आडसाली ऊस लागवडीला कोल्हापूर जिल्ह्यात गती

गेल्या दहा ते बारा दिवसांपासून परिसरातील शेतकरी आडसाली ऊस लागवडीला प्राधान्य देत आहेत. मध्यंतरी कडक उन्हामुळे लागवडी खोळंबल्या होत्या. परंतु आता त्याला गती येत आहे. - दिलीप जाधव, ऊस विकास अधिकारी, दत्त कारखाना, शिरोळ
आडसाली ऊस लागवड वेगात सुरु
आडसाली ऊस लागवड वेगात सुरु

कोल्हापूर  : जिल्ह्यात गेल्या पंधरवड्यात चांगला पाऊस झाल्याने आडसाली ऊस लागवडीने गती घेतली आहे. पाऊस वेळेत सुरू न झाल्याने लागवडी सुमारे महिनाभर खोळंबल्या होत्या. आता नव्याने लागवडीस प्रारंभ झाला आहे.

जिल्ह्यात विशेष करून पूर्व भागात आडसाली ऊस लागवडीला शेतकरी प्राधान्य देतात. उन्हाळी पिके काढल्यानंतर पावसाळा सुरू होईपर्यंत एखादा भाजीपाल्याचा प्लॉट करायचा किंवा रान मोकळे ठेवून आडसाली ऊस लागवड करायची अशी पद्धत साधारणपणे शेतकरी अवलंबतात. खरीप हंगामाच्या प्रारंभीच ऊस लागवड सुरू होते. परंतु यंदा जून महिना जवळपास कोरडाच गेला. जिल्ह्याच्या पूर्व भागात तर पाच - दहा टक्केही पाऊस झाला नाही. मे महिन्यातील वळवाच्या जोरावर शेतकरी शेत तयार करून आडसाली ऊस लागवड करतात. परंतु कडक उन्हाळा व लवकर पाऊस न झाल्याने शेतकऱ्यांनी ऊस लागवड पुढे ढकलली होती.

पूर्व भागात संततधार नसला तरी बहूतांशी ठिकाणी जोरदार पाऊस झाला आहे. यामुळे मशागतीसाठी शेत तयार झाले. सध्या पाऊस थांबल्याने गडबड करून शेतकऱ्यांनी ऊस लागवडीला प्राधान्य दिले आहे. 

बियाणे बघणे, शेत तयार करून सऱ्या सोडणे या कामांमध्ये सध्या ऊस उत्पादक व्यस्त आहे. कोल्हापूरबरोबर शेजारील बेळगाव जिल्ह्यातही ऊस लागवडीला प्राधान्य दिले जात आहे. ऑगस्टच्या मध्यापर्यंत शेतकरी आडसाली ऊस लागवड पूर्ण करतील, अशी शक्‍यता कारखाना सूत्रांनी व्यक्त केली.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com