Agriculture news in Marathi Sugar price hike by Rs 200 | Page 2 ||| Agrowon

साखरच्या दरात २०० रुपयांनी वाढ

राजकुमार चौगुले
शुक्रवार, 20 ऑगस्ट 2021

गेल्या वर्षभरापासून क्विंटलला ३१०० रुपयांच्या आसपास असणारे साखरेचे दर गेल्या पंधरा दिवसांत वाढत जाऊन ३३०० रुपये झाले आहेत. नजीकच्या काळात ३५०० रुपये पर्यंत दरात वाढ होण्याची शक्यता साखर उद्योगातील सूत्रांनी व्यक्त केली.

कोल्हापूर : आंतरराष्ट्रीय बाजारात साखरेचे दर वाढत आहेत. याचा सकारात्मक परिणाम स्थानिक साखर विक्रीच्या दरावर होत आहे. गेल्या वर्षभरापासून क्विंटलला ३१०० रुपयांच्या आसपास असणारे साखरेचे दर गेल्या पंधरा दिवसांत वाढत जाऊन ३३०० रुपये झाले आहेत. नजीकच्या काळात ३५०० रुपये पर्यंत दरात वाढ होण्याची शक्यता साखर उद्योगातील सूत्रांनी व्यक्त केली.

यंदाच्या साखर हंगामाच्या पार्श्‍वभूमीवर साखर उद्योगाकडून साखरेच्या किमान विक्री दरात शासनाने वाढ करावी, अशी मागणी सातत्याने होत होती. परंतु सरकारने निर्णय घेण्याआधीच बाजारातील साखरेचे दर वाढत असल्याने साखर कारखान्यांना अनपेक्षित सुखद धक्का बसला आहे. साखरेचे दर वाढत असल्याने अनेक कारखान्यांनी जुनी साखर ही बाजारात आणण्यास सुरुवात केली आहे. शिल्लक साखरेचा साठा कमी होत असल्याने याचा सकारात्मक परिणाम यंदा सुरू होणाऱ्या साखर हंगामावर होणार आहे.

साखरेच्या दरात आणखी शंभर दोनशे रुपये वाढ झाल्यास व साखरेची विक्री वेगात झाल्यास यंदाच्या हंगामासाठी साखर कारखान्यांना बँकेवर कमी अवलंबून राहावे लागेल. हे कारखान्यांना फायदेशीर ठरेल, अशी शक्यता साखर कारखाना प्रतिनिधींनी व्यक्त केली. 

भारताला निर्यातीला वाव
आंतरराष्ट्रीय बाजार आणि व्यापार स्रोतांकडून आलेल्या अहवालांनुसार, ब्राझीलमध्ये सध्या सुरू साखर हंगामात साखर उत्पादनावर वाईट परिणाम झाला आहे. दुष्काळामुळे साखर उत्पादन कमी होत आहे. याचा परिणाम दर वाढण्यावर होत आहे. ब्राझीलमध्ये पुढील साखर हंगाम एप्रिल २०२२ मध्ये सुरू होईल. या हंगामात ही साखर उत्पादन कमी होण्याची शक्यता आहे. बाजारातील सूत्रांनुसार थायलंडमध्ये साखरेचे उत्पादन यंदा जास्त राहण्याची शक्यता आहे. पण ही साखर जानेवारी २०२२ नंतर येईल. तोपर्यंत भारताला साखरनिर्यातीला वाव आहे.

 केंद्राचा यंदाच्या हंगामाबाबतचा अंदाज
केंद्राच्या अंदाजानुसार मागील हंगामातील शिल्लक साखर ९० लाख टन इतकी आहे. यंदा  ३४० लाख टन साखर (इथेनॉलनिर्मितीची साखर वगळून) तयार होईल. मागील वर्षासह यंदा उपलब्ध साखर ४३० लाख टन असेल. स्थानिक बाजारात २६५ लाख टन साखर विक्री होऊ शकते. निर्यात अथवा इथेनॉलनिर्मिती झाली नाही, तर १६५ लाख टन साखर पुढील हंगामासाठी शिल्लक राहू शकते. शिल्लक साखर कमी राहावे यासाठी निर्यात व इथेनॉलनिर्मिती दोन्ही महत्त्वाच्या बाबी असल्याचे केंद्राने स्पष्ट केले आहे.

आंतरराष्ट्रीय बाजारात वाढणारे साखरेचे दर स्थानिक बाजारातील साखरेच्या दराची तेजी वाढवण्यास कारणीभूत ठरत आहेत. सध्याची परिस्थिती पाहता पुढील काही महिने साखरेचे दर चांगले राहण्याची शक्यता आहे. कारखान्यांनी निर्यात करताना या बाबी लक्षात घेऊन जादा साखर निर्यात केल्यास ते उद्योगासाठी फायदेशीर ठरू शकेल. 
- अभिजित घोरपडे, साखर निर्यातदार


इतर अॅग्रोमनी
‘महानंद’ला बदनाम करण्याचे प्रयत्न : ...मुंबई : कोरोनाची भयंकर परिस्थिती असताना ‘महानंद’...
‘एम’ अध्यक्षपदी राजकुमार धुरगुडे पाटील...पुणे ः देशपातळीवर कृषी निविष्ठा निर्मिती...
भारतात होणारी सोयापेंड निर्यात...पुणे : भारत सरकारने जणुकीय सुधारित सोयापेंड...
बेदाण्याला उठाव असल्याने दर स्थिरसांगली ः सणांमुळे बेदाण्याला चांगली मागणी आहे....
खरिपात तेलबिया उत्पादनात घट होणारपुणे : खरीप हंगाम २०२१-२२ मध्ये तेलबिया...
साखरनिर्यातीचे १८०० कोटींचे अनुदान मंजूरकोल्हापूर : केंद्राने २०२०-२१ या हंगामात निर्यात...
देशभरात सोयाबीन ५५०० ते ७३००च्या दरम्यानपुणे : सध्या बाजारात येणाऱ्या सोयाबीनपैकी ज्या...
खाद्यतेल आयात शुल्क  कपातीचा ग्राहकांना...पुणे : केंद्र सरकारने देशांतर्गत वाढत्या...
तूर, उडीद आयात कालावधी वाढविल्याचा होईल...पुणे : केंद्र सरकारने तूर आणि उडीद आयातीसाठीचा...
हळद निर्यात ऑगस्टमध्ये ११ टक्क्यांनी...पुणे : देशात निर्यातयोग्य हळदीचा साठा उपलब्ध आहे...
राज्यात तीन अन्न प्रक्रिया प्रकल्पांचे...नाशिक : राज्यातील तीन अन्न प्रक्रिया प्रकल्पांचे...
केंद्राच्या निर्य़ातीनंतर सोयाबीनच्या...पुणे : केंद्र सरकारने खाद्यतेल आयात शुल्कात कपात...
केंद्र सरकारकडून खाद्यतेल आयात शुल्कात...नवी दिल्ली ः देशात खाद्यतेलाच्या वाढत्या किमतीवर...
वाढत्या मागणीने हरभरा दरात सुधारणापुणे : साठेबाज, व्यापारी आणि मिलर्सवर असलेली...
तूर, मूग, उडीद आयातीची प्रक्रिया सुरू;...पुणे : केंद्र सरकारने पंचवार्षिक करार करून...
रब्बीचे हमीभाव जाहीर : गव्हात ४०; हरभरा...नवी दिल्ली : केंद्र सरकारने रबी हंगामासाठी...
उडीद दरात सुधारणेची चिन्हेपुणे ः गेल्या हंगामात देशात उडदाचे उत्पादन कमी...
बेदाणा दरात प्रतिकिलो २५ ते ३० रुपयांची...सांगली : अफगाणिस्तानात तालिबानी राजवट आल्यामुळे...
जालन्यात रेशीम कोषाला उच्चांकी ५१...जालना : जालना कृषी उत्पन्न बाजार समिती अंतर्गत...
साखरेच्या किमान विक्री दरात वाढ करावी...नागपूर : एफआरपीत वाढ झाली असतानाच साखरेच्या...