agriculture news in marathi, sugarcane planting in pune region | Agrowon

पुणे विभागात आडसाली, पूर्वहंगामी उसाची दीड लाख हेक्‍टरवर लागवड

टीम अॅग्रोवन
गुरुवार, 30 नोव्हेंबर 2017
पुणे : यंदा पावसाळ्याच्या सुरवातीला कमी प्रमाणात पाऊस झाला. त्याचा परिणाम पुणे विभागातील ऊस लागवडीवर झाला आहे. सध्या विभागात पूर्वहंगामी ऊस लागवड सुरू आहेत. आत्तापर्यंत विभागात आडसाली, पूर्वहंगामी उसाची एक लाख ४९ हजार २९० हेक्‍टरवर लागवड झाली आहे; परंतु लागवडीचा वेग बघता चालू वर्षी कमी प्रमाणात लागवड झाली असून, पुढील वर्षी साखर कारखान्यांना गाळपासाठी लागणाऱ्या ऊस उपलब्धतेत कमालीची घट होण्याची शक्‍यता वर्तविण्यात येत आहे.  
 
पुणे : यंदा पावसाळ्याच्या सुरवातीला कमी प्रमाणात पाऊस झाला. त्याचा परिणाम पुणे विभागातील ऊस लागवडीवर झाला आहे. सध्या विभागात पूर्वहंगामी ऊस लागवड सुरू आहेत. आत्तापर्यंत विभागात आडसाली, पूर्वहंगामी उसाची एक लाख ४९ हजार २९० हेक्‍टरवर लागवड झाली आहे; परंतु लागवडीचा वेग बघता चालू वर्षी कमी प्रमाणात लागवड झाली असून, पुढील वर्षी साखर कारखान्यांना गाळपासाठी लागणाऱ्या ऊस उपलब्धतेत कमालीची घट होण्याची शक्‍यता वर्तविण्यात येत आहे.  
 
पश्‍चिम महाराष्ट्रात नगर, पुणे, सोलापूर हे जिल्हे उसाचे आगार म्हणून ओळखले जातात. या जिल्ह्यांतील शेतकरी दरवर्षी जून ते सप्टेंबर महिन्यात मोठ्या प्रमाणात आडसाली आणि ऑक्‍टोबर, नोव्हेंबरमध्ये पूर्वहंगामी उसाची लागवड करतात. शेतकऱ्यांनी लागवड केलेला ऊस दुसऱ्या वर्षी साखर कारखान्यांना गाळपासाठी उपलब्ध होतो. चालू वर्षी जून आणि जुलैमध्ये अत्यंत कमी पाऊस झाला. ऑगस्टमध्ये पावसाने काहीशी चांगली हजेरी लावली. त्यामुळे धरणाच्या पाणीपातळीत वाढ झाली. सप्टेंबरमध्ये झालेल्या पावसामुळे धरणे भरून वाहू लागली होती. त्यामुळे भूजलपातळीत चांगली वाढ होऊन विहिरींमधील साठा वाढला होता.
 
सुरवातीच्या अडीच महिन्यांत उसाच्या आगारात दमदार पाऊस न झाल्याने शेतकऱ्यांनी ऊस लागवडीऐवजी तूर, मूग, उडीद अशी पिके घेण्यावर भर दिला; मात्र नंतर झालेल्या पावसामुळे ऊस लागवडीला वेग येणे आवश्‍यक होते; परंतु अजूनही ऊस लागवडीला फारसा वेग आलेला दिसत नाही. आता पूर्वहंगामी ऊस लागवडीचा हंगाम संपत आला आहे. त्यामुळे चालू उसाच्या लागवडी शेतकऱ्यांना कराव्या लागणार आहेत. 
 
पुणे विभागातील शेतकरी दरवर्षी मोठ्या प्रमाणात आडसाली ऊस लागवड करतात. गेल्या चार ते पाच वर्षांपासून पुणे विभागात पाणीटंचाईचे संकट उभे राहत आहे. त्यामुळे ऊस लागवडीच्या क्षेत्रात दरवर्षी घट होत आहे. यंदा उशिराने झालेल्या पावसामुळे लागवड क्षेत्रात वाढ होण्याची शक्‍यता असली, तरी लागवडीचा आकडा दोन लाखांच्या पुढे सरकलेला दिसत नाही.
 
विभागात सर्वाधिक ऊस लागवड असणाऱ्या नगर जिल्ह्यात लागवडीचा आकडा पन्नास हजारांच्या पुढे अजूनही सरकलेला नाही. पुणे जिल्ह्यात ५५ हजार ९९० हेक्‍टरवर लागवड झाली असली, तरी ती दरवर्षीच्या तुलनेत कमी असल्याचे दिसून येते. सोलापूर जिल्ह्यात ४९ हजार ६५० हेक्‍टरवर ऊस लागवड झाली आहे.    
 
जिल्हानिहाय झालेली लागवड ः हेक्‍टरमध्ये 
जिल्हा सरासरी क्षेत्र लागवड
नगर १,२१,१८० ४३,६५०
पुणे १,३०,६३० ५५,९९०
सोलापूर १,६१,७७० ४९,६५० 

इतर ताज्या घडामोडी
शैक्षणिक वर्ष जूनपासूनच : मुख्यमंत्री...मुंबई : ‘‘शिक्षण हे जीवनावश्यक आहे ते...
राज्यात नवे २४८७ रुग्ण; सध्या ३४,४८०...मुंबई : राज्यात आज दिवसभरात २४८७ नवीन रुग्णांचे...
परवानगी नसलेल्या एचटीबीटी बियाण्यांचा...अमरावती ः घरपोच बियाणे वाटपाच्या माध्यमातून...
लोकांना पूर धोक्‍याची जाणीव करुन द्या ः...भंडारा ः वैनगंगा नदी तसेच इतर नदीकाठावरील खोलगट...
गोंधळी शिवारात ६२ हजारांचा एचटीबीटी...यवतमाळ ः कृषी विभागाच्या पथकाने अमरावती, यवतमाळ...
प्रतिबंधित क्षेत्राबाहेरील यंत्रमाग...मालेगाव, जि. नाशिक : ‘‘लॉकडाऊनमुळे यंत्रमागाची...
टोळधाड प्रादुर्भावग्रस्त क्षेत्राला...भंडारा ः भंडारा जिल्ह्यातील टोळधाड...
शेतकऱ्यांनी डिजिटल व्यासपीठाचा वापर...पुणे ः कोरोनामुळे शेतीक्षेत्राचे चित्र बदलणार आहे...
नांदेड जिल्ह्यात पाच हजारावर...नांदेड : किमान आधारभूत किंमत खरेदी योजनेअंतर्गंत...
विदर्भ राज्य आंदोलन समितीचे ७ जूनला...अकोला ः कोरोनामुळे उद्योगधंदे, व्यापार, शेती,...
‘कुकडी’चे उन्हाळी आवर्तन सहा जूनला...नगर : ‘कुकडी’च्या उन्हाळी आवर्तनासाठी पुणे येथे...
नगर अर्बन बॅंकेला चाळीस लाखांचा दंडनगर : नगर अर्बन को-ऑपरेटिव्ह बॅंकेला रिझर्व्ह...
नांदेडमधील कापूस संशोधन केंद्रात...नांदेड : वसंतराव नाईक मराठवाडा कृषी...
‘सोयाबीन लागवड तंत्रज्ञान व प्रक्रिये’...परभणी : वसंतराव नाईक मराठवाडा कृषी विद्यापीठातील...
दोन वाहनांतील कापूस घेण्याचे आदेश द्या...परभणी : भारतीय कापूस महामंडळाच्या (सीसीआय) मानवत...
दुग्ध व्यवसायाने घराला आधारशेतीपूरक व्यवसायामध्ये दुग्ध व्यवसाय पूर्वीपासूनच...
पंतप्रधान मोदी यांच्याकडून संशोधक...नाशिक : जिल्ह्यातील वऱ्हाणे (ता.बागलाण) येथील...
ग्रामविकास विभागामार्फत मोफत आर्सेनिक...कोल्हापूर  : नागरिकांची रोगप्रतिकारक शक्ती...
कापसाच्या वाती करून शासनाची आरती...अमरावती  ः पूर्व विदर्भातील पांढऱ्या...
एचटीबीटीबाबत केंद्र सरकारकडे पाठपुरावा...नागपूर  ः एचटीबीटीचा विषय केंद्र सरकारच्या...