agriculture news in marathi, sugarcane crushing season meeting, pune, maharashtra | Page 2 ||| Agrowon

ऊसगाळप १ ऑक्टोबरपासून : सहकारमंत्री देशमुख
टीम अॅग्रोवन
गुरुवार, 9 ऑगस्ट 2018

राज्यात २२ हजार कोटी रुपयांच्या आसपास शेतकऱ्यांना एफआरपी देणे अपेक्षित होते. मात्र अजून साडेपाचशे कोटी रुपयांची थकबाकी आहे. यात माझ्या कारखान्याचेदेखील १६ कोटी थकीत आहेत. शेतकऱ्यांना तत्काळ एफआरपी देण्याबाबत माझ्या कारखान्यांसह इतर कारखान्यांना मी स्वतः सूचना दिलेल्या आहेत.
- सुभाष देशमुख, सहकारमंत्री.

पुणे  : राज्याचा ऊसगाळप हंगाम यंदा १ ऑक्टोबरपासून सुरू केला जाईल, अशी माहिती सहकारमंत्री सुभाष देशमुख यांनी दिली.

साखर आयुक्तालयात राज्यातील साखर कारखान्यांच्या प्रतिनिधींशी चर्चा केल्यानंतर पत्रकारांशी बोलताना ते म्हणाले, की यंदा गाळप हंगाम लवकर सुरू करण्यासाठी शासनाकडून नियोजन सुरू आहे. राज्यातील सर्व उसाचे गाळप वेळेत करण्याचा प्रयत्न राहील. औरंगाबाद विभागात कारखाने कमी आणि यंदा ऊस जादा आहे. त्यामुळे या विभागाच्या नियोजनासाठी स्वतंत्र आढावा बैठक घेतली जाईल. राज्यातील कोणते कारखाने सुरू होतील. कोणते आजारी कारखाने सुरू करता येतील, याबाबत आढावा घेतला जात आहे. आजारी कारखान्यांपैकी किमान १० कारखाने सुरू करण्याचा आमचा प्रयत्न राहील. त्यामुळे यंदा एकूण १९५ च्याआसपास कारखाने चालू होतील, असे श्री. देशमुख यांनी स्पष्ट केले.

गाळप सुरू झाल्यानंतर कारखान्यांनी पहिले काही दिवस कच्ची साखर तयार करावी. त्यामुळे निर्यात वाढविता येईल, असा आमचा प्रयत्न आहे. मात्र, या साखरेचेदेखील निर्यातभाव निश्चित करण्याची मागणी कारखानदारांची आहे. तसा प्रस्ताव आम्ही केंद्र सरकारला पाठविणार आहोत, असे सहकारमंत्र्यांनी स्पष्ट केले. मावळत्या हंगामात साखरेचे दर घसरल्यामुळे काही कारखाने आर्थिकदृष्ट्या अडचणीत आलेले आहेत. ताळेबंद उणे असल्यामुळे या कारखान्यांना नवे कर्ज मिळण्यात अडचणी येण्याची शक्यता आहे.

याबाबत श्री. देशमुख म्हणाले,की नाबार्ड, शिखर बॅंक, कारखाने प्रतिनिधींची एक समिती तयार करून शासनासमोर उपाय मांडले जातील. कारण, गाळप पूर्ण क्षमतेने व्हावे, शेतकऱ्यांना पैसा मिळावा आणि बॅंकांचे कर्जदेखील वसूल व्हावे, अशी भूमिका ठेवूनच नियोजन केले जात आहे. मुख्यमंत्री देवेंद्र फडणवीसदेखील गुरुवारी (ता.९) साखर कारखान्यांच्या ठिबक ऊस लागवड योजनेचा आढावा घेणार आहेत. त्याचवेळी कारखान्यांच्या वित्तीय बाबींविषयक प्रस्ताव ठेवला जाण्याची शक्यता आहे, असे ते म्हणाले.

एफआरपी वसुलीसाठी साखर आयुक्तालयाकडून योग्य कामकाज होते आहे. काही कारखान्यांना देण्यात आलेल्या आरआरसी कारवाईला स्थगिती आमच्या पातळीवर देण्यात आली आहे. शेतकऱ्यांना पैसे देण्यासाठी या कारखान्यांना वेळ मिळावा हाच हेतू या स्थगितीमागे आहे, असे सहकारमंत्र्यांनी स्पष्ट केले.
---------------
असा असेल यंदाचा गाळप हंगाम

  •  गाळप हंगामाची सुरवात - १ ऑक्टोबरपासून
  •  उसाची झालेली यंदाची लागवड- ११.६२ लाख हेक्टर
  •  उसाची होणारी उपलब्धता- ९४७ लाख टन
  •  प्रतिहेक्टरी अंदाजे उत्पादकता - ९० टन
  •  यंदाचे साखर उत्पादन - १०७ ते ११० लाख टन
  •  काटामारी तपासणीसाठी यंदाही भरारी पथके  
  •  गाळप परवाने ऑनलाइन दिले जाणार
  •  सहकार महामंडळासाठी प्रतिटन एक रुपया वर्गणी कपात

 

इतर अॅग्रो विशेष
अवर्षणग्रस्त माळरानावर फुलवली प्रगतशील...नगर जिल्ह्यात कायम अवर्षणग्रस्त कर्जत तालुक्यातील...
साठ देशी गायींच्या संवर्धनाचा आदर्शपुणे जिल्ह्यातील मंचर येथील सोनेचांदीचे पारंपरिक...
साखर निर्यातीला डिसेंबरपर्यंत मुदतवाढकोल्हापूर : पावसाळी स्थितीमुळे निर्यात न होऊ...
काजू उत्पादन ३० टक्क्यांनी घटणारसिंधुदुर्ग : जुलै, ऑगस्टमध्ये झालेली अतिवृष्टी,...
द्राक्ष बागांचे पंचनामे करताना दिशाभूलनाशिक  : द्राक्ष बागांचे पंचनामा केल्यास...
कृषी कौशल्य प्रशिक्षणांद्वारे उभी...केंद्र शासनाची प्रधानमंत्री कौशल्य विकास योजना २....
गारठा वाढला; नगर येथे नीचांकी तापमानपुणे  : उत्तरेकडून येणारे थंड वारे,...
पावसाने द्राक्ष शेतीचे ९ हजार कोटींवर...पुणे : सततच्या पावसामुळे सर्व अवस्थांमधील द्राक्ष...
दक्षिण महाराष्ट्रातील कारखान्यांना...कोल्हापूर: कर्नाटकने झोनबंदी केल्याने सीमाभागातून...
पीक नुकसानीचा अंतिम अहवाल लांबण्याची...पुणे : राज्यात अतिपावसामुळे झालेल्या पिकांच्या...
शासकीय खरेदीसाठी उडीद, सोयाबीनची...परभणी: किंमत समर्थन मूल्य योजनेअंतर्गत...
राज्यात बहुतांंश भागांत तापमान २०...पुणे : राज्यात दोन दिवसांपासून किमान तापमान कमी...
पावसाचा सोयाबीन उत्पादकांना २२ हजार...पुणे : राज्यातील खरिपात दुसरे महत्त्वाचे पीक...
चौदा गुंठ्यांतील वैविध्याने अर्थकारणाला...पाच एकर शेतीचे नियोजन करताना ऊस, आले, केळी अशा...
जन्मभूमी रामलल्लाचीच; 'अयोध्या' प्रकरणी...नवी दिल्ली : भारतवर्षाचा राजकीय भूगोल बदलून...
मराठवाड्यातील उपयुक्‍त पाणीसाठा ७१ टक्‍...औरंगाबाद  : संपूर्ण मराठवाड्यात ऑक्‍टोबर...
कांदा साठवणुकीच्या संदर्भात प्रशासन...नाशिक : कांदा दर नियंत्रणासाठी निर्यातबंदी नंतर...
हळद पावडर उद्योगात तयार केली ओळखसांगलीची बाजारपेठ हळकुंड आणि हळद पावडरीसाठी देश-...
शेतीपूरक व्यवसायासाठी मिळणार अनुदानपुणे ः शहरी व ग्रामीण क्षेत्रातील सुशिक्षित युवक-...
शेती, शिक्षण अन ग्रामविकासामध्ये...समानता, स्वातंत्र्य आणि सहानुभूतीमुळेच व्यक्तीचा...