नांदेड विभागात साखरेचे २५ लाख क्विंटलवर उत्पादन

Sugar production in Nanded region is 25 lakh quintals
Sugar production in Nanded region is 25 lakh quintals

नांदेड : नांदेड विभागातील परभणी, हिंगोली, नांदेड, लातूर या चार जिल्ह्यांतील १३ साखर कारखान्यांनी यंदाच्या गाळप हंगामामध्ये सोमवार (ता. २४) पर्यंत २३ लाख ७० हजार ८१० टन उसाचे गाळप केले आहे. सरासरी १०.५७ टक्के उता-याने २५ लाख ४ हजार ८९० टन साखर उत्पादन घेतले आहे.

नांदेड विभागातील चार जिल्ह्यांत यंदाच्या हंगामात १७ पैकी १३ साखर कारखान्यांना ऊस गाळपाचे परवाने मिळाले. सोमवार (ता.२४) पर्यंत त्यांनी केलेल्या उस गाळपाची माहिती प्रादेशिक साखर सहसंचालक कार्यालयास सादर केली. त्यानुसार, परभणी जिल्ह्यातील ५ पैकी ३ खासगी कारखान्यांनी ५ लाख २८ हजार ८१० टन उसाचे गाळप केले. तर, सरासरी १०.५४ टक्के उताऱ्याने ५ लाख ५७ हजार ४९० क्विंटल साखर उत्पादन घेतले. पूर्णा तालुक्यातील बळिराजा शुगर्सचा साखर उतारा सर्वाधिक ११.१८ टक्के आला. 

हिंगोली जिल्ह्यातील ३ सहकारी आणि एका खासगी कारखान्याने ६ लाख ९५ हजार २९० टन उसाचे गाळप केले. सरासरी १०.७९ टक्के उताऱ्याने ७ लाख ५० हजार ५०० क्विंटल साखरेचे उत्पादन घेतले. भाऊराव चव्हाण युनिट २ कारखान्याचा साखर उतारा सर्वाधिक ११ टक्के आला. नांदेड जिल्ह्यातील ४ पैकी २ सहकारी आणि २ खासगी  कारखान्यांनी एकूण ६ लाख ८४ हजार ४५० टन उसाचे गाळप केले. सरासरी १०.५० टक्के साखर उताऱ्याने ७ लाख १८ हजार १५० क्विंटल उत्पादन घेतले. भाऊराव चव्हाण सहकारी साखर कारखान्याचा (युनिट ४) साखर उतारा सर्वाधिक १०.९० टक्के आला. 

लातूर जिल्ह्यातील २ खासगी कारखान्यांनी ४ लाख ६२ हजार ३०० टन उसाचे गाळप केले. सरासरी १०.३५ टक्के उताऱ्याने ४ लाख ७८ हजार ४५० क्विंटल उत्पादन घेतले. जागृती शुगर्सचा साखर उतारा सर्वाधिक १०.४४ टक्के आला.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com