कोल्हापूर ः पंतप्रधान पीकविमा योजनेत ऊस या पिकाचा समावेश करावा. मात्र, या योजनेत शेतकऱ्यांना सहभागी होण्यासाठी ऐच्छिक विषय असावा, अशी मागणी पालकमंत्री सतेज पाटील यांनी मुख्यमंत्र्यांकडे केली.
मुख्यमंत्री उद्धव ठाकरे यांनी राज्यस्तरीय खरीप हंगाम पूर्व बैठक व्हिडिओ कॉन्फरन्सिंगद्वारे गुरुवारी (ता. २१) घेतली. या बैठकीत विविध विषयांचा आढावा त्यांनी घेतला. पालकमंत्री श्री. पाटील यावेळी ही मागणी केली.
ऊस तोड यंत्राचा कृषी यांत्रिकीकरण योजनेत अनुदानासाठी समावेश करावा. शेतकऱ्यांना युरिया खताचा सुरळीत पुरवठा होण्यासाठी संबंधित कंपन्यांना आदेश द्यावेत. पंतप्रधान पीकविमा योजनेत ऊस या पिकाचा समावेश करून त्यामध्ये सहभाग होण्यासाठी शेतकऱ्यांसाठी ऐच्छिक विषय ठेवावा, अशी प्रमुख मागणीही पालकमंत्री श्री. पाटील यांनी मुख्यमंत्र्यांकडे केली.
जिल्हाधिकारी कार्यालयात झालेल्या या व्हीसीला जिल्हाधिकारी दौलत देसाई, मुख्य कार्यकारी अधिकारी अमन मित्तल, जिल्हा परिषदेचे उपाध्यक्ष सतीश पाटील, जिल्हा अधीक्षक कृषी अधिकारी ज्ञानदेव वाकुरे, जिल्हा उपनिबंधक अमर शिंदे, महावितरणचे अधीक्षक अभियंता अंकुर कावळे उपस्थित होते.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.