agriculture news in Marathi sugar industry paid 92 percent FRP Maharashtra | Agrowon

साखर कारखान्यांकडून ९२ टक्के ‘एफआरपी’ अदा 

टीम अॅग्रोवन
शनिवार, 8 मे 2021

राज्यात एप्रिलअखेर एकूण रकमेच्या ९२ टक्के एफआरपी साखर कारखान्यांनी शेतकऱ्यांना दिली आहे. १९० पैकी १०२ साखर कारखान्यांनी १०० टक्के एफआरपी शेतकऱ्यांच्या खात्यावर वर्ग केली आहे.

कोल्हापूर : राज्यात एप्रिलअखेर एकूण रकमेच्या ९२ टक्के एफआरपी साखर कारखान्यांनी शेतकऱ्यांना दिली आहे. १९० पैकी १०२ साखर कारखान्यांनी १०० टक्के एफआरपी शेतकऱ्यांच्या खात्यावर वर्ग केली आहे. २२२९३ कोटी पैकी २०५९९ कोटी रुपये ऊस उत्पादकांना कारखान्यांनी दिले. अद्याप १६९३ कोटी रुपये शेतकऱ्यांना कारखान्यांना थकीत आहेत. 

राज्यातील साखर हंगाम गतीने अंतिम टप्यात येत आहे. ५ मेअखेरच्या अहवालानुसार राज्यात १००९ लाख टन उसाचे गाळप झाले आहे. १०.४९ च्या सरासरी उताऱ्याने १०५ लाख टन साखर उत्पादित झाली आहे. १९० पैकी १७५ कारखाने बंद झाले आहेत. अद्याप १५ साखर कारखाने सुरू आहेत. कोल्हापूर, सोलापूर, नांदेड, अमरावती, नागपूर आदी विभागांतील पूर्ण हंगाम संपुष्टात आला आहे. अद्याप पुणे विभागातील ३१ पैकी २८ कारखाने बंद झाले आहेत. नगर विभागातील २६ पैकी १९ कारखाने बंद झाले आहेत. 

औरंगाबाद जिल्ह्यातील २२ पैकी १७ कारखाने बंद झाले आहेत. अंतिम टप्यात मजुरांच्या अडचणीमुळे उर्वरित पुणे, नगर, औरंगाबाद विभागातील कारखान्यांची ऊस तोड धीम्या गतीने सुरू आहे. ३१ मेअखेर उर्वरित विभागातील गळीत हंगाम पूर्ण आटोपण्याची शक्यता साखर आयुक्तालयाच्या सूत्रांनी व्यक्त केली. 

ऑक्सिजन निर्मितीला गती 
ऊस हंगाम संपल्यानंतर कारखान्याचे व्यवस्थापन थोडे निवांत होते. पण यंदाच्या हंगामाचा शेवट जवळ आलेला असताना ऑक्सिजन प्रकल्प उभारण्यासाठी कारखान्यांनी प्रयत्न सुरू केले आहेत. यामुळे अनेक कारखान्यांच्या कार्यक्षेत्रावर ऑक्सिजन निर्मितीसाठी कामे सुरू करण्यात आली आहेत. राज्यातील सुमारे २५ कारखाने प्रकल्प उभारण्याच्या तयारीत आहेत. तर इतर कारखाने याबाबतची यंत्रसामग्री बाहेरून मागवून ऑक्सिजन तयार करण्याच्या प्रयत्नात व्यस्त आहेत. 

यंदाच्या हंगामातील स्थिती (३० एप्रिलअखेर) 
एकूण गाळप ः
९९७ लाख टन 
देय एफआरपी ः २२२९३ कोटी 
दिलेली रक्कम ः २०६१७ कोटी 
शिल्लक रक्कम ः १६९३ कोटी 
१०० टक्के एफआरपी दिलेले कारखाने ः १०२ 
८० ते ९९ टक्के एफआरपी दिलेले कारखाने ः ३९ 
६० ते ७९ टक्के एफआरपी दिलेले कारखाने ः ३० 
० ते ५९ टक्के एफआरपी दिलेले कारखाने ः १९ 
आरआरसी नोटीस दिलेले कारखाने ः १९ 


इतर अॅग्रो विशेष
तुरळक ठिकाणी मुसळधार शक्य पुणे : कोकणसह राज्यात तुरळक ठिकाणी जोरदार पाऊस...
हा तर मत्स्य दुष्काळाच! जगातील आघाडीच्या ‘ब्लू इकॉनॉमी’मध्ये भारताचा...
कोकण, मराठवाड्यात जोरदार पावसाची हजेरी पुणे : राज्यातील अनेक भागांत पावसाचा जोर कमी झाला...
पेरणीची घाई नको : कृषी आयुक्तालयपुणेः राज्यात खरीप हंगामाच्या पार्श्वभूमीवर...
मॉन्सूनला पोषक वातावरण पुणे : नैऋत्य मोसमी वारे (मॉन्सून) वेगाने प्रवास...
दूध दरातील कापतीने शेतकऱ्यांची परवड औरंगाबाद: महिनाभरातच दुधाच्या दरात तब्बल ११...
पीककर्ज व्याज सवलत योजनेचे पालकत्व...पुणेः शेतकऱ्यांना शून्य टक्के व्याजाने तीन...
राज्यातील प्रकल्पांमध्ये केवळ २१ टक्के...पुणे ः मे आणि जून महिन्यात पाण्याची मागणी...
कमी दराने कांदा खरेदी सुरूच नाशिक : सिन्नर कृषी उत्पन्न बाजार समितीच्या...
सोयाबीन लागवड क्षेत्रात दहा टक्के...नागपूर : देशात सोयाबीन लागवड क्षेत्र आणि...
दूध दरासाठी गुरुवारी आंदोलन नगर : लॉकडाउनचा गैरफायदा घेत दूध उत्पादक...
विद्यापीठाच्या वाणांमुळे शेतकऱ्यांना ९५...नगर ः महात्मा फुले कृषी विद्यापीठाने विकसित...
गांडुळखताचा लोकप्रिय केला शुभम ‘ब्रॅण्ड’सोलापूर जिल्हयातील उपळाई बुद्रूक येथील महादेव...
सिंधुदुर्गमध्ये मुसळधारसिंधुदुर्गनगरी : जिल्ह्याच्या काही भागात मुसळधार...
प्रयोगशील, अभ्यासपूर्ण शेतीचा आदर्शतिडका (जि. औरंगाबाद) येथील युवा शेतकरी ईश्‍वर...
शेतकऱ्यांचे धान बोनसचे १७ कोटी रुपये...चंद्रपूर : गेल्या खरीप हंगामात विक्री केलेल्या...
मॉन्सून उद्या दिल्लीत पुणे : नैऋत्य मोसमी वारे (मॉन्सून) वेगाने उत्तरेत...
समुद्रातील माशांचा साठा केवळ ६६ टक्के...रत्नागिरी ः समुद्रातील माशांचा साठा कमी होत असून...
दीडपट हमीभावाचा केंद्राचा दावा फसवा पुणेः किमान आधारभूत किमतीच्या (एमएसपी) माध्यमातून...
नाशिक जिल्ह्यात सोयाबीन बियाण्याची ...नाशिक : अनेक शेतकऱ्यांनी यंदा सोयाबीन पेरणीला...