सातारा जिल्ह्यात एक कोटी क्विंटलवर साखर उत्पादन

संग्रहित छायाचित्र
संग्रहित छायाचित्र

सातारा : जिल्ह्यातील सह्याद्री कारखान्यांचा अपवाद उर्वरित १४ कारखान्यांच्या गाळप हंगामाची सांगता झाली आहे. या सर्व कारखान्यांनी आतापर्यंत ८४ लाख ७८ हजार ४४० मेट्रिक टन उसाचे गाळप केले असून, त्यातून एक कोटी १२ लाख सहा हजार ५०५ क्विंटल साखरेचे उत्पादन झाले आहे. जिल्ह्यात यंदा सरासरी ११.९३ टक्के साखर उतारा मिळत आहे. जिल्ह्यात सलग दुसऱ्या हंगामात एक कोटी क्विंटलवर साखर उत्पादन झाले आहे. 

जिल्ह्यातील कृष्णा, श्रीराम, किसन वीर, लोकनेते बाळासाहेब देसाई, अजिंक्यतारा, रयत, प्रतापगड, खंडाळा, जरंडेश्वर, जयवंत शुगर, ग्रीन पॅावर, स्वराज्य शरयू, खटाव-माण या १४ कारखान्यांच्या यंदाच्या गळीत हंगामाची सांगता झाली असून, एकमेव सह्याद्री कारखान्यांचा हंगाम सुरू आहे.  या सर्व कारखान्यांनी ८४ लाख ७८ हजार ४४० टन उसाचे गाळप केले असून, त्यातून एक कोटी १२ लाख सहा हजार ५०५ क्विंटल साखरेचे उत्पादन झाले आहे.

आतापर्यंत झालेल्या गाळपात सह्याद्री कारखान्याने आघाडी ठेवली आहे. या कारखान्याने सर्वाधिक १२ लाख ४५ हजार ४०० मेट्रिक टन उसाचे गाळप केले असून, १५ लाख ४८ हजार ९३० क्विंटल   साखरेचे उत्पादन घेतले आहे. ‘जयवंत शुगर’ला साखर उताऱ्यात आघाडी मिळाली आहे. या कारखान्याचा साखर उतारा १२.९२ टक्के आहे. सर्वांत कमी साखर उतारा ‘माण-खटाव’चा ८.५५ टक्के आहे. सध्या जिल्ह्यात सह्याद्री हा एकमेव कारखाना सुरू असून, या कारखान्याकडे अजूनही ऊस शिल्लक असल्याने मे महिन्याच्या दुसऱ्या आठवड्यापर्यंत सुरू राहण्याची शक्यता आहे.  एफआरपीचे  ८०-२० चे सूत्र कायम  जिल्ह्यात सह्याद्री अपवाद वगळता इतर १४ साखर कारखान्यांचा गाळप हंगाम संपला आहे. या सर्व कारखान्यांकडून पहिला हप्ता देण्यासाठी एफआरपी रकमेच्या ८०-२० चा फार्म्युला स्वीकारला आहे. कोल्हापूर, सांगली जिल्ह्यांतील काही कारखान्यांनी एकरकमी एफआरपी दिली होती. यामुळे जिल्ह्यातील शेतकऱ्यांनाही आशा निर्माण झाल्या होता. मात्र, जिल्ह्यातील कारखान्यांनी ८०-२० चे सूत्र कायम ठेवल्याने शेतकऱ्यांत नाराजी झाली आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com