुंबई : कीटकनाशकांच्या वापरामुळे शेतकरी व...