agriculture news in Marathi sugar production will decrease Maharashtra | Agrowon

राज्यातील साखर उत्पादन घटणार

टीम अॅग्रोवन
सोमवार, 9 डिसेंबर 2019

साखर उत्पादन ५८ लाख टनांपर्यंत जाण्याची शक्यता वाटत नाही. साखर उद्योगाचा अंदाज ५५ लाख टनांचा आहे. तथापि, आम्हाला त्यातही दोन लाख टनांनी घट येण्याची भीती वाटते. अतिवृष्टी, दुष्काळ आणि इथेनॉलनिर्मिती यांमुळे राज्याचा साखर उतारा किमान दीड टक्क्याने घटेल. परिणामी, साखर उत्पादन घसरणार यात शंका नाही.
- बी. बी. ठोंबरे, अध्यक्ष, वेस्ट इंडियन शुगर मिल्स् असोसिएशन 
 

पुणे: राज्यातील साखर उत्पादन आधीच्या अंदाजाच्या तुलनेत यंदा किमान दोन लाख टनाने घटण्याची शक्यता आहे. साखर उत्पादनाचा शासकीय अंदाज ५८ लाख टनाचा असला तरी ५३ ते ५५ लाख टन साखर तयार होईल, असे साखर उद्योगाचे म्हणणे आहे. 

दुष्काळ, अतिवृष्टी आणि इथेनॉल अशा तीन मुख्य मुद्यांचा विचार करता यंदा साखर उतारा घटणार असल्याचे स्पष्ट झालेले आहे. सहकार विभागाच्या म्हणण्यानुसार, उसातील साखर उतारा फारसा घटणार नसून फक्त एक ते दीड टक्का साखर ही आता बी हेव्ही प्रकल्पांसाठी वापरली जाणार आहेत.

“साखर उत्पादन जरी कमी होणार असला तरी मूळ उतारा घटत नसून साखरेचा अंश बी हेव्ही प्रकल्पात वापरला जाऊन त्यामुळे इथेनॉलनिर्मिती वाढेल व तो पैसा देखील साखर कारखान्यांचा मिळेल,” असा युक्तिवाद प्रादेशिक साखर सहसंचालकांमधील कर्मचारी करतात. 

साखर कारखाना उद्योगाच्या म्हणण्यानुसार, सुरुवातीचा साखर उतारा काही कारखान्यांमध्ये आतापासूनच पाच आणि सहा टक्के असा मिळतो आहे. अतिवृष्टीमुळे पश्चिम महाराष्ट्रातील उसाची गुणवत्ता खालावली आहे. त्यामुळे साडेआठ टक्क्यांऐवजी काही ठिकाणी सात-साडेसात टक्के उतारा मिळतो आहे.

एरवी कारखाने सुरू होताना साखर उतारा कमीच असतो व तो वाढत जाऊन ११ ते १२ टक्के होतो. मात्र, यंदा उतारा कमीच मिळेल. कारण, मराठवाडा, सोलापूर, नगर भागांतील कारखान्यांना दुष्काळांचा फटका बसला आहे. शिवाय बी हेव्ही प्रकल्प सुरू झाल्यामुळे काहीही झाले तरी उतारा घटेल, असा अंदाज कारखान्यांकडून लावला जात आहे.
 
राज्यात यंदा ५३ लाख टनांच्या आसपास साखर तयार होईल, असे कारखान्यांचे   म्हणणे आहे. “राज्याचा साखर उतारा गेल्यावर्षी सरासरी ११.२६ टक्के होता. आम्ही यंदाचा उतारा ११.५० टक्के गृहित धरला आहे. यात घट होऊन तो ११.२४ ते ११.२५ टक्के असा राहू शकतो. मात्र, अगदी ९ किंवा १० टक्के इतक्या खालच्या पातळीपर्यंत उतारा घटण्याची शक्यता नाही,”  असे सरकारी सूत्रांना वाटते. 

असे आहे साखर उत्पादनाचे चित्र 

  •    साखर उत्पादनाचा सरकारी अंदाज ः ५८ लाख टन
  •    साखर उद्योगाच्या म्हणण्यानुसार अंदाज ः ५५ लाख टन 
  •    साखर उतारा कमी झाल्यास होणारी घट ः दोन लाख टन 
  •    ३१ ऑक्टोबरअखेर राज्यात असलेला साखर साठा ः ५६ लाख टन 
  •    नोव्हेंबर, डिसेंबरमध्ये रिलिज झालेली अंदाजे साखर ः साडे तेरा लाख टन 
  •    चार डिसेंबरअखेर तयार झालेली नवी साखर ः २२.३९ लाख क्विंटल

इतर अॅग्रो विशेष
केंद्र सरकारकडून कृषी कायदांना...नवी दिल्ली ः दिल्लीच्या सीमांवर कृषी...
ग्रामसभांना ३१ मार्चपर्यंत परवानगी...अकोला : राज्यातील ग्रामपंचायतींमध्ये कोविड-१९च्या...
राज्यात साडेचार लाख क्‍विंटल मका...औरंगाबाद : बंद पडलेली मका खरेदी जवळपास एका...
शेतकऱ्यांच्या भूमिकेवर न्यायालयाची...नवी दिल्ली ः कृषी कायद्यांवरून निर्माण झालेल्या...
तूर खरेदीसाठी जिल्हानिहाय उत्पादकता...परभणी ः केंद्र शासनाच्या किमान आधारभूत किंमत...
कांदा निर्यातदारांसाठी आता ‘ओनियन नेट’ नागपूर : कांदा उत्पादनाच्या बाबतीत जागतीक स्तरावर...
खानदेशात गारठा वाढला पुणे ः उत्तर भारतातील काही राज्यात थंडीची लाट आली...
पावसाच्या पाण्यावर फुलवलेली दर्जेदार...निमगाव घाणा (ता. जि. नगर) येथील रामदास रघुनाथ...
पोतेकरांची देशी केळी वर्षभर खातेय भावसातारा जिल्ह्यातील शेंद्रे (ता. जि. सातारा) येथील...
अजून एक ‘बारामती पॅटर्न’कार्यालय आम्हाला घरच्यासारखे वागवते, कर्मचारी...
‘तारीख पे तारीख’ किती दिवस?देशाचे पंतप्रधान दमदार भाषणात जनतेला आश्‍वासन...
आधुनिक गुऱ्हाळाद्वारे केवळ चार गुंठ्यात...कोल्हापूर शहरापासून काही किलोमीटरवरील कणेरी...
थंडीत वाढ होण्याची शक्यता पुणे ः राज्यातील काही भागांत अंशतः ढगाळ...
तुरीला दराची झळाळीनांदेड : तूर उत्पादक पट्ट्यात नव्या तुरीची आवक...
इथे १५ मिनिटांत सोडवला जातो प्रश्‍न !पुणे : ‘‘आयएसओ’ मानांकन मिळविणारे आणि काही...
राज्यात साखरेचा महापूरपुणे : राज्यात गेल्या वर्षीची ३६ लाख टन साखर...
तंत्रज्ञान सप्ताहात शेतकऱ्यांना घातली...माळेगाव, जि. पुणे ः भरडधान्य उत्पादन,...
अद्याप ४१२ लाख टन ऊसगाळप बाकीपुणे : राज्यातील साखर कारखान्यांनी आतापर्यंत ५३४...
कामे व्यवस्थित करा, अन्यथा पगारातून...पुणे : नानाजी देशमुख कृषी संजीवनी (पोकरा)...
सरकारचा पसारा आवरासरकार कोणत्याही देशातला एक महत्त्वाचा घटक असतो....