Agriculture news in marathi Of sugar factories Investigate debts | Page 2 ||| Agrowon

साखर कारखान्यांच्या कर्जांची चौकशी करा

टीम अॅग्रोवन
शनिवार, 19 जून 2021

नगर जिल्ह्यात साखर कारखान्यांना दिलेले कर्ज नियमानुसार आहे का? ज्या कारखान्यांना कोट्यवधी रुपयाचे कर्ज दिले, त्या कारखान्यांकडे तेवढी मालमत्ता, कर्ज फेडण्याची हमी आहे का? असा प्रश्न शेतकरी मराठा महासंघाचे प्रदेशाध्यक्ष संभाजी दहातोंडे यांनी उपस्थित केला आहे. 

नगर : शेतकऱ्यांना पीककर्ज द्यायचे झाल्यास अत्यंत बारकाईने कागदपत्रे तपासून कर्ज दिले जाते. शेतकऱ्यांना नियमानुसार कर्ज दिले जात असले तरी नगर जिल्ह्यात साखर कारखान्यांना दिलेले कर्ज नियमानुसार आहे का? ज्या कारखान्यांना कोट्यवधी रुपयाचे कर्ज दिले, त्या कारखान्यांकडे तेवढी मालमत्ता, कर्ज फेडण्याची हमी आहे का? असा प्रश्न शेतकरी मराठा महासंघाचे प्रदेशाध्यक्ष संभाजी दहातोंडे यांनी उपस्थित केला आहे. 

नगर जिल्हा बॅंकने गेल्या पाच वर्षांत साखर कारखान्यांना दिलेल्या कर्जाची विशेष पथकामार्फत चौकशी करून वस्तूस्थिती लोकांसमोर आणावी. कर्ज वाटपात नियमबाह्यता आढळल्यास तत्कालीन अध्यक्ष, उपाध्यक्ष व संचालक मंडळावर कारवाई करावी, अशी मागणी त्यांनी सहकारमंत्री बाळासाहेब पाटील यांच्याकडे निवेदन देऊन केली आहे. 

  दहातोंडे यांनी निवेदनात म्हटले आहे, ‘‘राज्यात नव्हे तर देशात सहकारात अहमदनगर जिल्हा मध्यवर्ती सहकारी बॅंकेचा नावलौकीक आहे. मात्र येथे काही राजकीय लोक कर्ज मिळवण्यासाठी राजकीय वजन  वापरत असल्याचे आमचे मत आहे. बॅंकेत बहुतांश साखर साखर कारखान्यांशी संबंधित नेते संचालक आहेत.

बॅँकेने गेल्या पाच वर्षांत नगर जिल्ह्यातील साखर कारखान्यांना कर्जवाटप केलेले आहे. त्यातील मोठ्या प्रमाणात कर्ज कारखान्यांकडे थकीत आहे. या कारखान्यांना कर्जवाटप करताना कारखान्यांकडे जेवढे कर्ज दिले, तेवढी मालमत्ता व अथवा कर्जफेड करण्याची हमी देणारी कोणती बाब आहे का? कर्ज देताना कोणते निकष लावले आहेत. बहुतांश कारखान्यांना नियमबाह्य कर्ज दिल्याचा संशय आहे. त्यामुळे कोणत्या साखर कारखान्यांना किती कर्ज दिलेले आहे? कर्ज देताना कोणते निकष लावले, कर्ज देण्यासाठी कोणी शिफारस केली? कारखान्याकडे तेवढी मालमत्ता आहे का? हे लोकांना कळावे.

त्या अनुषंगाने मागील पाच वर्षांत दिलेल्या कर्जाची चौकशी करावी आणि कर्ज वाटपात नियमबाह्यता आढळून आल्यास तत्कालीन अध्यक्ष, उपाध्यक्ष व संचालक मंडळावर कारवाई व्हावी, अशी मागणी दहातोंडे यांनी केली आहे. दखल घेतली नाही तर जिल्हा सहकारी बॅंकेच्या कार्यालयात शेतकरी मराठा महासंघाचे कार्यकर्ते आंदोलन करतील, असा इशाराही दिला आहे.


इतर ताज्या घडामोडी
खानदेशात कापसाची आठ लाख हेक्टरवर लागवडजळगाव ः  खानदेशात कापूस प्रमुख पीक आहे. यंदा...
भीमा-नीरा नदी काठांवरील गावांनी सतर्क...सोलापूर : ‘‘भीमा-नीरा खोऱ्यात होत असलेल्या...
मराठवाड्यात पाऊस कायम; जोर कमीऔरंगाबाद : मराठवाड्यात शनिवारी (ता. २३)...
नाशिक जिल्ह्यात खासगी पशुसेवकांचे काम...येवला : खासगी पशुसेवक ग्रामीण भागात मोठ्या...
मुगावर ‘लिफ क्रिंकल’ प्रादुर्भावअकोला : गेल्या हंगामात लिफ क्रिंकल विषाणूजन्य...
परभणी जिल्ह्यात मोठ्या, मध्यम...परभणी ः पाणलोट क्षेत्रात जोरदार पाऊस झाला....
लिंबूवर्गीय पिकातील आंबिया बहर फळगळ...सद्यःस्थितीत आंबिया बहराची फळे ही विकसनशील...
नीरा देवघर धरणक्षेत्रात सर्वाधिक २५५...पुणे : कमी दाबाच्या क्षेत्रामुळे पश्चिम पट्यात...
‘एफआरपी’ वाटपात राज्याची आघाडी : शेखर...पुणे ः साखर उद्योगाचा गाळप हंगाम यंदा आव्हानात्मक...
विमा लाभापासून शेतकऱ्यांना वंचित...नगर : नैसर्गिक आपत्ती, अन्य कारणाने नुकसान होऊनही...
साताऱ्यात पावसाचा जोर कमी झालासातारा : जिल्ह्यातील प्रमुख धरणांच्या पाणलोट...
केळी उत्पादकांना वादळ नुकसानभरपाईची...अकोला : जिल्ह्यात अकोट तालुक्यात १५ मे २०२० रोजी...
अतिवृष्टिग्रस्तांना अन्नधान्य,...नाशिक : आपत्तीग्रस्त आणि पूरग्रस्तांना मदत म्हणून...
हलक्‍या ते मध्यम स्वरूपाच्या पावसाचा...महाराष्ट्रावरील हवेच्या दाबात वाढ होत असून, उत्तर...
मराठवाड्यात पावसाचा जोर ओसरलाऔरंगाबाद : मराठवाड्यात गुरूवारच्या (ता.२२) तुलनेत...
औरंगाबाद जिल्ह्यात हमीभावातील ज्वारी,...औरंगाबाद : जिल्ह्यात आधारभूत दराने खरेदी केंद्र...
नांदेड जिल्ह्यात खरीप पिके पाण्याखालीनांदेड : जिल्ह्यात बुधवारनंतर गुरुवारी झालेल्या...
खानदेशात कांद्याच्या रोपवाटिका...जळगाव : खानदेशात कांदा रोपवाटिकांमध्ये रोपे...
अतिवृष्टीचा हिंगोलीतील ७१ गावांत दणकाहिंगोली ः जिल्ह्यात यंदाच्या पावसाळ्यात जुलै...
चिपळूणमधील दीड हजार जणांना पुरातून...रत्नागिरी : अतिवृष्टीचा तडाखा चिपळूण, खेड,...