agriculture news in marathi, sugarcane crop survey starts, satara, maharashtra | Agrowon

‘व्हीएसआय’मार्फत नुकसानग्रस्त ऊस पिकाची पाहणी सुरू

टीम अॅग्रोवन
बुधवार, 14 ऑगस्ट 2019

सातारा, सांगली, कोल्हापूर जिल्ह्यांतील मुख्य पीक असलेल्या ऊस पिकाची पाहणी ‘व्हीएसआय’मार्फत सुरू केली आहे. जो ऊस वाचवता येईल त्याकरिता काय उपाययोजना करायच्या यासाठी प्रामुख्याने पाहणी करून मार्गदर्शन केले जाईल. पाहणीनंतर एकत्रित अहवाल आल्यावर त्याच्या उपाययोजना सुरू करण्यात येतील. 
- विकास देशमुख, संचालक, व्हीएसआय, पुणे.

कऱ्हाड, जि. सातारा  ः सातारा, सांगली, कोल्हापूर जिल्ह्यांतील शेतकऱ्यांचे ऊस पीक पूरस्थितीमुळे आठ ते दहा दिवस पाण्यात राहिले. त्यामुळे तो ऊस जगेल की नाही याची खात्री नाही. त्यातील किती टक्के ऊस वाचवता येऊ शकेल याचा अंदाज घेऊन त्यासाठी काय उपाययोजना करता येतील याच्या पाहणीसाठी वसंतदादा शुगर इन्स्टिट्यूटच्या तज्ज्ञांचे पथक पाठवण्यात येईल, अशी घोषणा माजी केंद्रीय कृषिमंत्री खासदार शरद पवार यांनी केली होती. यानंतर लगेचच ‘व्हीएसआय’चे संचालक विकास देशमुख व त्यांच्या पथकाने पूरग्रस्त गावांतील नुकसानग्रस्त ऊस पिकाची थेट शिवारात जाऊन पाहणी सुरू केली आहे. 

महापुराने सातारा, सांगली, कोल्हापूर जिल्ह्यांत मोठे थैमान घातले. त्यामुळे नदी, ओढ्याकाठची शेती पूर्णतः पाण्यात गेली. अनेक दिवस पिके पाण्यात राहिल्याने त्यांचे कोट्यवधी रुपयांचे नुकसान झाले आहे. त्यामुळे शेतकरी हवालदिल झाले आहेत. दोनच दिवसांपूर्वी माजी केंद्रीय कृषिमंत्री शरद पवार यांनी पूरग्रस्त तांबवे गावास भेट दिली. त्या वेळी त्यांनी ग्रामस्थांशी संवाद साधताना सातारा, सांगली, कोल्हापूर जिल्ह्यांतील प्रमुख पीक ऊस आहे. त्या पिकाच्या वर चार-पाच फूट पाणी असल्याने ते पीक आता जगेल याची खात्री राहिलेली नाही.

मात्र त्यातील किती ऊस वाचवता येईल याची पाहणी करण्यासाठी वसंतदादा शुगर इन्स्टिट्यूटच्या तज्ज्ञांचे पथक पाठवण्यात येईल, अशी घोषणा केली होती. त्यानुसार ‘व्हीएसआय’चे संचालक विकास देशमुख, शास्त्रज्ञ श्री. घोडके, श्री. भोईटे यांच्या पथकाने पूरग्रस्त गावांतील नुकसानग्रस्त उसाची पाहणी सुरू केली आहे. त्यांना सांगली, सातारा जिल्ह्यांतील नदीकाठच्या पूरबाधित ऊस पिकांची पाहणी केली. या वेळी सह्याद्री कारखान्याचे शेती अधिकारी मोहनराव पाटील, एम. ए. बाबर, प्रताप पाटील यांच्यासह कर्मचारी उपस्थित होते. 
 


इतर बातम्या
धुळे ९.४ अंश; थंडीत हळूहळू वाढपुणे ः आकाश निरभ्र झाल्याने थंडीत हळूहळू वाढ होऊ...
वारणा, गोकुळ दूध संघांकडून दरात वाढकोल्हापूर : जिल्हा दूध संघ (गोकुळ) आणि वारणानगर...
नाशिक : अतिवृष्टीनंतर कपाशीवर करपाचा...नाशिक : अतिवृष्टीमुळे सातत्याने कपाशी लागवडीमध्ये...
कृषी संशोधन केंद्रे पांढरा हत्ती ठरू...भंडारा ः सर्वाधिक रोजगार शेतीमधून उपलब्ध होऊ शकतो...
मधमाश्या, मित्रकीटक वाचविण्यासाठी...नाशिक: मधमाश्यांची संख्या जगभरात तसेच भारतातही...
बाधितांसाठी मागितले दहा कोटी अन्‌...आटपाडी, जि. सांगली ः अवकाळी पावसामुळे आटपाडी...
शेतकरी संघटनेचे गुरुवारी निर्बंधमुक्ती...नगर ः संपूर्ण कर्जमाफी करून राज्यातील शेतकऱ्यांचा...
पुणे : फळपीक विमा योजना असून नसल्यासारखीपुणे : फळपिकांना हवामानाच्या धोक्यापासून संरक्षण...
गडहिंग्लजमध्ये ज्वारीचे क्षेत्र एक हजार...गडहिंग्लज, जि. कोल्हापूर : अतिवृष्टी आणि अवकाळी...
बाजारपेठेवर आधारित पीकपद्धतीचा अवलंब...नगर  : ‘‘कमी पाणी व जास्त पाणी, अशा दोन...
नवीन वर्षात ७५० ग्रामपंचायतींच्या...पुणे : येत्या नवीन वर्षात जुलै ते डिसेंबर २०२० या...
हिंगोली जिल्ह्यात रब्बीची ७६ हजार...हिंगोली : जिल्ह्यात यंदाच्या रब्बी हंगामात सोमवार...
उन्हाळी नाचणी लागवडीचा यशस्वी प्रयोगकोल्हापूर : राज्यात उन्हाळी नाचणीचे यशस्वी...
बाजारात रानमेवा खातोय भावअकोला ः गुलाबी थंडीची चाहूल लागताच बाजारात विविध...
बोगस कीडनाशकांची विक्री ४००० कोटींवर ! पुणे : देशातील शेतकऱ्यांचे उत्पन्न दीडपट...
शेतकऱ्यांचा त्रास कमी करण्यासाठी ‘...सोलापूर : ठाकरे सरकारकडून किचकट ऑनलाइन...
राज्यातील साखर उत्पादन घटणारपुणे: राज्यातील साखर उत्पादन आधीच्या अंदाजाच्या...
भविष्यात देशी कपाशीला गतवैभव प्राप्त...परभणी: देशी कपाशीचे वाण रसशोषण करणाऱ्या किडीसाठी...
शेती उत्पादन वाढीसाठी मधमाश्‍यांचा मोठा...नाशिक: मधमाश्‍यांचे संगोपन करून त्यांच्या...
कृत्रिम रेतनावर नियंत्रण योग्यचपुणे : कृत्रिम रेतन करताना शास्त्रोक्त...