Agriculture news in Marathi, Sugarcane silt season will be prolonged in Satara district | Agrowon

सातारा जिल्ह्यात ऊस गाळप हंगाम लांबणार

टीम अॅग्रोवन
गुरुवार, 7 नोव्हेंबर 2019

सातारा ः अतिवृष्टी, परतीचा तसेच सध्या सुरू असलेल्या पावसाचा फटका इतर पिकांप्रमाणे ऊस पिकांलाही बसला आहे. पावसामुळे वाढीवर झालेला परिणाम, वाऱ्यामुळे पडलेला ऊस तसेच पिकात साचलेले पाणी यामुळे कारखान्यांकडून हंगामाची तयारी संथ गतीने सुरू आहे. पाऊस थांबल्यास डिसेंबरच्या सुरवातीस हंगाम सुरू होण्याची शक्यता व्यक्त केली जात आहे. 

सातारा ः अतिवृष्टी, परतीचा तसेच सध्या सुरू असलेल्या पावसाचा फटका इतर पिकांप्रमाणे ऊस पिकांलाही बसला आहे. पावसामुळे वाढीवर झालेला परिणाम, वाऱ्यामुळे पडलेला ऊस तसेच पिकात साचलेले पाणी यामुळे कारखान्यांकडून हंगामाची तयारी संथ गतीने सुरू आहे. पाऊस थांबल्यास डिसेंबरच्या सुरवातीस हंगाम सुरू होण्याची शक्यता व्यक्त केली जात आहे. 

जिल्ह्याच्या पश्‍चिम भागात आॅगस्टच्या सुरुवातीपासून सुरू झालेल्या अतिवृष्टीमुळे विविध पिकांसह ऊस पिकांची मोठी हानी झाली आहे. कराड, पाटण तालुक्यांसह सातारा, जावळी, वाई तालुक्यांतील नदीकाठच्या ऊस पिके पाण्याखाली राहिल्याने ऊस कुजल्याने वाढीवर परिणाम झाला आहे. या संकटातून बाहेर येत असतानाच परतीचा तसेच अवकाळी पाऊस सुरू असल्याने नोव्हेंबरमध्ये सुरू होणारा हंगाम डिसेंबरच्या सुरुवातीला सुरू होण्याची शक्यता आहे. 

अतिवृष्टीमुळे नद्यांना आलेल्या पुराने तसेच शेतात पाणी साचले होते. या महापुरात आलेल्या व नदीकाठचा ऊस दहा ते १२ दिवस पाण्याखाली राहिले होते. यामुळे अनेक ठिकाणचा ऊस कुजण्याबरोबरच वाढीवर परिणाम झाला आहे. सर्व कारखान्यांची वार्षिक सर्वसाधारण सभा झाल्या आहेत. ऊसतोड मजुरांचे करार पूर्ण झाले असले तरी त्यांना अजूनही आणलेले नाही. सध्या सुरू असलेल्या पावसामुळे शेतात पाणी कायम आहे. यामुळे ऊस पिकांची तोडणी व वाहतूक करणे शक्य नाही. परिणामी, कारखान्यांकडून हंगामाची कोणत्याही प्रकारची हालचाल केली जात नाही. 

साखर आयुक्तालयाकडून एक डिसेंबरपासून गाळप सुरू करण्याची परवानगी देण्यात आली आहे. मात्र सध्या परिस्थिती पाहता या तारखेला हंगाम सुरू होण्याची चिन्हे कमी दिसून येत आहेत. एकूणच इतर पिकांप्रमाणे उसाचेही या अति पावसाने नुकसान सुरू आहे. उसाचे नुकसान झाल्याने साखरेचे उत्पादनात मोठी घट होणार आहे. गाळप प्रारंभ एक महिना पुढे गेल्याने गाळपाचा कालावधी लांबणार आहे. कोल्हापूर, सांगली या दोन जिल्ह्यांतील ऊस खराब झाला असल्याने सातारा जिल्ह्यातून जास्त ऊस नेला जाण्याची शक्यता आहे. परिणामी गाळपाचे उद्दिष्ट गाळण्यासाठी उसाची पळवापळवी होणार आहे. 

वाढीव दर मिळण्याची शक्यता  
उसाचे झालेले नुकसान तसेच लागवडीच्या क्षेत्रात झालेली घट यामुळे गाळपास ऊस कमी पडणार आहे. या हंगामात अनेक कारखानदार उसासाठी शेतकऱ्यांच्या दारात जावे लागणार आहे. कारखान्यांला ऊस मिळावा यासाठी इतर कारखान्यांच्या तुलनेत जास्त दर द्यावा लागणार आहे. यामुळे शेतकऱ्यांना जास्त दर मिळण्याची शक्यता व्यक्त केली जात आहे.    
 


इतर ताज्या घडामोडी
लाल कांद्याच्या दरात सुधारणा नाशिक  : दरवर्षीच्या प्रमाणे लाल कांद्याची...
सोलापूर जिल्ह्यातील नुकसानीपोटी मिळणार...सोलापूर  : ऑगस्टमध्ये आलेल्या महापुरात...
ठाकरे सरकारचे उद्यापासून पहिलेच अधिवेशनमुंबईः नागपूर येथील छोटेखानी हिवाळी अधिवेशनात...
ग्रासपेंटिंगच्या माध्यमातून...शिराढोण ः उस्मानाबाद जिल्ह्यातील निपाणी (ता. कळंब...
तनपुरे कारखाना चालावा ही जिल्हा बॅंकेची...नगर : "डॉ. बाबूराव तनपुरे सहकारी साखर कारखान्याची...
औरंगाबादमध्ये कांदा १२०० ते ८००० रुपये...औरंगाबाद : येथील कृषी उत्पन्न बाजार...
नांदेड, परभणी, हिंगोलीत नुकसानीपोटी ५७८...नांदेड : अवेळी पावसामुळे झालेल्या पिकांच्या...
कोल्हापुरात पुष्प प्रदर्शनास प्रारंभकोल्हापूर  : गार्डन्स क्लब आणि कोल्हापूर...
कळवण येथे शेतकरी संघटनेचे निर्बंधमुक्ती...नाशिक  : शेतकरी संघटनेचे संस्थापक शरद जोशी...
नुकसानीमुळे पीककर्जाकडे शेतकऱ्यांचा कल पुणे ः अतिपावसामुळे खरीप पिकांचे नुकसान...
सटाणा शहरात कचऱ्यापासून होणार...नाशिक : सटाणा शहराने स्वच्छतेच्या बाबतीत...
पुणे जिल्हा परिषद अध्यक्ष पदासाठी आज...पुणे ः पुणे जिल्हा परिषदेच्या अध्यक्ष पदासाठी...
औरंगाबाद, जालना, बीड जिल्ह्यांत कापूस...औरंगाबाद : आधी दुष्काळाचा ताण, त्यानंतर...
पुणे जिल्ह्यात ग्रामपंचायतींच्या...पुणे ः जिल्ह्यात पुढील वर्षी जुलै ते डिसेंबर २०२०...
काळ्या ज्वारीमुळे शासकीय खरेदीला ब्रेकअमरावती  ः अचलपूर खरेदी विक्री संघाला ज्वारी...
मराठवाड्यातील १४ लाख ५५ हजार हेक्‍टरवर...उस्मानाबाद : मराठवाड्यातील आठही जिल्ह्यांत १४ लाख...
अकोल्यात सोयाबीन पोचले ४१०० पर्यंतअकोला ः येथील कृषी उत्पन्न बाजार समितीत सोयाबीनला...
माकडांच्या उच्छादामुळे बोराच्या बागेचे...मानोरा जि. वाशीम ः तालुक्यातील  कारखेडा...
वाळवा तालुक्‍यात द्राक्ष उलाढालीत सात...वाळवा, जि. सांगली : अतिवृष्टीने द्राक्षशेतीचे...
कोल्हापूर जिल्ह्यात बँकांना २५००...कोल्हापूर : ‘‘जिल्ह्यात सर्वच बॅंकांना २ हजार ४३०...