agriculture news in Marathi sugar labor warning for strike Maharashtra | Agrowon

साखर कामगारांचा संपाचा इशारा  

टीम अॅग्रोवन
मंगळवार, 29 सप्टेंबर 2020

गळीत हंगाम सुरू होण्यासाठी काही दिवसांचा कालावधी बाकी असतानाच राज्यातील साखर कामगाारांच्या वेतनवाढीचा प्रश्न ऐरणीवर आला आहे. 

पुणे/कोल्हापूर  ः गळीत हंगाम सुरू होण्यासाठी काही दिवसांचा कालावधी बाकी असतानाच राज्यातील साखर कामगाारांच्या वेतनवाढीचा प्रश्न ऐरणीवर आला आहे. वेतनवाढ कराराची मुदत संपून दीड वर्ष झाले तरी अद्याप शासनाने त्रिपक्षीय समिती स्थापन केली नाही. त्यामुळे शासन व कारखानदारांनी वेळीच लक्ष घातले नाही तर राज्यातील सुमारे दीड लाख साखर कामगार संपावर जातील, अशी माहिती राज्य साखर कामगार प्रतिनिधी मंडळाचे अध्यक्ष तात्यासाहेब काळे यांनी दिली.

राज्यातील साखर कामगार प्रश्नाविषयी शासनाचे उदासीन धोरण आणि साखर कारखानदारांचे दुर्लक्ष याबाबत राज्यातील साखर कामगार प्रतिनिधी मंडळाची बैठक वाळवा तालुक्यातील कासेगाव (जि. सांगली) येथे नुकतीच झाली. या बैठकीत मंडळाचे अध्यक्ष तात्यासाहेब काळे, कार्याध्यक्ष रावसाहेब पाटील, सरचिटणीस शंकरराव भोसले, उपाध्यक्ष राजेंद्र तावरे, खजिनदार रावसाहेब भोसले, युवराज रणनवरे, नितीन बेळकुडे, अशोक बिराजदार, डी.बी. मोहिते, सयाजीराव कदम, संजय मोरबाळे, प्रदीप शिंदे, कैलास आवळे, प्रदीप बनगे आदी उपस्थित होते.

श्री. काळे म्हणाले, की केंद्र सरकारने कामगार कायद्यात बदल करून कामगार विरोधी धोरण अवलंबिले आहे. त्यामुळे गळीत हंगामापूर्वी साखर कामगार संघटितपणे सरकार व कारखानदारांच्या विरोधात भूमिका घेत असून संपावर जाण्याच्या तयारीत आहे. त्यादृष्टीने मंडळाने हालचाली सुरू केल्या आहेत.शासनाने साखर उद्योगासाठी स्टेपिंग पॅटर्न (कामगार संख्यादुवा) तयार केला आहे. तो कामगारांना मान्य नाही. याबाबत स्थानिक युनियनने त्याला विरोध करावा, अशी संघटनेची भूमिका आहे.

राज्यातील १९० साखर कारखान्यामधील दीड लाख कामगार संपावर गेले तर गळीत हंगामातील परिस्थिती गंभीर होण्याची शक्यता आहे. यापूर्वी पगाराच्या तरतुदीसाठी प्रति पोते शंभर रुपयांचे टॅगिंग होते. सध्या प्रतिपोते २५० रूपये टॅगिंग असताना सुद्धा पगाराचे थकीत आहेत. साखर उद्योगासाठी गेल्या दहा वर्षापूर्वीचे व्यवस्थापक कामगारांकडे लक्ष देत होते. सध्याचे व्यवस्थापन कोणत्याही बाबी समजून घेत नाही. याविषयी कामगार प्रतिनिधी मंडळाच्या बैठकीत खंत व्यक्त केली आहे.

या मुद्द्यांवर झाली चर्चा
गेली १७ महिने रखडलेली ञिपक्ष समिती, नविन पगार वाढ, थकित वेतन, कामगार पॅटर्नला प्रतिनिधी मंडळाने केलेला विरोध, कोरोना आजाराने राज्यातील साखर कामगारांची व त्यांच्या कुटुंबाची चाललेली ओढाताण, रिटायर कामगारांची तुटपुंजी पेन्शन, रोजंदारी, बदली, कंञाटी, सिव्हिल कामगारांना किमान वेतनाचा अभाव, केंद्र सरकारने कामगार विरोधी केलेले कायदे या सर्व बाबींची या वेळी चर्चा झाली.

प्रतिक्रिया
साखर कामगार वेतनवाढ, थकीत पगार, कामगार विरोधी धोरण अशा अनेक प्रश्नांमध्ये भरकटत चालला आहे. शासनाने ह्या गोष्टींचा विचार करून साखर कामगारांचे प्रश्न त्वरित सोडवावेत, अशी अपेक्षा आहे.
- तात्यासाहेब काळे, अध्यक्ष, राज्य साखर कामगार प्रतिनिधी मंडळ
 


इतर अॅग्रो विशेष
बुडून गेलं रान देवा, वाहून गेलं शिवार...कोल्हापूर : उसवलं गणगोत सारं, आधार कुनाचा न्हाई...
पांढऱ्या कापसाचे काळे वास्तवदेशातील सूत गिरण्या आता ९५ टक्के कार्यक्षमतेने...
शेतकऱ्यांच्या कष्टाचे झाले निर्माल्यरिमझिम पाऊस, थेंब पाकळीवर पडला ओघळून जाताना...
अतिवृष्टीचा मराठवाड्यात २३ लाख हेक्टरला...औरंगाबाद : यंदा खरिपात अतिवृष्टी व सततच्या...
केळी पीक विम्याबाबत आज बैठकजळगाव ः हवामानावर आधारित फळपीक विमा योजनेत केळी...
राज्यात पावसाचा प्रभाव कमी झालापुणे ः राज्यात गेल्या काही दिवस जोरदार पाऊस...
राज्यात तुरळक ठिकाणी मुसळधार पाऊसपुणे ः राज्यातील काही भागात पावसाने उघडीप दिली...
पीक विमा तक्रार निवारणासाठी कोठे जाल?राज्यात यंदा खरीप हंगामात उत्तम पेरा झाला होता....
राज्यात पावसाचा कमीअधिक जोर राहणारपुणे ः राज्यातील अनेक भागात पावसाने काहीशी उघडीप...
पणन सुधारणा कायदे शेतकरी हिताचेच!शेतीमालाच्या मार्केटमध्ये दराच्या बाबतीत कधीही...
रिसोर्स बॅंक ः स्तुत्य उपक्रमहवामान बदलाच्या चरम सीमेवर आता आपण आहोत. खरे तर...
कांदा दर नियंत्रणासाठी केंद्र सरकारचा...मुंबई : कांदा दर नियंत्रणासाठी केंद्र सरकारचा...
‘बायोमिक्स’ विक्रीतून कृषी विद्यापीठाला...परभणी ः वसंतराव नाईक मराठवाडा कृषी विद्यापीठातील...
जरासं पहा ना साहेब, पाणीच पाणी वावरात...परभणी ः सदोष बियाण्यांमुळे दुबार, तिबार पेरणी...
परतीचा मॉन्सून राज्यातून चार दिवसांत...पुणे ः परतीच्या पाऊस सुरू असताना बंगालच्या...
कृषी कायद्यांविरोधात पंजाबकडून स्वतंत्र...चंडीगड : केंद्र सरकारने मंजूर केलेल्या तीन...
खारपाणपट्ट्यातील समस्यांवर...दापुरा (ता. जि. अकोला) येथील स्वप्नील व संदीप या...
सुर्डीतील तरुणांनी तेरा पाझर तलावांना...वैराग, जि. सोलापूर ः ‘वॉटर कप’ स्पर्धेत राज्यात...
कापूस विक्रीसाठी नोंदणी थांबविलीजळगाव ः शासकीय केंद्रात कापूस विक्रीसाठी बाजार...
प्रयोगशील दुग्ध व्यवसायातून पुढारले...माळीसागज (जि. औरंगाबाद) गावात कोरडवाहू क्षेत्र...