agriculture news in marathi, sugarcane crop become in trouble due to water shortage, sindhudurga, maharashtra | Agrowon

वैभववाडी तालुक्यात नदी पात्र कोरडे; ऊस शेती संकटात

टीम अॅग्रोवन
गुरुवार, 16 मे 2019

पंधरा वर्षांत अशा पद्धतीची पाणीटंचाई निर्माण झाली नव्हती. अरुणा नदी कोरडी पडली आहे. त्यामुळे या गावातील विहिरी, विंधन विहिरींची पातळी देखील खालावली आहे. पाणी नसल्यामुळे ऊसशेती वाया जाण्याची शक्यता निर्माण झाली आहे.
- महेश संसारे, मांगवली, जि. सिंधुदुर्ग

सिंधुदुर्ग  ः वैभववाडी तालुक्यातील शुक, अरुणा आणि गडनदीचे पात्र कोरडे पडल्यामुळे या नदीच्या पाण्यावर अवलंबून असलेली शेकडो एकर ऊस शेती संकटात सापडली आहे. गेल्या पंधरा ते वीस दिवसांपासून काही भागातील उसाला पाणीच न दिल्यामुळे तो करपण्यास सुरवात झाली आहे. त्यामुळे शेतकरी हवालदिल झाला आहे.

वैभववाडी तालुक्याच्या उत्तरेकडील गावांसाठी लाभदायी ठरणाऱ्या शुक, अरुणा आणि कुसूर येथील गडनदी या तीन नद्या कोरड्या पडल्या आहेत. या नदीपात्रातील मोठया डोहांनी देखील तळ गाठला आहे. त्यामुळे भीषण पाणीटंचाई निर्माण झाली आहे. शुक नदीच्या पाण्यावर सांगूळवाडी, वैभववाडी, एडगाव, सोनाळी, कुसूर, उंबर्डे, नापणे, तिथवली ही गावे अवलंबून आहेत. या सर्व गावातील ऊसशेती संकटात होती. परंतु काही दिवसांपूर्वी खांबलवाडी धरणाचे पाणी शुक नदीला सोडल्यामुळे उंबर्डे कातकरवाडी, नापणे या गावांतील शेतीला संजीवनी मिळाली. परंतु उर्वरित गावांतील शेती वाचविण्यासाठी दुसरा कोणताही पर्याय तुर्तास नाही. गडनदीचे पाणी पूर्णपणे आटले आहे. त्यामुळे या गावांतील ऊसशेती धोक्यात आली आहे.

अरुणा नदीचे पात्र पंधरा दिवसांपूर्वीच कोरडे पडले आहे. या नदीच्या पाण्याच्या भरवशांवर ऊसशेती केलेले शेतकरी अडचणीत आले आहेत. पंधरा दिवसांपासून ऊसशेतीला पाणीच न दिल्यामुळे ऊस करपण्यास सुरवात झाली आहे. नदीसोबत विहिरींनी देखील तळ गाठला आहे. विंधन विहिरींना देखील पुरेसे पाणी नसल्यामुळे भीषण पाणीटंचाईची शक्यता निर्माण झाली आहे.
 


इतर बातम्या
माया आणि छायेची पालवी पुन्हा फुलणार... नाशिक : हल्ली विकासकामांच्या नावाखाली मोठ्या...
नगर जिल्ह्यात ‘निसर्ग'चा शेतीपिकांना...नगर : कोकण आणि मुंबईला तडाखा देणारे निसर्ग...
दापोली, मंडणगडमध्ये बागांना फटकारत्नागिरी : निसर्ग चक्रीवादळाचा सर्वाधिक तडाखा...
सिंधुदुर्गात पावसाचा जोर ओसरला सिंधुदुर्ग : जिल्ह्याला बुधवारी (ता.३) वादळी...
पुणे जिल्ह्यात ‘निसर्ग’चे थैमान पुणे : निसर्ग चक्रीवादळाने बुधवारी (ता.३)...
मराठवाड्यातील पाच जिल्ह्यांत फळबागांना...औरंगाबाद : मराठवाड्यातील औरंगाबाद, जालना, बीड,...
नाशिक जिल्ह्यात चक्रीवादळामुळे...नाशिक : निसर्ग चक्रीवादळाने जिल्ह्यात दुपारनंतर...
मॉन्सूनने कर्नाटक किनारपट्टी व्यापली;...पुणे : नैर्ऋत्य मोसमी वाऱ्यांनी (मॉन्सून)...
‘निसर्ग’चा शेतीला मोठा तडाखापुणेः निसर्ग चक्रीवादळामुळे राज्याला वादळी...
कापसाची ३७१ लाख क्विंटल खरेदीनागपूर ः राज्यात आतापर्यंत कापसाची हमीभावाने ३७१....
पुणे जिल्ह्यात पॉलिहाऊसचे मोठे नुकसानपुणेः कोरोना टाळेबंदीमध्ये बाजार समित्यांसह...
कापूस नोंदणीला उद्यापर्यंत मुदतवाढअमरावती ः शासकीय हमीभाव योजनेअंतर्गंत कापूस...
राज्यात गुरांचे बाजार सुरु करण्याचे आदेशअकोला ः कोरोनाचा प्रादुर्भाव वाढत असल्याने...
संकटाच्या मालिका सोसून द्राक्ष हंगामाची...नाशिक: यंदा जिल्ह्यातील द्राक्ष हंगामावर सतत...
लॉकडाउनमध्ये गजबजली ई-चावडीपुणे: शेतकऱ्यांच्या सुविधेसाठी सुरू करण्यात...
मॉन्सून कर्नाटकात दाखल, कारवार,...पुणे : नैर्ऋत्य मोसमी वाऱ्यांनी (मॉन्सून)...
‘चक्रीवादळ’ ओसरले; खानदेशासह पश्‍चिम...पुणे : अरबी समुद्रात आलेले ‘निसर्ग’ चक्रीवादळ...
जीवनावश्‍यक वस्तू कायदा, मुक्त शेतीमाल...नवी दिल्ली : आत्मनिर्भर भारत योजनेत जाहीर...
टोळधाड मध्यप्रदेशात, ड्रोन पोचला...नागपूर ः गेल्या दहा दिवसांपासून विदर्भातील...
एक लाख लोकांना सुरक्षितस्थळी हलविले मुंबई: निसर्ग चक्रीवादळामुळे नुकसान होऊ नये...