Agriculture news in Marathi, Sugar, Sugar Factories, Sugar Season | Agrowon

ऑक्टोबरमध्ये ४ लाख टन साखर उत्पादनाची शक्यता

मनोज कापडे
गुरुवार, 24 ऑगस्ट 2017

नव्या हंगामात कारखान्यांसाठी ९ लाख हेक्टरपेक्षा जादा ऊस उपलब्ध राहू शकतो, असा सहकार विभागाचादेखील अंदाज आहे. यंदा किमान १२४ साखर कारखाने पहिल्याच टप्प्यात सुरू होऊ शकतात.

पुणे : राज्याचा ऊस गाळप हंगाम सुरू करण्यासाठी यंदा सरकारने वेळेत परवानगी दिल्यास ऑक्टोबरमध्ये कारखान्यांकडून किमान चार लाख टन साखर तयार केली जाऊ शकते, अशी माहिती कारखानदार सूत्रांनी दिली.

राज्यात २०१५-१६ मधील हंगामात शेतकऱ्यांनी ९ लाख ८७ हजार हेक्टरवर ऊस केला होता. मात्र, दुष्काळामुळे २०१६-१७ मध्ये अवघ्या ६ लाख ३३ हजार हेक्टरवर ऊस पिकवला गेला. कमी उसामुळे गेल्या हंगामात २७ कारखाने बंद ठेवावे लागेल. गेल्या हंगामात दीडशे साखर कारखान्यांनी ३७२.४५ लाख टन उसाचे गाळप केले. त्यापासून ४१.८६ लाख टन साखर तयार केली होती. यंदा वेळेत गाळप सुरू झाल्यास किमान चार लाख टन साखर हंगामाच्या पहिल्याच महिन्यात तयार होऊ शकते.
पावसामुळे पिकाची स्थितीदेखील सुधारली आहे. 

नव्या हंगामात कारखान्यांसाठी ९ लाख हेक्टरपेक्षा जादा ऊस उपलब्ध राहू शकतो, असा सहकार विभागाचादेखील अंदाज आहे. यंदा किमान १२४ साखर कारखाने पहिल्याच टप्प्यात सुरू होऊ शकतात. देशाचा विचार करता ऑक्टोबरमध्ये २६० साखर कारखाने सुरू होतील. त्यात उत्तर प्रदेशातील ९२ कारखान्यांचा समावेश राहील, असे सूत्रांचे म्हणणे आहे. 

महाराष्ट्राच्या तुलनेत उत्तर प्रदेशात एक महिना उशिरा म्हणजेच नोव्हेंबरपासून गाळप सुरू होते. मात्र, यंदा तेथे भरपूर उसामुळे साखर कारखाने लवकर सुरू होत आहेत. उत्तर प्रदेशातील कारखान्यांकडून ऑक्टोबरमध्ये किमान पावणेतीन लाख टनाच्या आसपास साखर तयार करण्याइतपत गाळप होण्याची चिन्हे आहेत. राज्याच्या शेजारील कर्नाटक व गुजरातमधील गाळपदेखील ऑक्टोबरपासून सुरू होण्याची शक्यता आहे. मात्र, तेथील साखर उत्पादन पहिल्या महिन्यामध्ये एक लाख टनाच्या पुढे जाण्याची शक्यता कमी असल्याचे कारखानदारांना वाटते. 
 


इतर अॅग्रो विशेष
देशात यंदा सर्वसाधारण मॉन्सून; १०२...नवी दिल्ली : देशात यंदा सर्वसामान्य मॉन्सून आणि...
Breaking : मॉन्सून एक्सप्रेस केरळात...पुणे : नैर्ऋत्य मोसमी वारे (मॉन्सून) सोमवारी (ता....
राज्य सरकारचे ‘पुनश्‍च हरीओम्’ :...मुंबई : कोरोनाच्या साथीचा प्रादुर्भाव रोखण्यासाठी...
अंतिम वर्षाची परीक्षा नाही :...मुंबई : सध्याच्या परिस्थितीत विद्यापीठाच्या...
पीकविम्याचे कामकाज या महिन्यातपुणे: राज्यातील शेतकऱ्यांना प्रधानमंत्री पीकविमा...
टोळधाडबाधितांना मदत देणार : पंतप्रधान...नवी दिल्ली : देशातील अनेक भागांत टोळधाडीचे संकट...
मॉन्सून आज केरळात येण्याचे संकेतपुणे  : अरबी समुद्रात लक्षद्वीप बेटांलगत...
कोकणात मुसळधार पावसाचा इशारापुणे  : अरबी समुद्रातील कमी दाब क्षेत्रामुळे...
आठवडाभरापासून टोळधाड विदर्भातचनागपूर   ः गेल्या आठवडाभरापासून...
परभणीतील खरेदी केंद्रावर कापूस विक्रीत...परभणी  ः राज्य सहकारी कापूस उत्पादक पणन...
चाकणच्या जनावरे बाजारात एक कोटींची...पुणे  ः गेल्या सव्वा दोन महिन्यांपासून ‘...
भाजीपाला लागवडीतून उघडला प्रगतीचा मार्गसोयाबीन, भात अशा पारंपरिक कोरडवाहू पिकांवर भिस्त...
सक्रिय रुग्णांची संख्या घटली; एका...नवी दिल्ली : कोरोना महामारीविरूद्धच्या...
विदर्भात टोळधाडीची अस्तित्व कायमनागपूर : कृषी विभागाकडून टोळधाड नियंत्रणासाठी...
राज्यातील भाजीपाला लागवड खोळंबली कोल्हापूर: सध्याच्या स्थितीत भाजीपाल्याचे...
राज्यात देशी कोंबडी पिलांना मागणी वाढली नगर ः काही महिन्यांपूर्वी कोरोना आणि चिकनबाबत...
शेतकऱ्यांची खत विक्री दरात फसवणूक करू...बुलडाणा ः या खरीप हंगामात शेतकऱ्यांना रास्त...
राज्यात बेदाण्याचे सव्वा दोन लाख टन...सांगली : यंदा द्राक्ष उत्पादक शेतकऱ्यांवर ‘कोरोना...