agriculture news in marathi, Sugarcane has been available for crushing 82 thousand hectare | Agrowon

सातारा जिल्ह्यात ८२ हजार हेक्‍टरवरील ऊस उपलब्ध
टीम अॅग्रोवन
गुरुवार, 13 सप्टेंबर 2018

सातारा : जिल्ह्यातील ऊस गाळप हंगाम गतवर्षीप्रमाणे लांबणार आहे. जिल्ह्यात आगामी गाळप हंगामासाठी ८२ हजार ४८४ हेक्‍टर क्षेत्रावरील ऊस उपलब्ध आहे. गतवर्षीच्या तुलनेत उसाचे क्षेत्र वाढले असले तरी उद्दिष्ट पूर्ण करण्यासाठी साखर कारखान्यांकडून हंगामाच्या सुरवातीपासून उसाची पळवापळवी सुरू होणार आहे.

सातारा : जिल्ह्यातील ऊस गाळप हंगाम गतवर्षीप्रमाणे लांबणार आहे. जिल्ह्यात आगामी गाळप हंगामासाठी ८२ हजार ४८४ हेक्‍टर क्षेत्रावरील ऊस उपलब्ध आहे. गतवर्षीच्या तुलनेत उसाचे क्षेत्र वाढले असले तरी उद्दिष्ट पूर्ण करण्यासाठी साखर कारखान्यांकडून हंगामाच्या सुरवातीपासून उसाची पळवापळवी सुरू होणार आहे.
जिल्ह्यातील साखर कारखान्यांनी ऊस गाळप हंगामाची तयारी सुरू केली आहे. सर्वच कारखान्यांकडून ऊसतोडणी यंत्रणा सक्षम करण्यासाठी ऊसतोडणी टोळ्या; तसेच टॅक्‍ट्ररचे करार करून ॲडव्हान्स देण्यात आले आहेत. काही कारखान्यांनी बॅायलर पूजन केले आहे. उसाचे क्षेत्र जास्त असल्याने राज्य शासनाकडून एक अॅाक्टोबरपासून गाळप परवाने दिले जाणार आहेत. यामुळे बहुतांशी कारखान्यांचे गाळप अॅाक्टोबर महिन्यात सुरू होणार आहे.

२०१६-१७ हंगामात ५० हजार ३२६ हेक्‍टर क्षेत्रावरील उसाचे गाळप झाले होते. २०१७-१८ हंगामात ८० हजार ६४४ हेक्‍टर क्षेत्रावरील ऊस गाळप करण्यात आला होता. या गाळप हंगामासाठी ८२ हजार ४८४ हेक्टर क्षेत्रावर ऊस उपलब्ध आहे. उसाचे क्षेत्र वाढल्यामुळे गतवर्षीप्रमाणे आगामी गाळप हंगाम मे महिन्यापर्यंत चालण्याची शक्यता आहे. जिल्ह्यातील अनेक कारखान्यांनी गाळप क्षमता वाढवली आहे. दोन कारखान्यांची भर पडली असल्याने १७ कारखाने पूर्ण क्षमतेने गाळप करण्याची शक्यता आहे. सातारा जिल्ह्यातून ऊस नेणे सोपे पडत असल्यामुळे कोल्हापूर, सांगली जिल्ह्यातील अनेक कारखाने येथून ऊस नेतात. या वेळीदेखील या कारखान्यांकडून ऊस नेला जाणार आहे.

ऊसदर मुद्दा कळीचा ठरणार
मागील हंगामांच्या सुरवातीस साखरेचे दर चांगले असल्याने एफआरपी व अधिक दोनशे रुपये हा पॅटर्न साखर कारखान्यांनी मान्य केला होता. सुरवातीस या पॅटर्नप्रमाणे अनेक साखर कारखान्यांनी दर दिले होते. मात्र त्यानंतर साखरेचे दर कमी झाल्याने दरात घट करण्यात आली होती. काही कारखान्यांनी आजपर्यंत बिले दिलेली नाहीत. या कारखान्यांना शेतकरी ऊस देणार नाही. जो कारखाना जास्त आणि वेळेत पैसे देईल अशा कारखान्यांना ऊस दिला जाण्याची शक्यता आहे. जादा दर देणाऱ्या कारखान्यांना ऊस देण्याकडे शेतकऱ्यांचा कल राहणार असल्याने याही हंगामात दर हा कळीची मुद्दा ठरणार आहे.

तालुकानिहाय उसाचे क्षेत्र (हेक्‍टर)

तालुका    क्षेत्र
सातारा    १९,२५८.३६
कोरेगाव  १२,५११.६७
खटाव    ४८४९.०७
कऱ्हाड    १८,७९३
पाटण    ३९२३.१६
वाई   १७३४
जावली  ७३८
खंडाळा    २१४५
फलटण   १७,५७३
माण     ९५९

 

 

इतर बातम्या
जळगाव जिल्हा परिषदेत निधीवाटपावरून आरोप...जळगाव : जिल्हा परिषद सेस फंड, शिक्षण, महिला-...
वऱ्हाडला पीक नुकसानभरपाईचा २६५ कोटींचा...अकोला : ऑक्टोबरमध्ये झालेल्या अतिपावसाचा फटका...
पुणे विभागात रब्बीसाठी अडीच लाख टन खते...पुणे : रब्बी हंगामात शेतकऱ्यांना खतांची अडचण येऊ...
सांगली जिल्ह्यात भूजल पातळी ५८...सांगली : जिल्ह्यात गेल्या पाच वर्षांपेक्षा यंदा...
नाशिक : भिजलेल्या पिकांमुळे चाऱ्याचा...नाशिक : जिल्ह्यात झालेल्या मॉन्सूनोत्तर पावसाने...
धक्कादायक, एकाच गावातल्या ६०० मेंढ्या...नगर  ः मागील महिन्यात अतिवृष्टीने पारनेर...
अधिक उपसा केला तर पाणी टंचाईची शक्यता...लातूर : जिल्ह्यात पावसाळ्याच्या चारही महिन्यांत...
नाशिक जिल्ह्यात नुकसानीपोटी १८१ कोटींची...नाशिक : जिल्ह्यात झालेल्या अतिवृष्टीमुळे...
नागपूर जिल्ह्यात शेतकऱ्यांसाठी कॉंग्रेस...नागपूर : मॉन्सूनोत्तर पावसामुळे शेतकऱ्यांना...
नाशिक जिल्ह्यात टोमॅटोला गेले तडे ! ५०...नाशिक  : मॉन्सूनोत्तर पावसाच्या तडाख्यामुळे...
...'या' सिंचन योजनेची पाणीपट्टी होणार...सांगली : ताकारी उपसा सिंचन योजनेच्या पाणीपट्टीची...
किसान सभेकडून विमा कंपनीला २८...पुणे : पुण्यातील दि ओरिएन्टल इन्शुरन्स कंपनीकडून...
हैबतबाबांच्या पायरीपूजनाने आळंदीत...आळंदी, जि. पुणे  ः टाळ-मृदंगाचा निनाद आणि...
गूळ सौदे सुरू करण्यासाठी दोन्ही घटकांना...कोल्हापूर  : गेल्या दोन दिवसांपासून व्यापारी...
सांगली जिल्ह्यात ऊस दरासाठी ‘स्वाभिमानी...सांगली : जिल्ह्यात गळीत हंगाम सुरू होताच...
उद्यापासून हंगाम सुरु, पण ऊसतोड बंदच !मुंबई / पुणे  ः राज्यातील यंदाचा ऊस गाळप...
कोल्हापुरात कारखान्यांकडून ऊसतोड सुरू...कोल्हापूर  : गेल्या चार दिवसांपासून...
विदर्भ, मराठवाड्यात गारठा वाढलापुणे   : किमान तापमानात घट होत असल्याने...
खतमाफियांमुळे शेतकऱ्यांची मोठी लूटपुणे : बोगस मिश्रखतांचे उत्पादन व विक्री करणाऱ्या...
बटाटा, टोमॅटोतील उशिरा येणाऱ्या करपा...बटाटा आणि टोमॅटो यांसारख्या पिकांमध्ये प्रचंड...