ऊसदर आंदोलनात आता मनसेचीही उडी

हंगाम
हंगाम

सोलापूर ः ऊसदराचे आंदोलन दिवासेंदिवस तापतच चालले आहे. आता शेतकरी संघटनांबरोबर आता महाराष्ट्र नवनिर्माण सेनेनेही आंदोलनात उडी घेतली आहे, मनसेने गुरुवारी (ता. १६) माळशिरस येथे ऊस उत्पादक शेतकऱ्यांना प्रतिटन विनाकपात २७०० रुपये दर द्यावा, यासाठी रस्ता रोको आंदोलन केले.

पक्षाचे जिल्हा संघटक दिलीप धोत्रे, जिल्हा अध्यक्ष प्रशांत गिड्डे, उपाध्यक्ष मदन माने देशमुख, तालुकाध्यक्ष सुरेश टेळे, सरचिटणीस अप्पा करचे, कार्याध्यक्ष कुंडलिक मगर, बाबा ननावरे, सुरेश वाघमोडे, शशिकांत पाटील, सिद्धेश्वर गरड, अनिल बागल, अर्जुन जाधव, महेश पवार, संतोष देवकते, महिला आघाडी तालुका अध्यक्ष मंगलाताई चव्हाण यांच्या नेत्तृत्वाखाली माळशिरसच्या मुख्य चौकात सकाळी हा रास्ता रोको करण्यात आला.

दरम्यान, ऊसदराच्या या प्रश्नावर रयत क्रांती संघटनेने दीपक भोसले यांच्या नेतृत्वाखाली जिल्हाधिकारी कार्यालयासमोर उपोषाणाला सुरवात केली आहेच. पण आता जनहित शेतकरी संघटनेचे प्रभाकर देशमुख यांनीही सहकारमंत्री सुभाष देशमुख यांच्या लोकमंगल साखर कारखान्यासमोर उपोषणाला सुरवात केली आहे.

आंदोलनाची ही धग काही केल्या कमी होत नाही, कारखानदार मात्र सहकारमंत्री, साखर आयुक्त कार्यालयाकडे बोट दाखवत आहेत. त्यामुळे हा प्रश्न चिघळत जाण्याची शक्यता आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com