agriculture news in marathi, sugarcane plantation area decrease due to drought, kolhapur, maharashtra | Page 2 ||| Agrowon

दुष्काळाने ऊस लागवडीत खोडा

राजकुमार चौगुले
गुरुवार, 16 मे 2019

सध्याचा उन्हाचा तडाखा जास्त असल्याने उसाला पाण्याचे नियोजन करणे आवश्‍यक आहे. पाणी पुरेसे मिळावे यासाठी विशेष करून सायंकाळच्या वेळेत पाणी द्यावे. वाढ समाधानाकारक असल्यास फवारणीचे नियोजन करावे. मुळांना फॉस्‍फाेरस जास्तीत जास्त मिळेल, या बेताने फवारणीचे नियोजन करावे. यामुळे मुळांची वाढ चांगली होते. पाणी नसल्यामुळे जमिनीतून खत देणे अशक्‍य असल्याचे फवारणीसाठी प्रयत्न आवश्‍यक आहेत. सध्या शेतकऱ्यांकडून पाणी व्यवस्थापनाबाबत आमच्याकडे विचारणा होत आहे. ठिबक व स्प्रींकलचा प्रभावी वापर आता गरजेची बनली आहे. 
-डॉ. अशोक पिसाळ, कृषी विद्यावेत्ता, कृषी महाविद्यालय, कोल्हापूर.

कोल्हापूर: राज्यात दुष्काळाच्या झळा तीव्र झाल्याने याचा फटका आता उसाच्या पूर्व हंगामी व सुरू लागवडीला बसत आहे. सातत्याने चाळीशी पार केलेल्या पाऱ्यामुळे या कालावधीतील उसाला पाण्याचे नियोजन करणे अशक्‍य बनले आहे. पुरेसे पाणी न मिळाल्यास या हंगामातील लागवडी संकटात येण्याची शक्‍यता आहे. पाण्याच्या टंचाईमुळे राज्यात यंदा दोन्ही हंगामांतील ऊस लागवडीकडे शेतकऱ्यांनी दुर्लक्ष केले आहे. परिणामी, लागवडीत घट झाली आहे.  

राज्यात पश्‍चिम महाराष्ट्र वगळता अन्य ठिकाणी पूर्व हंगामी (आक्‍टोबर, नोव्हेंबरमध्ये होणारी लागवड) व सुरु (जानेवारी, फेब्रुवारीतील लागवड) अशा दोन हंगामांत जास्तीत जास्त ऊस लागवड होते. पश्‍चिम महाराष्ट्रात आडसाली (जुलै, ऑगस्ट) लागवड होते. पाण्याची शक्‍यता नसल्याने यंदा सुरु लागवडीला मोठे अडथळे आले. बहुतांशी राज्यात जानेवारीपासूनच पाणीटंचाई निर्माण झाली. फेब्रुवारी, मार्चमध्ये तर अनेक ठिकाणचे जलस्रोत आटले. याचा विपरीत परिणाम सुरु लागवडी घटण्यावर  झाला आहे.  राज्यातील पश्‍चिम महाराष्ट्र वगळता बहुतांशी भागातील शेतकऱ्यांनी यंदा ऊस लागवडीला फाटा दिला आहे. यामुळेच गेल्या वर्षीच्या तुलनेत यंदा सुरु लागवडी कमी झाल्या. याचा परिणाम हा येणाऱ्या गळीतावर नक्कीच होणार असल्याचे कारखाना सूत्रांनी सांगितले. 

ऊस जगविताना कसरत
तज्ज्ञांच्या मतानुसार पूर्व व सुरु हंगामातील ऊस सध्या तीन ते सहा महिने कालावधीचा आहे. ऊसवाढीच्या अवस्थेत असल्याने सध्या या उसाला जादा पाण्याची आवश्‍यकता आहे. या उसाला उशिरा फुटवे येऊन चालत नाही. सध्याच्याच कालावधीत फुटवे आले तरच वाढ चांगली होते. पण, अनेक ठिकाणी टंचाईची स्थिती निर्माण झाल्याने उसाला आवश्‍यक इतके पाणी देतानाही दमछाक होत आहे. जिथे पाण्याचे अत्यल्प साठे आहेत. तेथील उस पीक धोक्‍यात आले आहे. कमीतकमी पाण्यात या उसाचे कसे व्यवस्थापन करावे, यासाठी शेतकरी धडपडत आहेत. 

मोसमी पावसावर हंगाम अवलंबून
पश्‍चिम महाराष्ट्रात जूनपासून आडसाली लागवडीची तयारी सुरू होते. परंतु जर पाऊस वेळेत झाला नाही तर या लागवडीही पुढे जातील अशी भीती कारखाना प्रतिनिधींनी व्यक्त केली. नदीच्या पाण्याव्यतिरिक्त जे शेतकरी विहिरी व कूपनलिकांच्या पाण्यावर अवलंबून आहेत. त्या स्रोताची पातळीही खाली जात असल्याने आडसाली हंगामात किती लागवडी होतील याबाबत साशंकता आहे. सध्या बऱ्यापैकी वाढ झालेल्या आडसाली लागवडीलाही पाणी जादा प्रमाणात लागत आहे. यामुळे पुरेसा पाऊस झाल्यावरच शेतकरी नव्या आडसाली लागणीसाठी विचार करतील. जर वेळेत पाऊस नाही झाला तर सध्या उभा असणाऱ्या आडसाली उसावर उत्पादन घटीचा परिणाम होर्इलच पण नव्या लागणीही थांबतील. अशी भीती कारखाना प्रतिनिधींनी व्यक्त केली. 
 


इतर बातम्या
पुणे विभागात चारा पिकांच्या पेरणीवर भरपुणे ः उन्हाळ्यात जनावरांना चाऱ्याची अडचण येऊ नये...
सांगली जिल्ह्यात द्यापही तूर खरेदी सुरू...सांगली : शासनाने हमीभावाने तूर खरेदी करण्यासाठी...
आटपाडीत डाळिंब उत्पादकांना विमा भरपाईची...आटपाडी, जि. सांगली : यावर्षी पावसातील सुरुवातीचा...
मक्यावरील अळीमुळे शेतकरी चिंतातुरअकोला ः जिल्ह्यात या रब्बीत लागवड झालेल्या...
राज्यात गोंधळलेले सरकार: देवेेंद्र...मुंबई ः दिशा ठरत नाही आणि त्यांना सूरही गवसत...
कर्जमाफीच्या मुद्द्यावर राज्य सरकारची...मुंबई : आजपासून (ता. २४) सुरू होणारे अर्थसंकल्पी...
अकरा लाख टन रिफाइंड पामतेल आयातीला...नवी दिल्ली: केंद्र सरकारने रिफाइंड पामतेलाची...
कर्जमाफी बिनकामाची, तकलादू : राजू...नगर: पंतप्रधान पीकविमा योजना सरकारी...
पूर्व विदर्भात पावसाचा अंदाजपुणे  : पावसासाठी पोषक हवामान असल्याने पूर्व...
‘ठिबक’च्या ऑनलाइन अर्जासाठी मुदतवाढपुणे ः ठिबक सिंचन योजनेचा लाभ घेण्यासाठी ऑनलाइन...
अधिकाऱ्यांच्या खेळात नाचणी उत्पादक वेठीसकोल्हापूर: उन्हाळ्यात नाचणी घेऊन पन्हाळा पश्‍चिम...
चार हजार शेतकऱ्यांना र्दृष्टीदोष दूर...गोंडपिपरी, जि. चंद्रपूर : व्यवसाय करताना बेरीज-...
रेशीम उद्योगासाठी शेतकऱ्यांनी पुढे यावे...औसा, जि. लातूर :  ‘‘रेशीम उद्योगाकडे...
औरंगाबाद जिल्ह्यात विजेअभावी सिंचनाची...औरंगाबाद : पंधरवडा रात्री तर पंधरवडा दिवसा...
जीआय टॅगिंगयुक्त हापूसला दीड लाखापर्यंत...रत्नागिरी : ‘‘निर्यातीत हापूसचा टक्के घसरत असून...
कावपिंप्रीत चार वर्षांनंतर बहरली पिकेकावपिंप्री, जि. जळगाव : यंदा कावपिंप्रीसह...
नीरा-देवघरच्या पाणीवाटपावरुन पिलीवमध्ये...सोलापूर : राज्य सरकारने नीरा- देवघर धरणातील...
‘टेंभू’च्या पाण्यासाठी जास्त पंप सुरू...सांगली : शेतकऱ्यांच्या मागणीनुसार टेंभू उपसा...
खानदेशात कांदा दरातील चढउतारामुळे...जळगाव : खानदेशातील प्रमुख बाजार समित्यांमध्ये...
विदर्भात पावसाची शक्यतापुणे: पूर्व आणि पश्चिमेकडील वाऱ्यांचा संगम होत...