जमीन सुपीकतेतूून ऊस उत्पादनात वाढ

प्रकाश जाधव
प्रकाश जाधव

औरवाड (जि. कोल्हापूर) येथील प्रकाश जाधव हे प्रयोगशील ऊस उत्पादक आहेत. त्यांची सात एकर शेती आहे. साधारणपणे तीन एकर आडसाली लागवड आणि तीन एकर खोडवा पीक असते. शेणखत आणि संतुलित खतमात्रेच्या वापरातून जमीन सुपीकता जपत त्यांनी एकरी ८० टनांची सरासरी गाठली आहे.  

उसाच्या खत व्यवस्थापनाबाबत प्रकाश जाधव म्हणाले की, मी संतुलित खतमात्रेवर भर देतो. लागवडीसाठी जमीन तयार करताना शेणखत, गांडूळ खताचा वापर करतो. दर तीन वर्षांनी एकरी दहा ट्राली शेणखत जमिनीत मिसळतो. पाच फुटी सरी करून एक डोळ्याची दोन फुटांवर लागवड केली जाते. ऊस लागवडीअगोदर बेसल डोस देतो. यामध्ये एकरी सिंगल सुपर फॉस्फेट दीडशे किलो, सिलीकॉन, पोटॅश, एमओपी प्रत्येकी ५० किलो देतो. उसाला ठिबक सिंचन केले आहे. उसाची चांगली उगवण झाल्यानंतर एकरी १०० किलो १२:३२:१६ किंवा १०.२६.२६  ही खतमात्रा दिली जाते. ऊस एक ते दीड महिन्याचा झाल्यावर सूक्ष्म अन्नद्रव्यांची मात्रा शिफारशीनुसारच दिली जाते. बाळभरणी करताना एकरी १०० किलो १२:३२:१६ किंवा १०:२६:२६ तसेच ५० किलो युरिया, ५० किलो सिलिकॉन ही खतमात्रा दिली जाते. पक्क्‍या भरणीला एकरी १०० किलो डी.ए.पी. १०० किलो १२:३२:१६ आणि ५० किलो सिलिकॉन ही खतमात्रा दिली जाते. याचबरोबरीने निंबोळी पेंडदेखील दिली जाते. पीकवाढीच्या टप्प्यात ठिबक सिंचनातून विद्राव्य खताची मात्रा दिली जाते. तसेच गरज असेल तर सूक्ष्म अन्नद्रव्यांची फवारणी केली जाते. लागवडीचे एकरी ८० टन आणि खोडव्याचे ५५ ते ६० टनांपर्यंत उत्पादन मिळते.  

  संपर्क ः प्रकाश जाधव.९८२२४२०७७७

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com